Qədim əlyazma, freska və miniatürlərdən əldə olunmuş məlumatlara əsasən parçanın ilk dəfə şumer xalqı tərəfindən yaradıldığı müəyyən olunmuşdur.
Parça- toxuculuq məmulatı olub hər bir xalqın mədəniyyətini əks etdirən elementlərdən biridir. Hələ qədim dövrlərdə parçalar öz müxtəlifliyi ilə fərqlənirdi. Onun istehsalında bitkilərdən (pambıq,kətan), heyvanlardan (yun,ipək) və minerallardan (neft) istifadə olunurdu. Parçaları bitki, həşərat və heyvanlardan alınan rənglərdən istifadə etməklə boyayırdilar.
Parça üzərində naxış və ya təsvir müxtəlif üsullarla- toxuculuq prosesində saplarla tikmə, aplikasiya, yaxud basma üsulu ilə yaradılır.
Atlas-ipək saplarla toxunmuş, parlaq parçadır.
Məxmər-narın tüklü, yüngül, ipək səthə malik məxməri parçadır.
Mahud-qalın, bir qədər parlaq səthə malik yun parçadır.
Zərbaf-qızılı və gümüşü sapla toxunmuş naxışlı ipək parçadır.
Qanovuz-qalın ipək parçadır.
