DataLife Engine > PRINT > Selen Soydər

Selen Soydər 26 dekabr 1986-cı ildə İzmir Alsancaqda anadan olub. Yanya köçməni olan bu gözəl qadın ailənin ilk və tək uşağıdır. İbtidai sinfi, orta məktəbi (Selma Yiğitalp Litseyi) İzmirdə bitirib. Hal-hazırda İstanbul Bilgi Universitetinin (Tarix fakültəsi) tələbəsidir.

2006-cı ildə "Miss Model Of Turkey" yarışmasında Türkiyənin ən yaxşı modeli seçildi və "Miss Bikini Of The Universe" yarışmasında Çin Xalq Cümhuriyyətində Türkiyəni təmsil etdi. İlk 5-liyə daxil olan Soydər Türkiyəyə "Ən yaxşı milli kostyum mükafatını" gətirdi. 2007-ci ildə Star TV-nin təşkil etdiyi və 1200 insanın iştirak etdiyi Türkiyə gözəllik yarışmasında Türkiyə gözəli seçildi və Türkiyəni "Miss World 2007"-də 106 ölkənin içində Çinin Sanya adasında təmsil etdi. Lakin ilk 5-liyə daxil ola bilmədi.

2007-ci ildə Vakkonun modeli olmuşdur. Daha sonra dil öyrənmək üçün Kanadaya gedən Soydər 2009-cu ildə Türkiyəyə geri döndü və atasının istəyi üzrə spikerlik kursuna yazıldı. Daha sonra Star TV-də işə başladı. 2010-cu ildə Fox TV-də yayıma başlayan "Yer Gök Aşk" serialında baş rolda oynayır.

Canlandırdığı Topraq xarakteri ilə "Lale Devri" adlı seriala keçərək türk serialı tarixində bir ilkə imza atdı.

Selen Soydər 54 kiloqrama, 1.78 boya, 89-60-90 bədən ölçülərinə malikdir.

Hal-hazırda Tolqahan Sayışmanla eşq macərası yaşayır.