Ailə məlumatları
Ailəyə məxsus məlumatların paylaşılması ən çox yayılan səhvlərdən biridir. Təhlükəsizlik üçün ailə üzvləri haqqında şəxsi məlumatları paylaşmamaq vacibdir.

Bank və kredit kartı məlumatları
Şəxsiyyət vəsiqəsi, kredit kartı və bank hesabı məlumatlarıdır. Bu məlumatların fiziki və ya rəqəmsal mediada başqaları ilə paylaşılmaması vacibdir. Digər tərəfdən, təhlükəsizlik üçün istifadəçilərin yalnız onlayn bankçılıq və digər əməliyyatları öz cihazlarında edə bilməsi vacibdir.

Tətil planları
Tətil planları da rəqəmsal məkanda paylaşılmaması lazım olan məlumatlar arasındadır. Təhlükəsizlik baxımından tətildə olan insanların daimi yeri, fotoşəkil paylaşımı ev və ya ofis oğurluğu kimi təhlükələri özü ilə gətirir.

Cari şifrələr
Bəzi tez-tez istifadə olunan rəqəmsal platformalar şəxsi məlumatları və məlumatları saxlayır. Bu platformalar üçün parollar yaradarkən diqqət göstərilməlidir. İstifadəçilər üçün sadə parollar əvəzinə böyük hərflərdən, rəqəmlərdən və işarələrdən istifadə edərək qarışıq parollar yaratmaq faydalıdır. Digər tərəfdən, təhlükəsizlik üçün bu platformalara daxil olan cihazlarda parolların qeyd olunmamasını təmin etmək çox vacibdir.

Bəziləri hətta əksər yeməklərin bişirilməsi zamanı kərə yağından istifadə edirlər. Bəs bu qədər çox üstünlük verilən kərə yağının təbii olub-olmadığını necə bilmək olar?

Kərə yağının ziyanlı olması barədə fikirlər olsa da, təbii kərə yağının A, D və E vitaminləri ilə zəngin olduğu və ondan istifadənin görmə qabiliyyətinə, dəriyə və diqqətin cəmlənməsinə müsbət təsir etdiyi deyilir.

Bundan əlavə təbii kərə yağı xüsusi qida əlavələrindən daha çox mərkəzi sinir sisteminə dəstəkləyici təsir göstərir. Hətta bəzi diyetoloqlar gündə 20 qram yağ yeyilməsinin zəruriliyini qeyd edir, bir şərtlə ki, yağ təbii olmalıdır.

Beləliklə, kərə yağının təbii olduğunu necə anlamaq olar?

1. Məhsul seçərkən ilk öncə nəyə diqqət edirik? Əlbəttə ki, onun tərkibinə. Təbii kərə yağının tərkibini göstərən yazıda marqarində olduğu kimi, müxtəlif bitki yağlarının adları sadalanmır. Kərə yağının tərkibi yığcamdır: tam yağlı süd və qaymaq.

2. Əgər paketin üzərində “yağ” sözü yazılıbsa, bu özü də həmin məhsulun marqarin də ola biləcəyi haqqında düşünmək üçün səbəbiyyət verir.

3. İnək südündən hazırlanmış təbii yağı onun qiymətinə əsasən də anlamaq olar – bu, bütün digər əvəzedicilərdən bahadır.

4. Əgər məhsulun içini açıb baxmağa imkanınız varsa (məsələn, yağ çəki ilə satıldıqda), onun rənginə diqqət edin. O, nə kəskin sarı olmalıdır, nə də kəskin ağ.

5. Təbii kərə yağı toxunduqda möhkəm olmalıdır. Bir məqamı da diqqətdə saxlayın ki, inək yağı siz yağın paketini açdıqda paketə bulaşmır. Həmçinin də bıçağa yapışmır və bıçaqda qalmır.

6. Məhsulun istifadə müddətinə də diqqət etmək lazımdır. Çəki ilə satılan inək yağı 10 gündən artıq saxlanılmır. Əgər o metal bankadadırsa, onda 3 aydan artıq saxlanılmır. Əgər siz qablaşdırmada istehsalçının daha uzun müddətlər qeyd etdiyini görürsünüzsə, deməli, onun tərkibində konservantlar mövcuddur.

7. Ev şəraitində də yağın saxta olduğunu müəyyən etmək olar. Əgər bu təbii yağdırsa, o, bərabər şəkildə əriyəcək, əgər səthində damcılar əmələ gəlirsə, deməli, marqarindir.

8. Təbii kərə yağı soyuqdan isti mühitə düşdükdə tezliklə əriməyə başlayan (tərkibindəki bitki yağlarına görə) marqarin kimi yumşaq olmur.

9. Keyfiyyətli qaymaqdan hazırlanan yağ möhkəm və əllə toxunduqda hamar olur. Kəsildikdə qatlara bölünmür (təbəqələşmir) və parlaq görünür.

10. Nəhayət, kərə yağı soyuducudan çıxarılan kimi parçalanmamalıdır. Əsil, təbii kərə yağı çörəyin üzərinə qalın, vahid, bircinsli qat kimi çəkilməlidir.

