Bu günə qədər sadəcə aksesuarlarda istifadə etdiyiniz qızılı rəngi artıq geyimlərinizə də parlaqlıq qatacaq. Bəs bu rəng necə kombinlənməlidir?
2018-in qış trendlərinə girməyi bacaran qızılı sarı, parlaqlığı ilə görünüşüsə parıltı qatacaq. Bu sezon sadəcə aksesuarlarda deyil, xüsusilə geyim və botinkalarda qarşımıza çıxan bu trend, sevimli tərzinizin bir parçası olacaq.
Məşhur modelyerlərin yeni il və qış sezonu üçün yaratdığı bir-birindən gözəl geyimlər qızılı toxunuşla qovuşur. Qızılı rəngli şalvarlar, uzun donlar və çəkmələr yeni bir axın yaradır.
Necə kombinlənir?
Belə iddialı rəngləri ön plana çıxaranda, görünüşü şişirtməmək üçün nizam yaratmalısınız. Sadə və idman tərzi ilə kombinləyərək, qızılı rəngin klassik görüntüsünü günlük görüntüyü çevirə bilərsiniz. Qızılı sarını qara rəngli aksesuarlarla tamamlaya bilərsiniz.