1. Kitab oxumaq stresi azaldır.
Çoxlarımız tez-tez eşidirik, oxumaq faydalıdır. Ancaq məhz nədə faydalıdır? Stresdən qurtulmaq üçün təkcə musiqi dinləyib, gəzintiyə çıxmaq deyil, həm də zövqünüzcə olan bir kitabı oxumaq da xeyirlidir. Cəmi 6 dəqiqəlik kitab oxunması müddətində insan stresli vəziyyətinin səviyyəsini aşağı salmağa nail ola bilir.
2. Kitab oxumaq yuxusuzluğu aradan qaldırır.
Yəqin ki, filmlərdə, yaxud psixoloqların tövsiyələrində görmüsüz, yuxuya getməkdən əziyyət çəkənlərə kitab oxumağı məsləhət görürlər. Çünki bu yuxulamaq üçün ən effektli üsullardan biridir. Loş işıqda sevdiyiniz bir kitabı oxumaqla beyninizə istirahət siqnalını ötürmüş olacaqsınız.
3. Kitab oxumaq insanı daha da həssaslaşdırır.
Məlum məsələdir ki, kitab oxumaqla oxucu həm də əsərlərin qəhrəmanlarının müsbət keyfiyyətlərinin təsiri altına düşür. Tədqiqatlar göstərmişdir ki, bədii əsərlərin nüfuzu ondan ibarətdir ki, insanlar real həyatda başqalarının hiss və həyəcanlarını anlamağı öyrənirlər.
4. Oxumaq beyin funksiyalarını inkişaf etdirir.
Emori Universitetinin alimlərinə görə bir kitabın oxunmasından sonra insanlarda bir neçə gün ərzində intellekt səviyyəsi yüksəlir.
5. "Özünü öyrət" kitabları ruh düşkünlüyü (depressiya) ilə mübarizədə kömək edir.
Şotlandiyada aparılan testlərdən birinin nəticəsinə görə xəstələrə təqdim edilmiş belə kitablardan bir il sonrakı nəticələr adi şəkildə həkimlərdən kömək alan xəstələrin nəticələri ilə müqayisədə daha müsbət olmuşdur.
6. Kitab oxumaq sizləri daha cazibədar edir.
Yüksək intellektuallıq sizi insanlar arasında daha fərqli edir. İstənilən mövzuda məharətlə danışmaq bacarığı sizi üstün edəcək. Dahi şairimiz necə deyib:
Qüvvət elmdədir, başqa cür heç kəs
Heç kəsə üstünlük eyləyə bilməz!
7. Oxumaq həyat məqsədlərini müəyyənləşdirməyə və çətinliklərə sinə gərməyə kömək edir.
Ohayo ştatı Universiteti alimləri aşkar ediblər ki, insan nəqər çox kitab oxuyursa, bir o qədər kitabın obrazları ilə özünü müqayisə edir, özünü onların yerinə qoyur və bunu real həyatında tətbiq etməyə səy göstərir. Bu səbəbdən yaxşı nümunə olacaq kitabları oxumaqda fayda var.
8. Kitab oxuyan insanlar sosial cəhətdən daha aktivdirlər.
İncəsənət fondlarının araşdırmalarına görə çox oxuyan insanlar mədəni, ictimai təşkilatların və cəmiyyətlərin fəaliyyətində daha yaxından iştirak edirlər.
9. Kitab oxumaq hafizəni və düşüncə qabiliyyətini yaxşılaşdırır.
Hər dəfə siz kitab oxuyanda beyninizi məşq etdirirsiniz. Hər dəfə beyin alınmış məlumatları saxlamaq üçün yeni əlaqələr qurur. Bu da düşünmə, təfəkkür etmək üçün şərait yaradır.
10. Oxumaq lüğət ehtyatını zənginləşdirir.
Kitab oxuduqda çoxunuz elə sözlər, ifadələrlə qarşılaşırsınız ki, onlar gündəlik nitqdə istifadə edilmir. Bu cür tanış olmayan sözlərin mənasını başa düşə bilmək üçün izahlı lüğətə müraciət etməli olursunuz. Beləliklə, kitab oxumaq nəinki lüğət ehtiyatını zənginləşdirir, eyni zamanda savadlılıq dərəcəsini də artırır.
11. Kitab oxumaq sizin yazıçılıq qabiliyyətinizi inkişaf etdirir.
Başqa müəlliflərin kitabalrını oxuduqca sizin öz üslubunuz yaranmağa başlayır. Necə ki, hər hansı bir musiqiçi bir başqa musiçiyə təsir göstərə bilir, eləcə də kitab müəllifləri yazıçılara öz üslubları ilə təsiredə bilirlər.