Müxtəlif faktorların təsir etdiyi yaddaş zəifliyinin öhdəsindən gəlməyiniz üçün sizə 4 strategiya təqdim edirik.

1. Xatırlamaq üçün özünüzü məcbur edin.
Sizin üçün faydalı olan şeylərin ən az əyləncəli olan hissəsi də onların çətin olmasıdır. Öyrənmək çətinləşdikcə, insan əlindən glənin ən yaxşısını edir. Məsələn, bu, çəkinizdən daha artıq olan ağırlığı qaldırmağın, sizi daha güclü etməsi kimidir. Bunu fürsətə çevirmək bəsit olsa da, asan deyil. Xatırlamaq üçün özünüzü məcbur edin. Öz hazırladığınız kiçik məlumat kartları bu işdə sizə kömək edəcək və beyninizdəki suallara cavab verməyə sizi məcbur edəcək.

2. Beyninizi çox qarışdırmayın.
Oxuduğunun bir şeyin asan olduğunu və onu dərhal başa düşdüyünüzü düşünmək səhvdir. Aldığınız məlumatı eyni sürətlə də unuda bilərsiniz. Məsələn, hava limanındasınız və giriş darvazanızın nömrəsini xatırlamağa çalışırsınız. Monitora baxıb 210 olduğunu görürsünüz və öz-özünüzə asan olduğunu deyirsiniz. Əlinizdəki telefonu qurdalayaraq, gəzməyə başlayırsınız. Bu halda da hara getdiyinizi dərhal unudursunuz. Əslində etməli olduğunuz şey isə, nömrəni oxuyub, özü-özünüzə təkrar etməkdir:’Qapı hansıydı? Hə, 210, oldu, indi xatırladım”.

3. Köhnələr və yenilər arasında əlaqə qurun.
Yeni öyrəndiyiniz bir şeyi köhnə bilginizlə əlaqələdnirmək xatırlamağın ən yaxşı üsullarından biridir. Bu həm də yeni öyrəndiyiniz bilgini daha yaxşı dərk etməyinizə kömək edəcək.

4. Öyrəndiklərinizi yansıtmağa çalışın.
Geriyə dönüb baxmaq hər zaman yaxşıdır. Professor Francesko Gino deyir ki, insanlar öyrəndiklərini yansıtmaq fürsəti tapdıqlarında, bu onlara çox kömək olur. Bunun öhdəsindən gələ biləcəklərini əyani sürətdə görür və öyrəndikləri şeylərər daha çox enerji sərf edirlər. Bildiyimiz şeyləri təcrübədə sınamaq və etdiyimiz işlərdə yansıtmaq sizə mənasız görünə bilər, lakin əslində bu daha faydalı bir üsuldur.

Əziz xanımlarımız bu gözəl günün hər bir ailədə fərqli qeyd edildiyi kimi, hər bir ölkədə də fərqli qeyd edildiyini bilirik. Odur ki, gəlin ölkə-ölkə bu günün qeyd edilməsinə baxaq.

 1.Rusiyada

1913-cü ildə 8 Martı bayram kimi ilk dəfə Rusiyada qeyd etdilər. Burada o  proletar şüarın altında bu  kimi qeyd edilirdi: " Siyasi və iqtisadi azad olmaq üçün mübarizədə qadınlar ".

Sonra, artıq müharibə  illərində,  kişilər faşistlərlə müharibəyə gedirdilər, onda  8 martda şüarların altında qeyd edilirdi: "Faşist Almaniyasına qarşı qadınlar, öz kişiləri naminə dayanır, dözür".

2.Yaponiyada.

Burada bayram həmçinin mart ayındadır.  Yalnız ayın 8-i yox, 3 martda qeyd edirlər. Bu bayramı Qızlar günü adlandırırlar. Həmçinin onu Kuklalar Günü də adlandırırlar hansı ki,  İtaliyada bayram deməkdir.

 Yaponlar həmin günü Kuklalara və onun sahiblərinə həsr edirlər, çünki bu gündə heç bir xanımın qonşusu ondan gözəl görünməməlidirlər. Bunun üçün uzun muddət hazırlıq işləri görürlər. Kuklaları daha çox bəzəyirlər nəyinki özlərini. Bu bir sərgi kimi bir ay davam edir. Bir ay sonra kuklanı yeni il əşyası kimi yığışdırmaq lazımdır. Belə inancları da vardır ki, kuklanı yığışdırmayan evin qızı həmin il ərə gedə bilmir. 

3. "Analar günü" kimi tanıdığımız bir bayram da vardır ki, may ayının ilk bazar günü qeyd edilir. Bu bayramı əsasən: Türkiyə, Danimarka, İtaliya, ABŞ, Finlandiya qeyd edir.

4. İtalyada

Bu ölkədə həmin gün kişiləri qadınların məclislərinə buraxmırlar. Məhz bu cür italyan qadınları öz müstəqilliklərini qeyd edirlər. 8 mart da qadınlar üçün istənilən obyetlərə giriş pulsuz olur. Həmin gün qadınlar kafeyə gedir birgə deyib gülür, şənlənirlər.  

