Hər bir qızın və xanımın xarici görünüşündə ən diqqətə çarpan xüsusiyyət saçlarıdır. Saçların kəsimi, rəngi və forması gözəlliyə ayrı bir rəng qatır. Tellər bəzi üzlərə gözəllik qatsa da bəzi üz quruluşlarına yaraşmır.
Alnı dar olanlar bunu gizlətmək üçün qaşların üzərinə enən tel kəsimi edə bilərlər.
Almacıq sümükləri çıxıq olan üzlərə tellər çox yaxşı yaraşar.
Üçbucaq formalı üzlər də telli saçlarla çox zərif görünərlər.
Uzun quruluşlu üzlər, əgər çənə sümükləri çox geniş deyilsə, tellərdən faydalanaraq daha qısa görünə bilərlər.
Tellər diqqətləri burun üzərinə çəkdiyi üçün çox iri və iti buruna sahib olan xanımlara telli saç yaraşmaz.
Tel kəsimi edərkən üz quruluşunuza da diqqət edin.
Yumru üz quruluşlu xanımlar
Yumru üzü daha oval göstərməyin asan yolu tellərdir. Bu kəsim bir az daha iddialı olduğundan hər detalına diqqət yetirmək lazımdır. Daha "sümüklü" bir görünüş əldə etmək üçün dən-dən kəsimli tellər yumru üz üçün uyğun deyil. Küt və qaş üstündə bir kəsim seçməlisiniz.
Ürək formalı üz quruluşu
Assimetrik bir üz tipi olan ürək üzə tellər daha uyğun gələ bilər. Geniş alın və uzun çənəni tarazlaşdırmaq üçün bol qatlı bir kəsimə ehtiyacınız var. Tellər alın xəttindən uzun və yana ayrılmış olmalıdır. Tellərinizin uclarını nazildin. Göz xəttində kəsilmiş incə telləri istədiyiniz tərəfə ayıra bilərsiniz.
Kiçik alınlı üz quruluşu
Doğru tel kəsimiylə alnınızı diqqətə çarpan hala gətirə bilərsiniz. Bunun üçün assimetrik bir kəsimə ehtiyacınız var. Tellərinizi kəsmədən əvvəl hansı yönə doğru ayırmaq istədiyinizə qərar verməyiniz lazımdır. Alınınızda yüngül bir dalğayla gələn və almacıq sümüklərinizə doğru uzanan bir tel üz formanızı "çərçivələyər". Makiyajınızı asanlaşdırar.
Geniş alınlı üz quruluşu
Dağınıq tellərin iki alternativi vardır: Qalın başlayan dib, alnınızı gizlədər. Uclara doğru dağılan hissələr üzünüzü ön plana çıxarar. Buna görə çox dalğalı ya da buruq saçlar üçün uyğun bir seçim deyil. Telləriniz eyni anda həm düz, həm də yanda görünəcəyi üçün gicgahlardakı saçları almacıq sümüyü xəttində kəsin.
Kvadrat formalı üz quruluşu
Tellər kvadrat formalı üzün iti xətlərini "yumşaltmaq" üçün mükəmməl bir üsuldur. İstədiyiniz qəşəng və yumşaq görünüşü əldə etmək üçün tellərin qalın uclarını alnınızın yanlarında saxlayın. İdeal tellər qaşlarınızın dərhal altına qədər tökülməlidir. Tellərinizin uclarını naziltməyi də unutmayın. Küt bir tel gözlərinizin rəngini kölgələyər.
Oval quruluşlu üz:
Hər tel tipinin yaraşacağı oval üzlər üçün ideal tellər qaş və kirpiklərin arasında olmalıdır. Bu sizə tellərinizi düz ya da yana ayrılmış şəkildə istifadə edə bilmə imkanı verər. Gicgahlara yaxın qisimləri uzun buraxmayın. Küt bir tel üzünüzün ən gözəl xüsusiyyətlərini vurğulaya bilmənizi təmin edər.