Əziz xanimlar!
Bu dəfə Sizinlə Rüşvətxorluğa qarşı mubarizədən danışacağıq.
DÖVLƏT HAKİMİYYƏTİ, DÖVLƏT
QULLUĞU MƏNAFEYİ VƏ YERLİ
ÖZÜNÜİDARƏ ORQANLARİNDA
QULLUQ MƏNAFEYİ ƏLEYHİNƏ
OLAN CİNAYƏTLƏR
Maddə 311. Rüşvət alma
311.1. Rüşvət verənin və ya onun təmsil etdiyi şəxsin xeyrinə hərəkətlə (hərəkətsizliyə) görə, bu hərəkətlərin (hərəkətsizliyin) edilməsi vəzifəli şəxsin vəzifə səlahiyyətlərinə daxil olduqda və ya o, öz qulluq mövqeyinə görə belə hərəkətlərə (hərəkətsizliyə) yardım edə bildikdə, eləcədə xidmət üzrə ümumi himayədarlığa və ya laqeydliyə görə vəzifəli şəxs tərəfindən şəxsən və ya vasitəçidən istifadə etməklə pul, qiymətli kağızlar, digər əmlak və ya əmlak xarakterli mənfəət şəklində rüşvət alma—
üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ildən yeddi ilədək müddətə azadlıqdan məhrum etmə ilə cəzalandırılır.
311.2. Vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma —
üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə beş ildən on ilədək müddətə azadlıqdan məhrum etmə ilə cəzalandırılır.
311.3. Bu Məcəllənin 311.1 və ya 311.2-ci maddələri ilə nəzərdə tutulmuş əməllər:
311.3.1. qabaqcadan əlbir olan bir qrup şəxs və ya mütəşəkkil dəstə tərəfindən;
311.3.2. təkrar törədildikdə;
311.3.3. külli miqdarda törədildikdə;
311.3.4. hədə-qorxu tətbiq olunmaqla törədildikdə --
əmlakı müsadirə olunmaqla yeddi ildən on iki ilədək müddətə cəzalandırılır.
QEYD: Pul məbləği, qiymətli kağızların, əmlakın və ya əmlak xarakterli digər mənfəətin dəyəri minimum əmək haqqı məbləğinin beş min misli miqdarından yuxarı olduqda rüşvətin miqdarı “külli miqdar” hesab olunur!
Maddə 312. Rüşvət alma
312.1. Şəxsən və ya vasitəçidən istifadə etməklə vəzifəli şəxsə rüşvət vermə --
minimum əmək haqqı məbləğinin min mislindən iki min mislinədək miqdarda cərimə və ya minimum əmək haqqı məbləğinin beş yüz mislindən min mislinədək miqdarda cərimə edilməklə və ya edilməməklə beş ilədək müddətə azadlıqdan məhrum etmə ilə cəzalandırılır.
312.2. Vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə --
Minimum əmək haqqı məbləğinin iki min mislindən dörd min mislinədək miqdarda cərimə və ya əmlakı müsadirə olunmaqla və ya olunmamaqla üç ildən səkkiz ilədək müddətə azdlıqdan məhrum etmə ilə cəzalandırılır.
QEYD: Rüşvət verən şəxs vəzifəli şəxs tərəfindən tətbiq edilən hədə-qorxu nəticəsində rüşvət verdikdə və ya rüşvət vermə haqqında müvafiq dövlət orqanına könüllü məlumat verdikdə cinayət məsuliyyətindən azad edilir.
Bəs Siz həyatda rüşvətlə qarşılaşmısınızmı? Belə olan halda vəziyyətdən necə cxmısınız?
Öz hüquqlarınızı mükəmməl öyrənin və heç kimə haqlarınızdan istifadə etməyə imkan yaratmayın.