- Qadin.Net ~ İlk milli qadın portalı

Qeyri-adi görünüşlü kitabxana

Milana.M — Wed, 09 Dec 2020 12:56:22 +0400

Türkiyənin Trabzon şəhərinin Yomra rayonunda qəribə kitabxana diqqəti cəlb edir.

61 yaşlı Bahəddin Kabahasanoğlu yük və insan daşıyan gəmiyə bənzər kitabxana tikdirib.

O, illərlə xəyalını qurduğu kitabxanaya həm öz yazdığı, həm də bu günə qədər aldığı kitabları toplayıb.

İki mərtəbəli kitabxanaya həm də məhəllə uşaqları kitab oxumaq və onlayn dərslərə qoşulmaq üçün gəlirlər.

Tərk edilmiş həbsxananı bahalı hotelə çevirdilər

Milana.M — Sat, 07 Nov 2020 17:30:35 +0400

Böyük Britaniyanın Kornuoll qraflığında 18-ci əsrə aid həbsxana bahalı hotelə çevrilib.
Qurucular binanın görünüşünü mümkün qədər qorumağa çalışıblar: oteldəki bütün otaqlar keçmiş hücrələrin birləşməsindən yaranıb.

2021-ci ilin fevralında açılması planlaşdırılan hoteldə bir gecənin qiymətin 130 funt sterlinqdən (təxminən 290 AZN) başlayacaq. Ziyarətçilərə üç növ otaq təqdim ediləcək: klassik, ailə üçün və xüsusi salona çıxışı olan qubernatorluq.

Həbsxana dəhlizlərinin görünüşü də qorunub saxlanılsa da, onlar şüşə tavanla bəzədilib. Hotelin restoranı, bistrosu və barı olacaq.

Bodma Həbsxanası 18-ci əsrin sonunda inşa edilib və 1927-ci ilə qədər fəaliyyət göstərib.

Birinci Dünya Müharibəsi dövründə binada Qiyamət Günü kitabı və monarxların tacqoyma reqaliyası da daxil olmaqla krallığın xəzinələri saxlanılıb. Son 20 ildə həbsxana tərk edilib, ancaq orada bələdçi turları davam edib.

Hotelin açılışından sonra da tur sifariş etmək mümkün olacaq - binanın bir hissəsi yenidən qurulmayıb və əvvəlki görkəmini qoruyub saxlayır

Qeyri-adi binalar

1111luna — Sun, 23 Aug 2020 19:30:30 +0400

Qeyri-adi memarlıq quruluşuna sahib binaları sizə təqdim edirik.

Hansı binanı yaxından görmək istəyərsiniz?

Ancaq qadınların gedə bildiyi ada: Supershe

1111luna — Sun, 16 Aug 2020 22:30:19 +0400

Finlandiyanın 90 kilometr qərbində, kişilərin girməsi qadağan olunan SuperShe adası yerləşir. Amerikalı Kristina Roth tərəfindən, tanış olduğu qadınların istək və ehtiyaclarına görə qurulmuşdur. Qadınların azad formada tətil edə biləcəyi ada, rəsmi olaraq keçən il fəaliyyətə başlayıb.

Supershe adasına ancaq qadınlar girə bilir. Adanın qurucusu Kristina Roth, bunun səbəbinin dünyanın harasında olursa olsun qadınların getdikləri yerdə təcavüzə məruz qalması olduğunu qeyd edir. Səyahətləri əsnasında tanış olduğu qadınların hekayəsindən təsirlənən Roth, qadınların narahat edilmədən, azad tətil edə biləcəyi ada qurmağa qərar verir. Supershe adası belə ortaya çıxır. Adadakı köhnə daxmala yenilənib, səyahətçilər üçün sauna, masaj və yoqa salonlaı var.

Adaya getmədən əvvəl saytda yer alan anketi doldurmaq lazımdır. 8 hektarlıq ərazini əhatə edir. Keçən 8 min 500 müraciətin sadəcə 120-si müsbət cavab aldı. Hər həftə ancaq 8 qadını qəbul ada, qonaqları 5 gün qonaq edir.

Belçika meşələrində yarasa yuvaları

1111luna — Tue, 11 Aug 2020 15:30:37 +0400

Yarasa kimi ağac budaqlarında gizlənməyə imkan yaradan bu çadırlar, meşə ilə bütünləşmək istəyən məcarapərəstləri gözləyir. Belçikanın Borgloon meşəsində hollandiyalı sənatkar Dre Wapenaar tərəfindən dizayn edilmişdir. Bölgəyə rəng gətirmək üçün hazırlanan çadırların turistləri cəlb edəcəyini gözləyirlər.

"Pit" sənət layihəsi əsasında qurulan çadırlara Ardie Van Bommelin dizaynı ilə barbekü, oturcaq, duş və tualet yerləşdirilib.

4 nəfərlik ailə burda rahatlıqla qala bilər. Çadırların bir gecəlik ödənişi 70 eurodur.