Artıq yarpaqlar saralıb, havalar sərinləşib və yağışlar yağmağa başlayıb. Bu, yeni mövsümün gəlişini xəbər verir. Yeni mövsümün dəbini sizinlə bölüşmək istəyirəm, əziz xanımlar.
Beləliklə tünd göy, boz, qara, tünd qırmızı, tünd çəhrayı, badımcan rəngi payız-qış mövsümünün ən dəbli rəngləri olacaq.
Hər il olduğu kimi kostyumlar da bu mövsümün vazgeçilməzi olacaq.
Şəkillərdən göründüyü kimi bu üslublar - şotland qəfəsi, timsah dərili naxışlar mövsümün dəbi olacaq. Qəfəs naxışları retro üslubunda olan paltolara, şubalara çox gözəl və dəbli görünüş verib.
Mövsümün favoritləri arasında böyük ölçülü (yəni boş model), boğazı dairəvi olan toxunma koftalar, dəri şalvarlar və dəbə uyğun naxışlı palto və pencəklərdir. Aksessuar kimi böyük həcmdə olan sırğalar (parıldayan gümüşü və qızılı rəngli), uzun və həmçinin böyük həcmli qaşları olan boyunbağılar və dizdən yuxarı çəkmələr dəbdə olacaq.
Bu mövsümdə də ağ-qara rəngin bir-biri ilə gözəl ahəngi, vaşaq, bəbir dərisindən olan naxışlar da dəbdə olacaq.
