6.Junko Tabei (1939) Everest zirvəsinə və Yeddi Zirvəyə çıxan ilk qadın
Yaponiyalı alpinist Junko 1975-ci ildə Himalay dağlarında Everest zirvəsinə çıxaraq, bunu edən ilk qadın olaraq tarixə düşüb. O eyni zamanda dünyanın Yeddi Zirvəsinə çıxan ilk qadındır. Junki 73 yaşında olarkən alpinist fəaliyyətinə və bu kimi aktivitələrə son verərək “Himalayan Adventure Trust of Japan” adlı dağçılıqla bağlı əşyalar istehsal edən şirkətdə direktor işləməyə başlayıb və hələ də eyni işi davam etdirir.
7.Maureen Wheeler (1950) “Lonely Planet” adlı səyahət şirkətinin yaradıcılarından biri
Bir səyyah olaraq onun hekayəsi 1972-ci ildə həyat yoldaşı ilə Asiyaya səyahət edəndən sonra başlayıb. Geri qayıtdıqdan sonra ətrafda hər kəs onlara bu səyahət haqqında sonsuz suallar verməyə başlayır, nəticədə cütlük Asiya səyahəti haqqında kitab yazmağa qərar verir. “Ucuz şəkildə Asiya səyahəti” kitabının önəmi odur ki, bununla dünyada, indi hamının bildiyi, səyahət bələdçiliyinin əsası qoyulur. Maureen hələ də səyahət edir və bələdçi yazılar hazırlayır. Onun haqqında Lonely Planet -in saytında daha çox məlumat əldə edə bilərsiniz.
8.Gertrude Bell (1868 – 1926) Çoxşaxəli istedada malik qadın və səyyah
Arxeoloq, diplomat, dilçi, yazar, ərəbşünas və Beynəlxalq Qızılxaç Komitəsinin könüllüsü. Bütün bunlara 20-ci əsrin əvvəllərində sahib olan bu qadın İraq dövlətinin yaranmasında önəmli rol oynayıb. Onun bəzi sənədləri, qeydlərivə əsərləri hələ də hökumət işlərində istinad kimi istifadə olunur. Və bütün bunlarla yanaşı o həm də bir səyyah idi.
9.Tina Sjögren (1959) – Dünyanın hər iki qütbündə olan ilk qadın
Praqada doğulan Tina 9 yaşıdaykən ailəsi ilə birlikdə İsveçə köçür. 1983-cü ildə isə bir İsveç vətəndaşı ilə ailə qurub Nyu Yorka köçür. Birlikdə səyahətə başlayan cütlük T&T (Tina və Tom) olaraq tanınırlar. Tina Himalay dağlarında Everest zirvəsinə çıxıb, bundan başqa şimal və cənub qütblərinə səyahət edib, bununla da o Three Poles Challenge-ı tamamlayan ilk qadın olaraq tarixə düşüb. Bundan əvvəl heç bir qadın həm Everestə, həm də Yer kürəsinin hər iki qütbünə səyahət etməmişdi.
10.Rosie Swale-Pope (1946) Dünyanı qaçaraq səyahət edən qadın
Həyat yoldaşını xərçəng xəstəliyi nəticəsində itirəndən sonra Rosie bir cüt idman ayaqqabısı alır. Bu uzun bir yolun başlanğıcı idi. Dünyanı qaçaraq səyahət edən xanım səyyahın məqsədi xərçəng xəstəliyinə diqqət çəkməkdir. Səyahətə başlayanda Rosienin 57 yaşı vardı.
Səmra