Günahı pak etmək.
Peyğəmbər (s.ə.s.): "Hər yerdə olsan, Allah qarşısında təqvalı ol, pis əməllərin ardınca yaxşı işlər gör ki, onları məhv edib aradan aparsın". "Dörd xislət vardır ki, hər kəsdə olsa və hətta başdan-ayağa qədər günaha qərq olmuş olsa, Allah onun günahını həsənəyə və yaxşılığa çevirər: Doğrculuq, həya, gözəl əxlaq, şükür". "Günahlardan biri də elə bir günahdır ki, nə namaz, nə oruc, nə həcc, nə ümrə onu aradan aparmır. Onu yalnız (həyat və məişət vəsaitlərini) təmin etmək üçün göstərdiyi səylər aradan aparar". "Bir nəfər o həzrətdən "mənim xətalarımı nə aradan aparar? -deyə soruşduqda, həzrət buyurdu: Göz yaşı, Allah qarşısında xüzu etmək və xəstəliklər". "Hər kəs bir günaha mürtəkib olsa və dünyada onun cəzasını çəksə, Allah adildir və onu axirətdə cəzalandırmaz. Hər kəs bir günaha mürtəkib olsa və Allah onu ölçsə, Allah kərimdir və Öz bağışladığını bir daha hesaba almaz".
İmam Rza (ə): "Hər kəs günahlarının kəffarəsini verməyə qadir olmazsa, Peyğəmbə və Ali-Peyğəmbərə çoxlu salavat göndərsin. Çünki hu salavat günahları məhv edib aradan aparır".
İmam Əli (ə): "Sizə Allah qarşısında təqvalı olmağı tövsiyyə edirəm". Onun vasitəsi ilə günahlarınızı yuyun, xastəlikıərinizi müalicə edin". "Böyük günahların kəffarəsi: Köməyə çağıran məzlum şəxsə kömək çatdırmaq, qəm-qüssəli şəxsi şad etmək". "Allahu-taala tövbəni qəbul etməkdə sənə qarşı çox ciddiyətli olmamış, günahlar səbəbi ilə səni çıxılmaz vəziyyətə salmamış, Öz rəhmətindən səni ümidsiz etməmişdir. Əksinə sənin günahdan çəkinməyini həsənə saymış, günahlarını bir, həsənələrini on qat hesab etmiş və tövbə qayıdış qapısını sənin üzünə açıq qoymuşdur".
İmam Sadiq (ə): "Bir nəfər Peyğəmbərin yanına gəlib demiş ki, günahlarım çoxalmış, əməllərim zəifləmişdir. Peyğəmbər isə demiş ki, səcdəni çoxalt, çünki bu, günahları, külək ağacların yarpaqlarını tökdüyü kimi töküb aradan aparır".
Tövbə.
İmam Əli (ə): "Tövbə İlahi rəhməti nazil edir". "Tövbənin meyvəsi nəfsin xatalarını cübran etməkdir". "Öz günahına etiraf edən günahkar öz əməli ilə fərəhlənən şəxsdən daha yaxşıdır". "Tövbə-qəlbdə peşman olmaq, dildə istiğfar etmək, bədən üzvləri ilə (mürtəkib olduğu günah əməli) tərk etmək və bir daha həmin işə qayıtmayacğına dair qəti qərara gəlməkdir". "Camaat hər an əməllərinin fürsətinin sona çatmasının ərəfəsindədir, tövbə qapıları onların üzlərinə bağlana bilər və nəticədə, ölümünə bir az qalmış iman gətirənlərin və ya imanlı halda olan zaman xeyir bir iş görməyənlərin imanı onlara heç bir fayda verməz".
İmam Kazım (ə): "Hər gündə öz nəfsindən hesab çəkməyən şəxs bizdən deyildir. Əgər yaxşı iş görmüş olsa, Allahdan yaxşı işlərinin artırmasını istəsin, əgər pis iş görmüş olsa, ondan Allah dərgahında bağışlanmaq diləyib tövbə etsin".
Peyğəmbər (s.ə.v): "Ya Əli! Allah hər kəsə nemət versə, o da nemətlər müqabilində şükür etsə, mübtəla olduğu zaman səbir etsə, günah etdiyi zaman istiğfar etsə, cənnətin hansı qapısından istəsə daxil olar". "Allah bəndəsinin tövbə etməsinə görə, şəxsin övlad sahibi olmasından və itirdiyini tapan şəxsdən, eləcə də susuz adamın su tapmasından da artıq xoşhal olur". "Heç vaxt pis bir iş görsən, gizlində olan işə görə gizli tövbə etmə, aşkarda olan işə görə isə aşkarda tövbə et".