Çanta modelləri hər mövsüm yenilənir, yeni modellər işlənib hazırlanır. Sizlərə bu ilin ən son dəbi olan çanta modelləri haqda danışacam. Bunlar demək olar ki, yaxşıların ən yaxşısı olaraq çeşidlənib.Buyurun, sizlər də tanış olun.
Michael Kors, soyuq aylar üçün mükəmməl gözəllikdə bir kolleksiya ilə fərqlənir. Kolleksiya ümumilikdə zəriflik və lüks təmasını rahatlıqla uyğunlaşdıra bilib. Pələng dərili və çamadan tip çantaların yanında timsah görünüşlüsünə də rast gələ bilərsiniz. Təbii ki, hamısı bir-birindən gözəl!!!
Burberry 2012-2013 payız mövsümünə bir-birindən rəngarəng çanta modelləri ilə girdi. Kolleksiyanın ən əhəmiyyətli xüsusiyyəti çantalarda aksesuar kimi heyvan fiqurlarından istifadə etməsidir.
Marc Jacobs.
Marc Jacobs kolleksiyası başdan-başa al-əlvan rənglər yığımıdır. Qışda tünd rənglər görməyə alışdığımıza baxmayaraq bu kolleksiyada açıq rənglər daha üstünlük təşkil edir. Bu da Marc özəlliyindən xəbər verən bir xüsusiyyətdir.
Louis Vuitton illərdir ki, fərqli, həm də gözoxşayan çanta modelləri ilə hamını heyran edir. Bu kolleksiyada da fərqlilik və dəb diqqətdədir. Daha diqqət çəkən model isə çamadan modellər olacaq. Çoxunuz bəlkə də Louis Vuitton modellərini bu fəsli sevəcəksiniz. Ola bilər ki, nostalji bir havası olduğu üçün...
Viktoria Bechkam.
Viktoria Bechkam bir neçə il bundan əvvəl yalnız paltar hazırlamaqla məşğul idisə, son iki mövsümdür çantalara xüsusi önəm verir. Həqiqətən zövqlü və zərif olan bu çantaları sevməmək olmur.
Gucci.
Bir çantadan nə gözləyirsiniz? Qəşəng, rahat, keyfiyyətli, Gucci olmasını? Bəli, bu kolleksiyadan axtardığınızı tapa bilərsiniz.
Prada.
Prada 2012-2013 kolleksiyası həqiqətən maraqlıdır. Ayaqqabı və çantalar sanki möcüzə dünyasından gətirilmiş. Rənglər çox qeyri - adi, fərqli, amma cəlbedici. Elə fərqlilik də burda...