Aman, mənə "dindar" deməsinlər.

Dini həssaslığı olan insanların bir qisminin bəzən məktəbdə, bəzən isə iş yerində bu həssaslıqlarını üzə çıxarmaqdan çəkindikləri müşahidə edilir. Zamanla etdiklərindən şərəf duymaları lazım olan işlərdən utanmağa başlayırlar. Universitetə girənə qədər dini həssaslıq daşıyan, namaz qılıb, oruc tutan bir çox gəncin Universitetə daxil olduqdan sonra, içərisində olduğu mühit və qurduğu dostluqlar nəticəsində tədricən dindən uzaqlaşdığını və zamanla dinin sərhədlərinin xaricinə çıxdığını görmək mümkündür. Yaşadığı müddət boyunca ağzına spirtli içki və ya siqaret belə sürməmiş gənclərin, dostlarının onu ələ salmaması və özünün guya böyüdüyünün isbatı olaraq içməyə başlaması nümunələri olduqca çoxdur. Eləcə də namaz qılmaq üçün universitetin yaxınlığındakı məscidə getməkdən çəkinən və dostlarının arasında "dindar" görünüb "kiçilmiş vəziyyətə düşməmək" üçün dinlə əlaqəsi yoxmuş kimi davrananlar da az deyil. 

İş yerlərində də bənzər mənzərələrin görülməsi mümkündür. İnsanların bir qismi günah olan şeyləri etdikləri üçün peşmanlıq hissi duyar və günah iş tutmayan insanlara hörmət edərək təqdir edərlər. Ancaq elə insanlar da var ki. özlərini bilməzlər, öz günahları yetmirmiş kimi, günahalrdan uzaq durmağa çalışan insanları ələ salıb şeytani tərəflərini doyurmaqla məşğul olurlar. Dini həssaslığı olan insanların böyük qismi isə günah işləri dini inancı gərəyi etmədiyini etiraf etməkdən çəkinir. Bir az iradəsinə hakim ola bilən inancı səbəbindən içki içmədiyini məlum etməmək üçün "Mədəm ağrıyır", ya da "Həkim qadağan etdi" kimi müxtəlif bəhanələr irəli sürür. Bəziləri isə, "Aman kimsə məni dindar görməsin" fikri ilə içərək özünü isbat etməyə çalışır. Quran bu məsələyə də insanların diqqətini çəkər və həqiqi mənada inanan insanların başqalarının qınağından qorxmamalarını ifadə edər:

"Ey iman gətirənlər! Sizlərdən hər kim dinindən dönsə, Allah (onun əvəzinə) Özünün sevdiyi və Onu sevən, möminlərə qarşı mülayim, kafirlərə qarşı isə sərt olan, Allah yolunda cihad edən və tənə edənin tənəsindən qorxmayan bir camaat gətirər. Bu, Allahın lütfüdür, onu istədiyinə verər. Allah (hər şeyi) Əhatə edəndir, Biləndir" (Maidə surəsi, 54-cü ayə). 

Özünü bütün mənliyi ilə Allaha bəyəndirməsi lazım olan qul, Allahdan başqa hər kəsə bəyəndirməyə çalışır nədənsə. Özü kimi aciz və ölümlü olan, iki gün yuyunmasa leş kimi qoxuyan, hər kəs kimi yeyib-içməyə, ayaqyoluna getməyə möhtac olan birilrinə özünü bəyəndirmək daha əhəmiyyətlidirmi? "Dindar" etiketi yapışmaması uğruna insan Allahın rizası üçün deyil, digər insanların gözləntilərinə görə yaşayır. Nə üçün? İşindən olmasın, bir üst vəzifəyə qalxması əngəllənməsin, insanlar haqqında pis danışmasınlar. Pis danışmasın? Dindar olmaq, arxasınca pis danışmaq səbəbi olmamalıydı. Yaxud da bunu səbəb edən biri insan olaraq dəyərləndirilə bilməzdi. Din insanın bütün ömrü boyu şərəflə daşıyacağı orden kimidir. İnsanın alnındakı səcdə izi utanmasının deyil, Allaha lan ibadətin verəcəyi dinclik və qürurun nişanəsidir. Özünü Allaha bəyəndirməyib rizasına uyğun yaşamadıqdan sonra bütün düya səni bəyənib razı olsa nə olasıdır? Bəsdir artıq, nəfsini bir kənara qoy; bir az da özünü Allaha bəyəndir. 

Emre Dorman "Dini mövzularda özünü aldatmağın 40 yolu"

Tərcümə: Ceylan Mumoğlu