Gözəl sinə və çiyinlərin ən yaxşı köməkçisi yumşaq süngər, kisə, ya da heç olmasa yumşaq parça,ilıq su və sabundur. Normal dərini sabunla yuyurlar. Quru dərini yumamışdan bir neçə dəqiqə əvvəl zeytun yağı, ya da hər hansı yağlı təmizləyici vasitə çəkirlər.3-5 dəqiqədən sonra yağlı sabunla yuyunur, sirkə,ya da limon şirəsi (2 litr suya 1 xörək qaşığı)qatılmış su ilə yaxalanırlar.
Sinəsində və kürəyində seboreya və sızanaqlar əmələ gələn xanımlar tərkibində dizinfeksiya edici vasitələr olan sabunla yuyunduqdan sonra bədənlərini duzlu(1 litr suya 1 xörək qaşığı) su ilə yaxalamalıdılar. Sızanaqlar və səpgilər olduqda süngər ilə yuyunmaq tövsiyə olunmur.Belə hallarda bədəni sabunla yuduqdan sonra çay sodası (1 litr suya 1 ç q soda)qatılmış su ilə yaxalanır və göz olan yerlərə salisil spirti, ya Lassar pastası, ya da civzəyə qarşı quruducu krem çəkirlər. Belə adamlara zəif marqanslı vanna qəbul eləmək də yaxşı kömək edir.
Bəzilərinin əllərində və çiyinlərində dəri xırda səpkili olur,buna "qaz dərisi" də deyirlər.Ondan yaxa qurtarmaq üçün həmin yerləri müntəzəm olaraq yuyunduqdan sonra narın duzla sürtmək lazımdır.Bunu belə edirlər.Yumşaq kisənin üstünə azca duz tökür,onu isladıb həmin yeri qızarana qədər sürtürlər.Sonra su ilə yaxalayıb dəsmalla qurulayır, dəriyə bir qədər yağlı A və D2 vitamini əlavə edilmiş krem,ya da zeytun yağı çəkirlər.
Boyunun,çiyinlərin öz formasını saxlamasına, başın düzgün tutulması və müvafiq idman hərəkətləri təsir göstərir.
Bəzi arıq qadınlarda çox vaxt kürək tərəfdən boyuna piy yığılması müşahidə olunur.Bunun qarşısını gündəlik yuyunmadan sonra yerinə yetirilən özünəmassaj ala bilər. Boyuna bir az yağlı krem,ya da zeytun yağı çəkir və hər iki əlin barmaqları ilə boyun əzələləri ovuşdurulur.Bu vaxt əlləri boyundan çiyinlərə doğru hərəkət etdirmək lazımdır.Massajdan sonra boyun və çiyinlər sirkəli(1 l suya 1 xq) soyuq suda isladılmış dəsmalla silirlər.Əgər bu nahiyyəyə piy çox yığılmışsa, aşağıdakı hərəkətləri eləmək yaxşı kömək edərdi.
1-ci hərəkət.Stulda oturun,oxlovu iki əlinizlə alıb 2-3 dəq ərzində boynunuzu oxlovla sürtün.
2-ci hərəkət.Düz oturun,gövdənizin vəziyyətini dəyişmədən başınızı mümkün qədər dala əyin,ilk vəziyyətə qayıdın. Hərəkəti 8 dəfə təkrar edin.
Çiyinlərin gözəl vəziyyətini saxlamaq üçün,əsasən oturaqlı vəziyyətdə işləyən qadınlara aşağıdakı hərəkətləri etməyi məsləhət görərdim.
1-ci hərəkət.Düz durun,ayaqları birləşdirin,əlləri aşağı sallayın.Əlləri çiyinlər bərabərinə qaldırın və cəld hərəkətlə onları geri aparın,bu hərəkəti 3 dəfə təkrar edin.
2-ci hərəkət.Düz durun,ayaqları çiyin bərabərində qoyun.Əlləri yuxarı qaldırmaqla bədəni dala əyin.Bunu 3 dəfə təkrar edin və hər dəfə daha aşğı əyilin.
3-cü hərəkət. Bu hərəkət ən çox beli əyilmiş qadınlara məsləhət görülür.Düz durun,ayaqları birləşdirin.Sol əli aşağıdan,sağ əli yuxarıdan dala verin və kürək nahiyyəsində barmaqları birləşdirməyə çalışın.Bu vəziyyətdə çiyinləri dala verin və barmaqları bir-birindən aralamadan dərin nəfəs almağa çalışın. Nəfəsi saxlayın. Nəfəs verin. Nəfəs verərkən əzələləri boşaldın,barmaqları aralayın və əlləri ilk vəziyyətə qaytarın.
Hələlik , növbəti məsləhətlərə qədər.