Əziz Müsəlman bacı və qardaşlarımız,bildiyimiz kimi bu gün İslam dünyasının ən müqəddəs bayramlarından sayılan Qurban bayramı bütün müsəlman ölkələrində təmtəraqla qeyd olunur.Eləcə də Azərbaycanda.
İnsanları halallığa, paklığa səsləyən Qurban bayramının çox maraqlı tarixi və şərtləri var.Qurban bayramının digər adı İsmayıl Qurbanıdır.Allaha qəlbən yaxın və sadiq olduğunu sübut etmək istəyən İbrahim peyğəmbər oğlu İsmayılı qurban kəsməyə hazır idi. Lakin uca Allah bunu öz elçisinə rəva bilmədi və qurbanlıq üçün ona bir qoç göndərdi. Buna görə də Qurbanlıq bayramında kəsilən qurbana "İsmayıl qurbanı" da deyirlər.Bayramlar insanlar arasındakı qarşılıqlı sevgi və hörmətin möhkəmləndiyi günlərdir.Bu bayramın əsas mahiyyəti Allah yolunda kəsilmiş qurbanlıq heyvanın ətini Allahın imkansız bəndələri ilə bölüşmək, onları sevindirmək və ayinin də əsasında, orucluqda olduğu kimi, xeyirxahlıq, paklıq və Allaha inam və sevgi durur.Qurbanlığın ən gözəl xüsusiyyətlərindən biri odur ki, burada din, məzhəb ayrı-seçkiliyinə yol verilmir. Bu bayramda istənilən dindən olan yetimin, kimsəsizin və yoxsulun haqqı var ki, varlının imkanlarından bəhrələnsin, adi günlərdə yeyə bilmədiyi qurbanlıq ətindən dadsın. Qurbanlıq o deməkdir ki, insanlar Allahın xoşuna gələcək bir əməli icra edirlər.
Elə buna misal olaraq Fatma xanımın bizə göndərdiyi ibrətamiz hekayəni sizə təqdim edirəm.
Qurbanlıq
Uşaqlıqdan xəyallarımda müəllimlik vardı.İllər keçdi müəllimliyə qəbul olundum.Arzuladığım peşəyə yiyələndiyim üçün özümü çox xoşbəxt hiss edirdim .
Günlərin bir günü bir qəzetdə ölkə xaricində müəllim elanını gördüm.Müraciət etdim və qəbul olundum.Xarici ölkədə dərs verməyə başladım.
Artıq 1-ci yarım ilin tətilinə az qalmış,Qurban bayramı yaxınlaşmışdı.Bəs Qurban bayramı necə olacaq? Artıq maaş alıram bir qurbanda mənə düşür –deyə düşündüm.Vaxt itirmədən bir qurbanlıq qoyun aldım,kəsib evə gətirdim .Yaşadığım binanın sakinlərindəh heç biri müsəlman deyildi.Dinimiz isə qonşuluğa böyük əhəmiyyət verir.Kəsdiyim qurbanın ətini qapı qonşuya apardım._
-Sabahın xeyr!
-Xoş gəldiniz.
Salamdan sonra qonşuya ət gətirdiyimi dedim.Əti aldı və mənə pul uzatdı.Çünki buralarda bizimki kimi bir- birinə pay aparmaq adəti yox idi.
Gətirdiyim ətə görə sizdən pul istəmirəm-dedim.
-Bəs onda niyə gətirdiniz
-Mən müsəlmanam.Maddi imkanı olan hər müsəlman ildə bir dəfə Allah üçün qurban kəsir.
-Mən müsəlman deyiləm
-Bilirəm lakin siz mənim qonşumsunuz.
-Sizin nə gözəl dininiz var!Sizin hamıya kömək etdiyinizi bilirdim .Deməli ,bütün bu gözəlliyin mənbəyi İslam dini imiş.Məndə müsəlman olmaq istəyirəm .Ona səmimi qəlbdən inanaraq “kəlmeyi-şəhadəti”gətirməyi öyrətdim.Qonşu qapıdaca şəhadət gətirib Allaha iman etdi-Ayrı nəsə var?-dedi.
İndilik bu qədər kifayətdi –dedim.
Dünyalar mənim olmuşdu.Elə xoşbəxt idim.Allah məni inancsız bir insanın müsəlman olmasına bir tikə ətlə vəsilə etdi.
Ağlıma Peybəmbərimizin (s.ə.s)”Bir insanın imanına səbəb olmaq səhra dolu qizil dəvələrdən ,günəşin gördüyü hər şeydən xeyirlidir”
Evə gəlib başqa qonşularada ət paylamaq üçün hazırlıq gördüm.
Hər kəsin Qurban bayramını Qadın.net adminstrasiyası,baş redaktoru Selcan xanım və redaktorlar Niyar,Shefeq və öz adımdan təbrik edirik.Allah Qurbanlarınızı qəbul etsin.Evinizdən nur,süfrənizdən ruzi əksik olmasın.