Güclü səsə, orijinal görünüşə və cazibəli gözlərə malik Sıla Gencoğlu.
Sılanın mahnıları və oxu tərzi onu standart Türk şou-biznesindən fərqləndirir. İlk albomuna öz adını verib uğur qazansa da, musiqi aləminə peşəkar addımı Kənan Doğulunun vasitəsi ilə atmışdır. Kənanla oxuduğu “Dan sonra” mahnısı çox sevilmiş və Sılanı geniş publikaya tanıtmışdır. Dərhal sonra müstəqil olaraq ifa etdiyi “Hastalık hastası” mahnısı onun eyni zamanda albom təcrübəsini də artırmışdır. Tez-tez duetlərə üz tutan Sıla bu duetlərdə böyük uğur qazanır, eyni zamanda solo fəaliyyətini də genişləndirirdi. Kənan Doğuludan sonra qardaşı Ozan Doğulu ilə də birlikdə çalışan Sıla sözü özünə musiqisi Ozana aid olan “Alen Delon” mahnısı ilə 2010-cu ilə damğasını vurdu.
Gökhan Keser ilə “Hadi ordan!” dueti isə hələ ki son uğurlu duetlərindən biridir.Ritmik mahnılarda peşəkar bacarıq nümayiş etdirən Sıla lirik musiqilərdə də eyni performans nümayiş etdirirdi: ”Sevişmədən uyumayalım, Oluruna burak” , "Yara bende" və s. Həzin mahnılar Sılanın gözəl səsi ilə dinləyicilərin qəlbinə tez bir zamanda yol tapırdı. Son çıxışlarından biri olan “Kafa nereye biz oraya” klipi də musiqisevərlərin dəstəyini qazandı.
Sılanın fərqli imici, geyim tərzi və fərqli görünüşü var.Hər klipdə dəyişkənliyi ilə tamaşaçını heyrətə salmağı bacarır.
