Vəsaitlər
Boya fırçası və ya kirpik üçün tuş
Boya qoruyucu
Qaş boyası
Pambıq
Tonik
Boya ləkəsi təmizləyicisi
Qaşınızı rəngləmədən əvvəl üzünüzdəki makiyaj və çirk təmizləməlidir. Üzünüzdə hər hansı bir qalıq olarsa, qaş boyası uzunömürlü olmaz və istədiyiniz nəticəni əldə edə bilməzsiniz.
Qaşlarınızın rəngi saçlarınızın rəngi ilə uyğun olmalıdır. Əgər saçlarınız qaradırsa, qaşlarınızı ya qara və ya tünd qəhvəyi tonlarda boyamalısınız. Saçlarınız sarıdırsa, qaşlarınızı bir az açaraq yüngül kölgəli etməlisiniz.
Boyanı hazırlayarkən boya qoruyucunu və qaş boyasını eyni anda qarışdırmalısınız. Çünki eyni anda qarışdırılmazsa, boyanın konsistensiyası xəmir kimi olmaz. Boya qarışdırıldığı anda qaşlara tətbiq olunmalıdır. 2-3 dəqiqə saxlansa, təsiri azalır.
Qaş boyasını qaşlara sürtərkən yaxşıca dairəvi hərəkətlərlə yedirin. Boya qaş diblərinə yaxşıca sürtülməlidir.
Qaşlarınızı boyaydıqdan 3 dəqiqə sonra boyanı silməyə başlayın. Pambıqla artıq boyanı silin. İstənən rəng əldə edilmədisə, qaş təkrar boyana bilər.
Boyanın çox hissəsini pambıqla sildikdən sonra ləkə təmizləyicini pambığa damcıladıb təkrar təmizləyin.
Qaş boyama əməliyyatı bitdikdən sonra artıq tükləri təmizləyin və aralarda olan qaş boşluqlarını qaş qələmi ilə doldurun.