5. Hindistanda

  Qadınlar bayramı Hindistanda oktyabr ayının ilk həftəsində qeyd edirlər. Özü də bu bayram 10 gün davam edir.  Bunu 10 əlli allahları olan Durqa Pudjanın şərəfinə edirlər.

6. İsveçdə və Fransada

 Həmin gün qadınların yaylıqları və satışı ilə qeyd olunur. Sonda yığılmış pul qəhraman analara verilir ki, onlar məzuniyyətə gedə bilsinlər.

7. Serbiyada

  Bu qadınlar gününü onlar Milad bayramında qeyd edirlər. Zarafat üçün uşaqlar analarının əllərini bağlayırlar. Azad edilmək istəyən ana uşaqlarına axşamdan hazırladığı hədiyyələri verməlidir. 

8.  Yunanıstanda

 Əgər biz "Babosa" adlı bayramda Yunanıstana baş çəksək görəcəyik ki, həmin gün hər bir qadına sanki şəhərin, rayonun və ya kəndin ən hörmətli qadını kimi etiram göstərirlər. Məhz həmin gündə qadınlar kişiləri üzərindəki ağalıqlarından istifadə edərək onlara istədikləri əmri verir və hətta cəza yerinə kişilərini su ilə isladırlar. Bizim dövürdə buna zarafatyana baxırlar. Amma yunan xanımları bu cəzanı heç də zarafat xətrinə etmirlər.

9. Almaniyada

  Vahid dövlət halında birləşdiyi gündən 8 martı heç də bütün Alman xalqı qeyd etmirlər. Halbuki hər il qəzetlərdə və jurnallarda həmin günü "beynəlxalq qadınlar günü" adı kimi təqdim edirlər. Amma may ayının ilk həftəsindəki "Analar günü" bayramını qeyd edirlər. Həmin gün bütün qadınlar hər növ ev işdən azad olurlar.  Amma dövlət daxilində 8 mart iş günü hesab olunur. 

10. Litvada

 8 mart qadınlar bayramı Litvada ancaq rus əhalisinin çox olduğu ərazilərdə qeyd edilir. Ümumilikdə həmin gün rəsmi dövlət statusuna malik deyil. Almanlar kimi burda da həmin gün iş günüdür.

11.  Vyetnamda

 Əvvəllər bu bayram "Çinq bacılarının xatirəsi" günü adlanırdı. Onlar Çinin Vetnam üzərindəki hər növ təcavüzə qarşı mübarizə aparan cəsur qızlardır. Bu bacılar düşmələrə təslim olmamaq üçün özlərini çaya atırlar. Eyni anda onları başçılıq etdikləri qoşun düşmən tərəfindən tutulur. Amma bu bayram sosializim qələbəsindən sonra tədricən sıradan çıxdı. 

12.  Fransada

Yuxarıda qeyd etdiyim kimi, bu ölkədə də "Analar günü" adı altında mayın birinci bazar günü qeyd edirlər. bu ölkədə gənc qızlar (ailə qurmamış) hədiyyə ala bilməzlər. Onlara məhz sevgililər günündə sevdikləri tərəfindən hədiyyə verilir. 

13.  Bolqarıstanda

 Bu  gözəl bayram hələ dövlət əhəmiyyətli olmadığından həmin gün iş günüdür. Bu gündə kişilər öz xanımları ilə yanaşı iş yoldaşları olan xanımları da təbrik edirlər. Nəticə etibarı ilə qadınlar bir birlərini təbrik etməyə başladılar. Beləcə iş yerində də qadın yoldaşları ilə kafeye toplaşıb öz aralarında qeyd edirlər.

14. Gürcüstanda

  Mənim yaşadığım bu ölkədə elə qadınlar günü kimi yüksək səviyyədə qeyd edirlər. Ancaq martın 3-ü analar günü qeyd olunur. 8 martda hər kəs əlində bir neçə hədiyyə evinə qaçır. Kiçikdən tutmuş böyüyə kimi bütün xanımlar təbrik edilir. Axşamlar bəzi yerlərdə konsertlər təşkil olunur. Atəşfəşanlıq mütləq olur, bunu həm dövlət, həm də camaat təşkil edir...

Bəli, Yer kürəsi çox böyükdür. Bəlkə də bir çox ölkələr bu günü qeyd edirlər. İstərdim ki, xaricdə yaşayan qadın.netli xanımlarımız da həmin ölkənin  8 martla bağlı adət-ənənələrini yazıb paylaşsınlar.  

 Sonda isə bütün Azərbaycan xanımlarını ürəkdən təbrik edirəm. Hər birinizə daim sevilməyi, diqqət mərkəzində olmağı, sağlamlıq və xoşbəxtlik üçün lazım ola biləcək hər şeyi arzulayıram. Nə yaxşı ki, biz qadınlar varıq. Yoxsa kişilər bizsiz necə yaşayardılar...Elə deyilmi?

 Bayramımız mübarək əziz xanımlarımız!!!