Dünən Londonun Kensinqton səmtindəki tarixi "Royal Albert Hall"da "British Fashion Awards" mükafatlarının təqdimat mərasimi keçirilib.
"Swarovski" brendi ilə birlikdə keçirilmiş mərasimin iştirakçıları arasında Viktoriya Bekhem, Kendall Cenner, Rozi Hantinqton-Uaytli, Uinni Harlou və başqaları vardı.
44 yaşlı modelyer Viktoriya Bekhem "British Designer of the Year Womenswear" mükafatına layiq görülüb. O, mərasimə 43 yaşlı əri Devid Bekhem və 19 yaşlı oğlu, moda fotoqrafı karyerasına başlamış Bruklinlə qatılmışdı.
Əfsanəvi modelyer Vivyen Vestvud "Swarovski Award for Positive Change", 17 yaşlı model Kaya Qerber isə "Model of the Year" mükafatlarını alıblar.
"British Fashion Awards" mükafatının təsisçisi "The British Fashion Council"dur.
