Qadın həmişə baxımlı olmalıdır. Özünü sevməlidir ki, ətrafındakı insanlar da onu sevsin və hörmət etsin. Bu dəfəki xəbərimi ev şəraitində dabanlar üçün maskalara həsr etmişəm. Xanımların ən yaralı yeri dabanlarıdır, dabanlara daima qulluq edilməlidir ki, çatlar əmələ gəlməsin, dabanlar bərk olmasın. Vaxtlı-vaxtında qidalandırıcı kremlər, vannalar tətbiq edilməlidir. Sizə dabanlarınız üçün bir neçə maska təqdim edirəm. İnanıram kı, bu maskalardan yararlanacaqsınız.
Əgər bu maskalara başlasanız, ayaqlarınıza vanna etsəniz və ayaqlar üçün gündəlik qidalandırıcı kremlərdən istifadə etsəniz, 2 aya dabanlarınız körpə dabanı kimi yumşaq, təmiz və çəhrayı olacaq.
Soğan maskası
Soğanı təmizləyin, xırdalayın, əzin, dabanlara çəkin. Sellofanla bağlayın, sonra corab geyinib yatın. Səhər ayaqları yuyun, yağlı krem çəkin. Soğan dabanda olan yaraları sağaldacaq.
Zeytun yağlı və limonlu maska
3 çay qaşığı limon şirəsinə yarım çay qaşığı zeytun yağı əlavə edib qarışdırın. Dabanlara çəkin və 20 dəqiqə sonra yuyun.
Dabanlar da vitaminə ehtiyac duyur. Təəssüf ki, yediyimiz qidaların tərkibindəki vitaminlər dabanlara gec çatır. Ona görə də A və B vitaminindən hər gün dabanlara çəkin. Üz dərisi kimi əl və dabanlara da meyvə-tərəvəzlərdən maskalar etmək olar. Sadəcə, meyvəni əzin, ya da yeyəndən sonra qalığını dabanlara sürtün.
Çatları hamarlayan gülümbahar ilə kərə yağı
100 q kərə yağını əzib yumşaldın, ona 20 q gülümbaharı qatıb isidin. Sonra isti halda kütləni tənzif arasına qoyub dabanlara bağlayın. Uzanın və 30 dəqiqə saxlayıb yuyun.
Əziz xanımlar, inanıram ki, bu maskaları tətbiq edəndən sonra nəticəsindən razı qalacaqsınız.