Sevdiyiniz yataq otağı aksesuarlarından başqa istifadə etmədiyiniz heç nəyə otağınızda yer verməyin. Evin daha çox istifadə etdiyiniz hissələrində göz önündəki dağınıqlıqdan xilas olmaq üçün yataq otağını bir depoya çevirməyə başlamısınızsa, buna bir son qoymalısınız.

Növbəti mərhələdə yataq otağında saxlamaq istədiyiniz kitab, geyim, eynək kimi əşyaları siyirmələrdə saxlayın. Əgər siyirmələri səliqəyə salmağınıza baxmayaraq orada da yer yoxdursa, divar rəfi istifadə edə bilərsiniz. Bütün əşyaları səliqəyə saldıqdan sonra yerləri təmizləyin. Geyim şkafını və siyirmələri gözdən keçirin. Ən az 6 aydır geyinmədiyiniz dar və böyük olan geyimləri ayırın. Qalanları qatlayın.

Eyni tip geyimləri qruplaşdıraraq yenidən yerləşdirin. İstifadə etmədiklərinizi isə ehtiyacı olan insanlara verə bilərsiniz. İçində olduğunuz fəslə uyğun geyimləri göz önünə çıxarın və digər fəsillərin geyimlərini xurcunlara yığaraq geriyə yerləşdirin.

Böyük marketlərdən geyim və aksesuarlara uyğun dizayn edilmiş qutular ala bilərsiniz. Ayaqqabı qutuları, aksesuarlar üçün siyirmədaxili qutular, kəmərlər üçün asılqanlar belə vaxtlarda köməyinizə gələcək. Boş çamadanlarınız varsa, boş saxlamaqdansa, uzun müddət istifadə etməyəcəyiniz əşyaları onların içərisinə yerləşdirə bilərsiniz.

Yatağınızı hər gün səliqəyə salın, çirkli paltarları səbətə atın istifadə etdiyiniz əşyaları hər istifadədən sonra müəyyənləşdirdiyiniz yerlərinə geri qoyun. Bütün bunları vərdiş halına gətirdikdən sonra hərəkətlərinizin avtomatikləşdiyini gördükcə özünüz də təəccüblənəcəksiniz.

Qeyd etmək lazımdır ki, müxtəlif aksessuarların üst-üstə yığılması mənzilinizi daha baxımlı etməyəcək. Öz mənzilinizi muzeyə çevirməyə çalışmayın.

Hətta ən gözəl interyer belə, şəkilsiz, akvarelsiz və ya estampsız maraqsız görünər.

Müasir mənzilin, yaxud ofisin interyerini bu bəzəmə elementləri olmadan təsəvvür etmək olmaz.

Lakin xoşunuza gələn elə ilk rəsmi əldə etməyə çalışmayın. Ən əvvəl fikirləşin ki, o sizin evinizə yaraşacaqmı?

Qonaq otağı üçün böyük şəkillər yarayar, onların ölçüsü otağın ölçüsündən və tavanın hündürlüyündən asılıdır. Burada parlaq dekorativ kompozisiyalar yaxşı görünür.

Tabloların süjetləri müxtəlif ola bilər - klassik tablolardan abstrakt tablolara kimi.

Belə böyük rəsmlər qonaq otağının sahəsini böyütməyə imkan verəcək. Bu rəsmləri kiçik çıraqlarla işıqlandırmaq olar.

Yemək otağı üçün natürmort (məsələn, güllərlə) seçmək olar. Bu rəsmlərin işlənmə texnikası müxtəlif ola bilər: akvareldən yağlı boyalara kimi.

Xollda qrafik işlər yaxşı görünür (estamplar, ofortlar, linoqravürlər). Onlar həm də fikri cəmləmək üçün iş kabinetini bəzəməyə yarayır.

Evinizin interyeri üçün rəsm seçərkən bilməlisiniz ki, «vampirlər» və «donorlar» tabloları mövcuddur. Enerjini alan işlərə abstraksionizm, konstruktivizm və eksperssionizm üslubunda işlənən rəsmlər aiddir. Enerjini verən, açıq və mülayim tonlarda çəkilmiş impressionist və realist rəssamların əsərləridir.

Otağın mühitinə rəsmlərin süjetləri də təsir edir. Dağıntılar, zorakılığı təsvir edən tablolar mənfidir. Məsələn, sınmış ağacı, yağışlı axşamı, boz qış gününü təsvir edən mənzərə kimi. Və əksinə, nikbin yaz və yay mənzərələri əhvalı gümrahlandırır, optimizm yaradır. Rəsmin rəngi də böyük rol oynayır. Bənövşəyi, göy, narıncı rənglər vampir rənglər hesab olunur. Enerjisini sarı, salat, yaşıl, belə demək olarsa, sakitləşdirən rəng və çalarlar verir.

