Bu gün sizə toy-nişan mərasimlərində, həmçinin özəl dəvətlərdə geyinə biləcəyimiz bir-birindən gözəl modellər təqdim edirəm. Bu modellər hər bir zövqlü xanımın seçimi ola bilər. Paltar seçimləri ilə yanaşı onlarla kombinə edə biləcəyiniz ayaqqabı, aksessuarlar, dırnaq boyaları da var. Paltarların ən çox rəngarəng olması ilə diqqəti cəlb edir. Bu ilin dəbi tünd çəhrayı, qara-gümüşü, tünd mavi və s. rənglərdir. Yəni bu kombinələr istədiyiniz modeli seçməkdə sizə kömək olacaq.
Paltarın sinəsi ürək formasındadı, alt parça atlasdan, üstü isə naxışlı tüldən ibarətdir. Qara rənglə gümüşü rəngin uyğunluğu...
Qırmızı rəngdə olan bu kombinənin üst hissəsi tordan ibarətdir. Sinəsi isə qaşlarla bəzədilmişdir. Gümüşü rəngli aksessuarlarla çox gözəl görünər.
Açıq mavi rəngdə olan bu paltarın çiyin hissəsi gümüşü rəngli qaşlarla dizayn edilmişdir.
Bir çiyinli tünd qırmızı rəngli paltar... Qırmızı ayaqqabılar və parıltılı sarıya çalan çantayla uyğunlaşdırmaq olar.
Tünd bənövşəyi rəngli geyim incə görünüşə malikdir.
Açıq bənövşəyi rəngdə olan paltarın sinəsi yenə də bu ilin dəbi olan güpürlə örtülmüşdür. Balaca çanta və incə bilərziklə çox gözəl görünər.
Açıq cəhrayı rəngdə olan bu gözəl donu nişanı olan xanımlar da seçə bilər.
Açıq rəngli paltarın sinəsi üçkünc formadadır və qaşlarla dizayn edilib.
Həm rəngi, həm də forması çox gözəl görünür. Atlas parçadan hazırlanıb. Bu paltarı da nişanda geyinmək olar.
Qara rəngli üzəri gümüşü qaşlarla tikilmiş bu paltar incə xanımların zövqüdür.
Paltarların çoxunda sinə qaşlı olduğu üçün aksessuar seçimində diqqətli olmaq lazımdır. Əsas da boyunbağı seçimində...