Xiyarın tərkibində olan maddələr dəri üçün çox faydalıdır. Xiyar maskaları, kremləri, losyonları kosmetologiya çox geniş istifadə olunur.
Ev şəraitində xiyardan çox effektli maskaları hazırlaya bilərsiniz.
Təravətləndirici maska
1/2 xiyar sürtgəcin xırda gözündən keçirilir, 1/2 x.q. ağ gil, bir qədər su əlavə olunur, qarışdırılır. Maskanı üzə çəkin, 20 dəqiqə saxlayın, sonra ilıq su ilə yuyun və nəmləndirici krem çəkin.
Qidalandırıcı maska
1/2 xiyar sürtgəcədn keçirilir, 1 x.q. xama əlavə olunur, yaxşı qarıdırılır. Maskanı üz və boyun dərisinə çəkin, 15 dəqiqə saxlayın, ilıq suda isladılmış tamponla silin.
Ağardıcı maska
2 x.q. xiyar və 2 x.q. limon şirəsi qarışdırılır. Bu qarışıqda tənzif isladılır, üzə qoyulur və 15 dəqiqə saxlanılır. Sonra üzünüzü ilıq su ilə yuyun və nəmləndirici krem çəkin.
Cavanlaşdırıcı maska
1/2 xiyar, 1 ç.q. bal, 1 yumurtanın sarısı, 1 ç.q. ərik yağı, 3 kapsul aevit (apteklərdə satılır) qarışdırılır və üz və boyun dərisinə çəkilir. Maskanı 20 dəqiqə saxlayın və sonra ilıq suda isladılmış tamponla silin.