Bəbir naxışı bu mövsüm dəbdədir. Bəs bəbir naxışından necə istifadə edə bilərik?
Bəbir naxışlı üst geyimi
Bəbir naxışlı koftaların kombin alternativi bol olduğu üçün qış vaxtı geyim üçün yaxşı bir seçimdir. Məxmər bir şalvar, ya da bandaj ətəklə istifadə edə bilərsiniz. Eyni zamanda bəbir naxışını ən risksiz şəkildə geymək üçün qara şalvardan istifadə edin. Bundan əlavə, bu mövsümün trendlərindən olan rəngli şalvarlar da bəbir naxışı ilə kombinlənə bilər.
Bəbir naxışlı şalvar
Bəbir naxışı daşıyan digər parçalar kimi bəbir naxışlı şalvarların da kombin imkanı olduqca çoxdur. Koftalar, rahat gödəkçələr, köynəklər və s. Bəbir naxışlı şalvar alarkən, hər şeylə kombin edə bilməyiniz üçün həqiqi görünənlərini seçin.
Bəbir naxışlı aksesuarlar
Əgər hər hansı bir naxışın ya da rəngin sizə görə olmadığını düşünür ya da risk etməkdən çəkinirsinizsə, onu aksesuarlarınızda istifadə edin. Çünki demək olar ki, bütün aksesuarlarda bu naxışa rast gəlmək mümkündür. Məsələn , ayaqqabı, kəmər, çanta, sırğa və s.
