Səlcuq sultanı Ruqnəddin, Mövlanaya 5 kisə qızıl göndərib qəbul etməsini istədi. Tələbələrindən Məcduddin, Mövlanaya qızılları təqdim edincə: "Məni həqiqətən sevirsinizsə, bu qızılları çöldəki palçığın içinə atın!"-dedi. Tələbələri əmri dərhal yerinə yetirdilər.Dünya malına qiymət verən bəzi kimsələr qızılları almaq üçün palçığın içində axtarmağa başladılar. Lakin üst-başları,üz-gözləri palçıqdan görünməz hala gəldi.Mövlana tələbələrinə onların vəziyyətini göstərərək: "Bu qızıllar gördüyünüz dünya əhlinin üst-başını batırdığı kimi, axirət əhli olanların da qəlbini qaraldıb kirlədir. Müxtəlif günahlara sövq edərək ibadətlərdən uzaqlaşdırır.Bu sözlərimi səhv başa düşməyin.Dünya üçün çalışmayın demək istəmirəm. Dünya malının məhəbbətini qəlbinizə qoymayın deyirəm.Heç ölməyəcəkmiş kimi dünyaya,sabah öləcəkmiş kimi axirətə çalışmaq lazımdır.Bunu hər kəs bilir. Burada diqqət ediləcək nöqtə tamahkarlıq etmədən qənaət üzrə yaşamaqdır. Dünyada axirət səadəti üçün çalışmalı, qazanmalı, niyyəti düzəltməlidir. Çünki İslam insanlara faydalı olmağı əmr edir. Ən böyük səadət sərmayəni halal yoldan qazanıb xeyirxah işlər görərək axirətə göndərməkdir. Buna baxmayaraq, əsl sərmayə mal, mülk, pul sahibi olmaq deyil, elm, əməl, ixlas və gözəl əxlaq sahibi olmaqdır!"-buyurdu.
Tələbələrə nəsihət
Bir Allah (c.c) dostu tələbələri ilə söhbətdən qayıdanda qəbirstanlığın yanından keçir. Bir qəbri işarə edib tələbələrindən soruşur:"İndi bu qəbrdə yatan şəxs dursa, sizcə nələr edər?" Tələbələr əvvəlcə çaşırlar, amma sonra hər kəs öz fikrini deyir. Kimi "Davamlı namaz qılar", kimi "Bütün mal varlığını Allah (c.c) yolunda sərf edib sədəqə olaraq paylayar", kimi "O dəqiqə həccə gedər və bir daha əsla günah işləməz!" deyir. Tələbələrin fikirləri hamısı bu minvalda imiş. Allah (c.c) dostu təbəssüm edərək belə deyir: "Əlbəttə, hamınızın dediyi doğrudur, qəbirdəki dirilsə namazlarını,oruclarını və digər ibadətlərini daha həssas şəkildə etməyə səy göstərər. O şəxsin təkrar dirilmək,buraya gəlmək imkanı yoxdur. Artıq qapı qapalıdır,ancaq siz burdasınız və qəbrə doğru gedirsiniz.O şəxsin edəcəyini söylədiyiniz şeyləri siz niyə indi etmirsiniz və zəif davranırsınız?!"
Ölüm gəldiyində mal-mülk gedər, dostlar-tanışlar da gedər.Amma "İman" kitabı bizimlə bərabər qalar!