Dünyanın tanınmış modelyerləri hər il hansı rəngin dəbdə olmasına baxmayaraq, öz kolleksiyalarında hər zaman qırmızı rəngə önəmli yer verirlər. Rəng mütəxəssislərinin fikrincə, qırmızı – səmimiyyət, güc, ehtiras, şəhvət və eşq rəmzidir. Onlara görə, bu rəng insanı hadisələri aydınlaşdırmaqda daha sürətli qərarlar verməyə yönəldir. Heç təsadüfi deyil ki, xanımların əksəriyyəti gecə-mərasim libaslarını seçərkən onda qırmızı rəngin olmasına müsbət yanaşırlar. Çünki bu rəng diqqəti daha tez özünə cəlb edir. Hər halda, danılmaz reallıqdır ki, modelyerlər öz müştərilərinin rəyinə əsaslanaraq, qətiyyən qırmızı rəngdən imtina etmir, əksinə, ona böyük həvəslə yanaşırlar.Bu rəng həm də sirlilikdən xəbər verir. İnternetdə yer alan ekspert rəylərinə görə, qırmızı rəng özündə 3 elementi – qadağa, icazə və təhlükəni birləşdirir.Bu gün sizlərə qırmızının üstün olduğu geyimlər və aksessuarları təqdim edirəm.
Xanımlar siz qırmızı rəngi sevir və ondan istifadə edirsinizmi?