Döşəməyə qoyulan vazalar müasir evin bəzəyinin əhəmiyyətli hissəsi sayılır. Onların hündürlüyü 40 sm-dən 70 sm-ə qədərdir. Bundan kiçik vazaları döşəməyə qoymaq uyğun deyil. Nəzərinizdə saxlayın ki, döşəməyə qoyulan vaza geniş otağı bəzəyər, amma balaca otaqda tamamilə yersizdir.

Döşəməyə qoyulan vazaları kreslonun yanında, otağın küncündə yerləşdirmək olar. Belə vazalar bütün divarı döşəmədən tavana kimi örtən pəncərənin qabağında, enli pərdənin fonunda və ya xalçada çox gözəl görünür. Lakin burada materialın fakturası və rəngi vacibdir. Belə ki, yumşaq, parlaqsız tonda naxışlarla olan vaza gözəl xalça, yaxud tünd ağır dekorativ parça ilə əla uyğunlaşır, qara, qatı-qırmızı və ya açıq yaşıl vaza isə açıq mebellə və yüngül pərdələrlə xoş təzad yaradır.

Keramikadan hazırlanan müxtəlif suvenirlər (vazalar, fiqurlar və s.) rəflərə qoymaq olar. Balaca stola bir-iki xırda əşya qoyurlar, yemək stoluna isə bir böyük vazanı, məsələn: meyvə olan vazanı qoymaq olar. Jurnal stolları üçün ən yaxşısı hündür ensiz vazaları, yaxud tamamilə yastı fincanları, boşqabları, alçaq yumru vazaları qoymaqdır.

Keramikanın ağacla uyğunlaşması xüsusi gözəllik verir. Çox vaxt pəncərə şəklində dar rəflərdən istifadə edirlər. Adətən, onları divarda bərkidirlər, məsələn: yemək stolunun üstündən. Bu cür pəncərələrə başqa şeylərin arasında itən hansısa bir suveniri, balaca vazanı, kiçik səhəngi qoyurlar.

Keramika kitab rəflərində də yaxşı görünür. Onu elə qoyurlar ki, o, kitabların kötüklərinin qabağını tutmasın.

Narıncı rəng də isti rənglərə aiddir. Onun bir çox gözəl çalarları var. Solğundan isti qəhvəyiyə qədər, bej, şaftalı və mərcan.
Sarı rəngin bütün çalarları - krem rəngindən qəhvəyiyə kimi - otağın bəzədilməsi üçün isti rənglərdən ən yaxşısıdır. Xüsusilə də kifayət qədər işığı olmayan, günəşin az olduğu və yaxud da çiskin havanın tez-tez olduğu rayonlarda divarların rənglənməsi üçün açıq sarı rəng yaxşı görünər, çünki açıq sarı tonlar hətta çiskin havada günəş işığının təəssüratını yaradır. Divarlar üçün ən yaxşısı sarının açıq çalarlarıdır. Məsələn: krem, açıq sarı, solğun qızılı. Sarı divarlara qırmızı, yaşıl, mavi və qəhvəyi rəngdə mebel üzü və pərdələr yaraşar.

Göy və mavi rənglər - soyuq rənglərdir. Onlar genişlik və sakitlik təəssüratı yaradır, sanki əşyaları bizdən uzaqlaşdırır. Onların çalarları ən müxtəlif rənglərlə yaxşı uyğunlaşır. Solğun mavi rənglə günəşli otaqları boyamaq məqsədəuyğundur.

Yaşıl rəng sakit tonların müxtəlif çalarları ilə fərqlənir, hansılar ki, demək olar, bütün rənglərə uyğundur və başqa rənglər üçün yaxşı fondur. Divarları solğun yaşıl rəngə boyanmış otaq geniş görünür. Divar kağızı üçün yaşılımtıl-boz çalarlar da uyğundur. Xüsusilə də yaşıl rəng təbii boyalı ağacla uyğundur.

Bənövşəyi rəng göyümtül çalarlarda soyuq və qırmızımtıllarda isti görünür. Tünd bənövşəyi tonlar zəngin, lakin tutqun görünür, amma açıq tonlar - yasəmən, bənövşəyi-çəhrayılar sakit mühit yaradır. Göyümtül çalarlı bənövşəyi rəng yaşıl, boz, yaxud krem rəngləri ilə yaxşı uyğunlaşır. Özü-özlüyündə bənövşəyi rəng, xüsusilə də tünd bənövşəyi, divarların boyanması və üz üçün yaramır, hərçənd interyerin tərtibatında, müxtəlif birləşmələrdə o, əlavə kimi yaxşıdır.

Rənglərin müxtəlif uyğunluqlarını seçərək, neytral rəngləri və ən əvvəl ağ rəngi unutmaq lazım deyil. Onu müvəffəqiyyətlə divarların boyanması üçün istifadə etmək olar. Ağ rəng istənilən rəngə gözəl yaraşır, gözəl fon rolunu oynayır.

