Meyvə-tərəvəz maskası dərinin elastikliyini artırır. Bu maskalar müxtəlif variantlarda ola bilər. Məsələn, quru dəri üçün adi sürtkəcdən keçirilmiş kökdən istifadə etmək olar.Başqa meyvələrdən də istifadə mümkündür.Meyvəni yaxşıca yuyub qabığını təmizləyirsiniz. Sonra sürtkəcdən keçirilmiş böyük hissələri daha xırda sürtkəcdən keçirir, nisbətən xırdalarını isə qaşıqla şüşə və ya çini qabda əzirsiniz. Maska üçün sıyığabənzər halda və ya çəkilmiş şirədən istifadə etmək olar.Sıyığabənzər kütləyə bir neçə damcı bitki yağı da əlavə edilir. Şirə halında olana isə buğda və ya kartof unu əlavə edilir ki, kütlə axmasın. Alınmış kütlə fırça ilə dəriyə çəkilir və ya tənzifə yaxılaraq üzə qoyulur. Prosedur bitdikdə əvvəlcə isti, sonra isə soyuq su ilə yuyulur.
Bu maska dərini yumşaldır
Yumurta sarısı, bal və bitki yağını eyni bərabərdə götürərək kütlə halını alana kimi qarışdırın. Maskanı eyni bərabərdə təbəqə şəklində dəriyə çəkin. Əvvəlcə isti, sonra isə soyuq su ilə yuyun.
Yumurta sarısı ilə meyvə-tərəvəz maskası da dəriyə yaxşı təsir bağışlayır. Çalınmış yumurta sarısına 1 ç/qaşığı şirə (moruq, çiyələk, alma, gavalı və s.) əlavə edilir. Sonra dəriyə çəkilir və sonda əvvəlcə isti, sonra isə soyuq su ilə yuyulur. Giləmeyvələr kimdə allergiya yaradırsa, onların bu maskadan istifadəsi yaramır.
Yağlı dəri üçün
Otlardan hazırlanmış maskalar dərini təmizləyir. Boymadərən, qatırquyruğu, dazıotu qarışığından olan maskalar da eyni bərabərdə olmaqla hazırlanır (bu kütlənin üzərinə qaynar su tökülərək dəmə qoyulur, sonra bədən hərarətinə kimi soyudulur və istifadə edilir), bitki yağı əlavə olunmur. Dəriyə çəkildikdən sonra üstü 2-3 qat tənzif ilə örtülür. Sonda isə isti su ilə yuyulur.
Yumurta ağı ilə meyvə-tərəvəz və giləmeyvə maskası
Yumurtanın ağı köpüklənənə kimi çalınır və sonra 1 ç.qaşığı təzə sürtgəcdən keçirilmiş meyvə, tərəvəz və ya giləmeyvə əlavə olunur və dəriyə çəkilir. Bu maska sonda isti su ilə yuyulur.
Belə maskalar üzün rəngini yaxşılaşdırır, xiyar, pomidor, kök, qara və qırmızı qarağat, çiyələk şirələrindən hazırlanmış maska yağlılığı azaldır.
Əgər dəri öz qaydasındadırsa, istənilən maskanı eləmək olar.
Üz üçün qoruyucu krem
Qazın və ya toyuğun iç piyi 1:10 nisbətində kamfora yağı ilə qarışdırılır.Qarışığı 2-3 günlük istifadə üçün hazırlayın. Alınmış kütləni üzə, boyunun açıq qalmış hissələrinə və əllərə çəkin.
Əl üçün qoruyucu krem
Yumurtanın ağını 1 desert qaşığı isti gənəgərçək yağı ilə qarışdırın. Müntəzəm olaraq qarışdıra-qarışdıra 1 x.qaşığı qliserin, naşatır spirti, nanəli su (çay dəmi və ya çobanyastığı dəmlənməsi də olar), 2 qram un (qarğıdalı) əlavə edərək hazır kütlədən istifadə edin.
XƏBƏR LENTİ
- ŞƏRHLƏR