Keçmişdə çoxlu mübarizələr sayəsində bu gün Azərbaycan Respuklikasında qadınların hüquqları bərqərar olub! Amma nədənsə hələ də geriyə addım atanlar, qızların (qadınların) təhsilinə, işləməsinə qarşı çıxanlar var. Müəyyən nüanslarda, qızların aldığı iş təklifi ailəni narahat edə bilər. Amma orta məktəb və ali məktəbdə təhsilə mane olmaq üçün elə bir əsaslı səbəb yoxdur.
Ölkəmizdə istər İslami dəyərlər, istər də müasir zamanın tələbləri qadının təhsilinə heç bir qadağa qoymayıb. Qızlarımız həqiqətən təhsil, elm sahəsində inkişaf etmək istəyirlərsə, Allah da təhsil şərtlərindən onlara uyğun yol açar inşaAllah. Məhz İslamda alimin qələminin mürəkkəbi şəhid qanından üstün tutulur!
Ümumiyyətlə təhsil və ya sənət sahəsində bizim ölkədə yaşayan qadınlar kişilərdən daha tez uğur qazanırlar. Belə ki, bu gün on iş yerindən doqquzunda qadın tələb olunur. Eyni işdə (məsələn yanacaq doldurma məntəqəsi, ofisiant və s.) çalışan qadınlara kişidən çox məvacib verilməsi bu gün qadınların bir qisminin təhsilə marağını azaldıb.
Elmli, təhsilli qadın - həm zəngin söz ehtiyatına, dünya görünüşünə yiyələnir, həyatda daha inamlı addımlar atmağa qadir olur. Ailə həyatını ağlı kəsmədən qurmaq, sevmədən evlənmək faktları – təhsil almış qadınlar üçün çox nadir haldır. Bu isə həyatlarını ağılla, öz istək və sevgisi ilə quran qadınlar üçün səadətə atılan inamlı addım, xöşbəxt həyatın möhkəm özülü olur!
İndi elektronika zamamında kitab oxuyanların sayı lap azalıb. Amma vurğulamaq lazımdır ki, heç də hər bir mənalı, gərəkli informasiya hələ ki, elektron dərslik və ya internet səhifəsində tapılmır. Təhsil bu sahədə də qadınların, həmçinin də kişilərin mütailə xəzinəsini zənginləşdirir!
Elmin nuru bizim hər birimizə, ələxsus qadınlara rifah işığıdır! Boşanmaların çoxaldığı ağır bir zamanda, sənəti, təhsili, işi olan qadın - heç vaxt naçar qalmaz! Cəhalət və savadsızlıqdan qurtulmaq, elmi və dini savadlarımızı artırmaq üçün, peyğəmbərimizin buyurduğu ən ğözəl yol - öyrənmək, öyrənmək, qəbr evinə qədər öyrənmək lazımdır!
Bu gedişlə qısa müddətdən sonra kişilər evdar, qadınlar isə işgüzar olaraq, yeni bir quruluş yaranacaq. Odur ki, oxuyun, təhsil alın - qadınlar!
Allahın verdiyi kitab - özü ən güclü bir elmdir! Bu gün elm bizə bu kitabın dərinliklərini bir dahah açıqlayır.
Lə iləhə illəllah - İslamın bünövrəsi deyilmi? Bunu anlamadan taxılan hicab sayılmaz, bunu dil deyib, ürək qəbul etmirsə, sadəcə ya "maska"lanmaqdır, ya da bir geyim... Yalnız qəlb, niyyət və əməlin - şüurun ibadət və itaəti birgə olan insan - mömin sayılar. Hicablı, dildə deyən ki, namaz qıl, oruc tut, sonra gizlində lap "siğə"adı ilə biri ilə təmasda olan, savadsız və elmsiz, cahildir.
Elm, fizika, nyuton qanunu - Allahın kəlamını isbat edən, mövhumat yox, dinin elmi əsasını bizə çatdıran elmdir. Kimya - əvvəllər bilmirsizsə, deyim, xristian və islam "din xadimləri" insanların biliksiz, cahıl olmasından yararlanıb, bu elm də Allah möcüzələrini, yaratdıqlarını bizə anladır, cəhalət və mövhumatı aradan qaldırır.
Texnologiya - əvvələr fotoaoparatı kilsədə insanları qorxuzmaq, ehsan, nəzir verməyə məcbur etmək, istismar üçün istifadə olub. Bu (və s. kimi başqa elmi kəşflər) cəhalətə də mövhumata da qalxan oldu.
İslam - elmdir, elm, əsl elm, İslamın mənası, şərhi, açıqlaması, sübutu və s.-dir.
Elə bir elmi kəşf ola bilməz, olmayacaq ki, Qurani kərimdə vurğulanmasın, bu kitabda "səhv tutsun"... Qətiyyən və əsl mümükünsüzdür.
Elm Allahın verdiyi dünyanı dərk edəcək, Allahdan üstün yoxdur! Allahın bilmədiyi yoxdur!
Bəlkə də qadın olmadığım üçün və dini savadımın azlığından sırf hicabın necə olmalı olduğunu səhv anlamış ola bilərəm, amma niyyət və elm bir-birini tamamlamalıdır, yəni hicabı geyinməklə yetməz, əməlləri də imanla etməlisən!