Qara rəngi məhdud miqdarda istifadə etmək lazımdır və yalnız parlaq rənglərin tonunu tündləşdirmək, təzadı yumşaltmaq üçün. Qaranı tünd bozla, yaxud tünd qəhvəyilə əvəz etmək olar.

Boz rəng müxtəlif ola bilər. Daha tünd çalarlar tutqun görünür, lakin açıq boz rənglər divarın boyanması üçün yarayır, çünki onlar gözəl fondur və onların fonunda parlaq pərdələr, mebel üzü, rəsmlər yaxşı görünür. Boz rəng açıq yaşılla, mavi ilə, moruğu və al-qırmızı rənglərlə yaxşı uyğunlaşır.

Bej rəngi də gözəl fondur. Onu qəhvəyi, tüng qırmızı, yaşıl rənglərlə uyğunlaşdırmaq olar. Bej rəngli divar kağızı, yaxud üz olanda, mütləq yastıq, balaca xalça, keramika vazası, güllər qismində parlaq əşyalar olmalıdır.

Mebelin rəng qammasının seçilməsini sizdə olan istənilən əşyadan başlamaq olar, məsələn: dəyişmək istəmədiyiniz yaxşı parça ilə üzlənən divandan, kreslolardan, xalçadan və ya pərdələrdən. İstənilən rəng uyğunluğunda rəngin biri üstün olmalıdır, yəni bu rəng ən böyük sahəni tutacaq. Üstün olan rəngi otağa, adətən, divarların rəngi verir. Mebel üzünün, pərdələrin, xalçanın rəngləri ahəngə əlavə olacaq, nəhayət, iki əsas rəngi bir-birinə bağlayan üçüncü rəng köməkçi rolunu oynayacaq. Köməkçi rəngləri bir-birinə bağlayan divan yasdıqları, vazalar ola bilər.

Yadda saxlamaq lazımdır ki, bütün rənglər gündüz işığında başqa cür görünür, süni işıqda başqa cür. Ona görə divar kağızlarını, pərdələri, mebel üzləri alarkən onların elektrik işığında necə görünməsinə diqqət yetirin. Təkcə hər rəngi yox, həm də onun başqa rənglərlə uyğun olmasını gündüz və süni işıqda yoxlayın. Əgər sizə rənglərin uyğunluğuna hansısa parlaq ton daxil etmək lazımdırsa, yaxşı olardı onu 2-3 dəfə, bir neçə xırda əşyalar üzərində təkrar edəsiniz: yastıqların, güldanların, xalçanın, pərdələrin naxışında xırda ləkələr kimi.

Hər kəsin sevdiyi rəng var. Lakin rəngi seçəndə və yaxud rəngləri uyğunlaşdıranda xoşladığınız rəngi ancaq uyğun olanda istifadə etmək olar. Məsələn: siz bənövşəyi, yaxud mavi rəngi xoşlasanız da, otağınız şimala baxırsa, onun divarlarını o rənglə boyamaq məsləhət deyil.

Dizayndakı ziddiyyətlər
Dizaynla bağlı hamımızın bildiyimiz səhvlərdən biri də yaxın rəng və tonların bir-biri ilə uyğunlaşmasıdır. Bu fikir tamamilə səhvdir. Əksinə, dizaynın ən əsas elementlərindən biri kontrastdır. Buna görə bir-birinə çox yaxın olan rəng və tonlardan istifadə edərkən iki dəfə düşünməlisiniz.

Xalça seçmək vacibdir
Xalça seçərkən nəzərə almalı olduğunuz ilk şey xalçaların özünəməxsus və təkbaşına qalmamasıdır. Xalçalarınızı, mebellərinizi, divarlarınızı və digər aksessuarlarınızı bütöv hesab etməlisiniz və buna görə alış-veriş etməlisiniz. 

Böyük ölçüdə və ya lazım olduğundan kiçik mebel
Düzgün və şık dekorasiyanın digər bir vacib məqamı da düzgün ölçüdə olmasıdır. Kiçik bir otağın yarısını tutacaq qədər böyük mebel çox incə bir miqyaslandırma səhvinin nəticəsi olardı. 

Yanlış və qeyri-kafi işıqlandırma
Evimizi dizayn edərkən tez-tez laqeyd olduğumuz və ya bir neçə gözəl çilçıraqdan ibarət olduğunu düşündüyümüz işıqlandırma məsələsi əslində çox vacibdir. O qədər ki, düzgün işıqlandırma fiziki və zehni sağlamlığımızı birbaşa təsir edir. Zəif işıqlandırma uzun müddət göz zədələnməsinə səbəb ola bilər, qeyri-kafi işıqlandırma əhvalınıza pis təsir edə bilər. Beləliklə, bu məsələyə yüngül yanaşmaq ev dekorasiyasında edə biləcəyiniz ən böyük səhv olacaqdır.

Detallar

Flaminqolarla dolu

Uçan kəpənəklər

Vintaj cəlbedicilik

Ağ detallar

Yüksək kontrast

Parlaq və tropik

Retro tərz

Meşə abu-havası