Həftədə ən azı bir dəfə üzə maska tətbiq etmək dəri üçün son dərəcə faydalıdır. Dərinin hər şeydən əvvəl təmizlənməyə ehtiyacı vardır. Maska da təmizləmənin bir parçasıdır. Dərini təmizləmək, bəsləmək və canlandırmaq kimi müxtəlif məqsədlər üçün müxtəlif maskalar tətbiq olunmalıdır.
Krem şəklindəki maskalar sürtüldüyü zaman qatılaşmır. Xüsusilə quru dəri üçün uyğundur. Plastik maskalar isə səthdəki toxumaları sıxır. Bu cür maskalar yorğun və qırışlı dəriyə uyğundur.
Öz maskanızı düzəldin!
Kauçuk maskalar dərhal sərtləşir, jele halında olanları isə yumşaqlıqlarını qoruyur. Gildən düzəldilən maskalar incə gips konsistensiyasına sahibdirlər. Kiçik bir üz hərəkəti zamanı çatlayan bu maskalar yağlı dəri üçün uyğundur. Şəffaf maskalar isə üzdəki kiçik qırışları və məsamələri bağlayır. Maskalar üzdəki əzələlərin boşalmasını təmin edir, qan dövranını sürətləndirir.
Hansı maskanı seçəcəyinizə qərar verməzdən əvvəl dərinizin bəslənməsini, yoxsa təmizlənməsini istədiyinizə qərar verin.
Qərar verdikdən sonra öz maskanızı hazırlaya bilərsiniz. Kosmetoloq Nazan Kamal evdə düzəldilməsi çox asan olan faydalı maskaları təqdim edir:
Ərik maskası: İki ədəd yetişmiş əriyi püre edin. Üzə çəkib 15-20 dəqiqə gözləyin. Bütün növ dəriyə tətbiq oluna bilər.
Çiyələk maskası: İki-üç çiyələyi yaxşıca əzib üzə sürtün. Yenə 15-20 dəqiqə üzdə saxlayın. Xüsusilə yağlı dəri üçün bu maska faydalıdır.
Bal maskası: Bir yumurta sarısının bir qədərini bir çay qaşığı bal və bir çay qaşığı zeytun yağı ilə qarışdırıb üzə sürtmək xüsusilə quru dəri üçün çox faydalıdır. Maskanı üzdə 15-20 dəqiqə saxlamaq lazımdır.
Yulaflı maska: Bir yemək qaşığı yulaf və bir yemək qaşığı gül suyunu qarışdırın. Üzə sürtün. Yağlı dəri üçün çox uyğundur. Üstəlik, qara nöqtələri təmizləyir.
Pivə mayalı maska: Pivə mayası su və ya yağsız südlə sıyıq bir konsistensiya alınana qədər qarışdırılır. Xüsusilə B vitamini baxımından xeyli zəngin olan bu maska dəridəki bütün çirkliliyi və zərərli maddələri yox edər.
Maskadan istifadə edərkən diqqət edin!
Maskadan öncə üzünüzə buxar tətbiq edin. Bunun üçün dərin olmayan qazanda su qaynadıb, dəsmalla örtün. Üzünüzü də dəsmala tərəf tutun. Məsamələrin açıldığını görəcəksiniz.
Göz kənarlarındakı dəri çox həssas olduğu üçün oraya maska sürtməyin. Çünki qırışların yaranmasına gətirib çıxarar.
Meyvələrlə düzəltdiyiniz maskalarda meyvələrin çürük olmamasına diqqət yetirin. Əks halda dəriyə mikrob düşə bilər. Ancaq yetişmiş meyvələri seçin.
Maskanı təmizlədikdən sonra dəriniz yağlıdırsa, nəmləndirici krem və ya qurudursa, yağlı krem sürtün.
Maskadan istifadə edildiyi zaman üzdə dərhal parlaqlıq meydana gəlir. Maska tətbiq edərkən üzün tamamilə hərəkətsiz olması lazımdır. Ən doğru olanı isə arxası üstə yataraq maskanı üzə çəkməkdir.