Gözlədiyiniz iş görüşü təklifi gəldi. Özünüzü doğru ifadə edə bilmək, qabiliyyətlərinizi ön plana çıxara bilmək üçün paltarınızla bütünlük meydana gətirməyiniz lazımdır. İş görüşməsinə gedərkən doğru paltar seçimi etməyinizə köməkçi olacaq bəzi məlumatları sizinlə paylaşırıq.
İş qadını
Bəzi şirkətlər klassik geyimə əhəmiyyət verərkən, bəzi şirkətlər cins şalvarla işləyə bilmək üstünlüyünə malikdir. Görüşə getməzdən əvvəl şirkət haqqında qısa bir araşdırma aparmalısınız. Bu sayədə şirkətin ümumi quruluşuyla əlaqədar fikir əldə edə bilər və geyim tərzinizi təyin edə bilərsiniz. Reklam agentliyi və bankların mədəniyyətləri arasında fərq vardır və paltar qaydalarına birbaşa təsir edər.
Şalvar-pencək ya da ətək-pencək dəstləri hər şirkətin mədəniyyətinə uyğunlaşmanı təmin edə bilər və gözə çarpmaz. Qəhvəyi, qara, boz, hisə verilmiş kimi rənglərdə kostyumlar seçim edə bilərsiniz. Tünd rənglər əsla modda düşməz və sizə rəsmi bir görünüş qazandırar. Açıq rəngli paltarları ilk görüşdə geyməməyə diqqət edin.
Ağ rəng - qarşınızdakı insanda güvən duyğusunu oyadar. Uzun qollu, belə oturan ağ köynək geyərək ilk müsbət addımı ata bilərsiniz. Kostyumunuz tünd rənglidirsə, açıq bənövşəyi kimi rənglərdə köynəklər seçə bilərsiniz.
Köynək seçimi geydiyiniz kostyumun parçasına görə böyük əhəmiyyət daşımaqdadır. Əgər xəttli kostyum geyirsinizsə, mütləq düz rəngdə bir köynək seçin.
Ayaqqabılarınız paltarınıza uyğun, yüngül dikdaban və mütləq bağlı olmalıdır. Barmaq arası səndəllər, çox yüksək dikdaban ayaqqabılar, biserli babetlər iş görüşməsi üçün uyğun deyil. Geyim tərzinizə uyğun olmasa belə şkafınızda mütləq klassik bir qara ayaqqabı saxlayın.
Qara - hər rənglə uyğunlaşmanı təmin edər və iş görüşləri üçün ən uyğun ayaqqabı modelidir. Təmizlik paltarlarınızda olduğu qədər ayaqqabılarınız üçün də əhəmiyyətlidir. Yanınızda mütləq kağız ya da yaş dəsmal saxlayıb görüşə girməzdən əvvəl ayaqqabınızın üzərindəki ləkə və ya tozları təmizləyin.
İş görüşünə gedərkən aksesuar istifadəsində sadəliyə üstünlük verməlisiniz. Bütün diqqəti üzərinə yığan iri qaşlı üzüklər, parlaq boyunbağılar ya da sallantılı sırğalar iş görüşü üçün seçilməməlidir. Mirvari boyunbağı, tək qaşlı üzük ya da top sırğalar istifadə edərək sadə və diqqətli bir görünüş yarada bilərsiniz.
Çantanız çox böyük ya da çox kiçik olmamalıdır. Tünd rəngli, dəri, orta ölçülü çantalar iş görüşü üçün idealdır.
Əlləriniz baxımlı olmalıdır. Ağ və ağ tonlarındakı dırnaq boyasından istifadə edə bilərsiniz. Makiyajınız şişirdilməməlidir. Yalnız üzünüzə canlılıq verəcək və qarşınızdakı insana özünüzə diqqət göstərdiyinizin siqnalını çatdıracaq növdə olmalıdır.
Dişləriniz təmiz olmalı və nəfəsiniz gözəl iy verməlidir. İş görüşünə girməzdən əvvəl qarşınızdakı adamı narahat edəcək ədviyyatlı yeməklər yeməyin və siqaret çəkməyin. Yüngül qoxulu ətir istifadə edərək gözəl iy verə bilər, baxımlı görünə bilərsiniz.
Saç modeli seçimində sadəliyə estünlük verməli, salondan yeni çıxmış təəssüratı yaratmamalısınız. Qısa saçlarınızı açıq buraxa bilər, uzun saçlarınızı qəşəng bir topuzla şəkilləndirə bilərsiniz.
Hər birinizə iş həyatında uğurlar diləyirəm. Hələ də iş qadını olmaq istəyənlərə də yuxarıdakı məsləhətlərə əməl etməklə məqsədlərinə tez bir vaxtda çatmağlarını arzu edirəm.