Aliks adlı bu fransız romantikini bütün dünya Cherry Blossom Girl kimi tanıyır. O, bloqunu 2 dildə yazır. Aliks səyahət etməyi sevir, bu zaman o, yeni obrazlar yaratmaq üçün ilham alır. O, demokratik markaları sevir, öz pərəstişkarlarını sadə və həmahəng geyim kombinasiyaları yaratmağa təhrik edir.
Aliks 2007-ci ildə öz bloqunu yaradıb. Onun üçün əsas olan oxucuları heyrətə salmaq deyil, onları ruhlandırmaq və öz ideyalarını onlarla bölüşməkdir. Zərif geyimlərə, qeyri-adi aksesuarlara və rəngərəng geyimlərə olan sevgisiylə təcavüzkar meyllərdən bezən bir çox qadının ürəyini fəth edib. Onun dəb bloqunu ayda 1 milyondan artıq oxucu ziyarət edir.
Təbii ki, belə uğur fashion-dizaynerlərin nəzərindən qaça bilməzdi: bloqun bu uğurundan dərhal sonra Aliksi moda nümayişlərinə dəvət etməyə başladılar. Hərçənd, bu da ona yüksək dəbi sevdirə bilmədi. Aliks belə deyir: "Yüksək dəb - ilham deməkdir, real həyatda mən rahatlıq və sadəliyə üstünlük verirəm".
Aliksin bloqu ən təsirli və zərif bloq hesab edilir. O, səhifəsinə təkcə özünün fotosessiyasını deyil, gəzdiyi ölkələrdən gözəl və maraqlı kadrları yerləşdirir. Onun səhifəsini təkcə modanı təqib edənlər deyil, həm də səyahəti sevənlər oxuyur. Son zamanlar Aliks bu torpaqların ənənələrini və mədəniyyətini öyrənmək üçün Yaponiyada yaşayır.
Aliks obrazlarını təmiz xətlər və al-əlvan rənglərlə yaradır, fakturalarla səliqəli eksperimentlər aparır. Bu zaman həssas və şux baby doll stilinə sadiq qalır. Onun qarderobunun sevimli elementi toxunma köynəklər, kobud ayaqqabılar və uzun jaketlərlə uyğunlaşdırdığı yubkalardır.