Bağışlayan və mehriban Allahın adı ilə
"Ey iman gətirənlər!Allaha,Peyğəmbərə və özünüzdən olan ixtiyar sahiblərinə itaət edin!Əgər bir iş barəsində mübahisə etsəniz,Allaha və qiyamət gününə inanırsınızsa,onu Allaha və Peyğəmbərə həvalə edin!Bu daha xeyirli və nəticə etibarı ilə daha yaxşıdır"(Nisa-59)
Allahı tanıma, Allahı zikr etmə (yada salma)
İmam Əli (ə)-"Böyüyüb Allahımı tanımamaqdansa, uşaq ikən behiştə getməyi sevirəm"
Rəsuli Əkrəm (s)-"Əməllərin ən yaxşısı Allahı tanımaqdır. Elm,əməlinin az və ya çox olmasından asılı omayaraq sənə xeyir verər. Nadanlıq isə əməlinin az və çox olmasına baxmayaraq sənə mənfəət verməz"
İmam Əli (ə)-"Əgər fikrini bir yerə yığıb yollarının arasan,görərsən ki,qarışqanı yaradan elə həmin xurma ağacını da yaradandır.(Bu yaranış) onlarda işlənmiş məharətli bir zərifliyi və seçimi göstərir.Onlar böyük-kiçik, ağır-yüngül, güclü-zəif olmalarına baxmayaraq,yaranışda Allah üçün eynidirlər"
Rəsuli-Əkrəm (s)-"Allah yeri və göyləri yaratdığı zaman hər biri göylərlə yerin arasını əhatə edə bilən 100-rəhmət də yaratdı. Onlardan birini yerdə qərar verdi.Məhz o rəhmətlə ana öz balasına,vəhşi heyvanlar bir-birinə və quşların bəzisi digərinə məhəbbət göstərir.99-u isə Qiyamətə qalmışdır.Qiyamət günü olduqda bu bir rəhmət də onlara qovuşar"
İmam Əli (ə)-"Allah qəlblərində sirr saxlayanların sirrini,pıçıltı ilə söhbət edənlərin sözünü,xatirələrdə (qəlblərdə) olan günahları və yəqinə əsaslanıb qəbul edilən hər bir qərarı bilir"
İmam Əli (ə)-"İnsanların içində Allahı hada çox tanıyanlar-Ondan çox şey istəyənlərdir"
İmam Əli (ə)-"Allahı yad etmək ağıla rahatlıq,qəlbə nur verir və rəhməti nazil edir"
Rəsuli Əkrəm (s)-"Hər kəs Allaha itaət edərsə,namaz qılması,oruc tutması və Quran oxuması az olsa belə Onu yad etmişdir"
İmam Əli (ə)-"Hər vaxt bir şey oxumaq,yaxud bir işi görmək istəyərsə "Bismilləhir Rahmənir Rahim" desin.Belə olduqda o işdə bərəkəti artar"
İmam Sadiq (ə)-"İşini Allaha tapşıran şəxs həmişə rahatlıqda,asudə və səmərəli həyatda olar.İşini həqiqətən Allaha tapşıran kəsin bütün himməti təkcə Allahdır"
İmam Əli (ə)-"Hər kim özü ilə Allahın arasını düzəldərsə, Allah da onunla xalqın arasını düzəldər"
Rəsuli Əkrəm (s)-"Allah sizin üzünüzə və mal-dövlətinizə yox, qəlblərinizə və əməllərinizə baxır"
İmam Əli (ə)-"Hər kəs bir şeydən Allaha görə əl çəksə, əvəzində Allah da ondan yaxşısını ona verər"
İmam Əli (ə)-"Xoş olsun o kəsin halına ki, əməlini, elmini, istəyini, düşmənçiliyini, almasını-verməsini, danışmasını, susmasını, işini və sözünü Allaha görə edə"
Rəsuli Əkrəm (s)-"Kim Alah barəsində xoşgüman olsa, Allah da onun haqqında xoşgüman olar"
İmam Sadiq (ə)-"Hər kəs Allahdan xeyir istəyib, Onun verəcəyinə razı olarsa, Allahın ona xeyir verəcəyinə arxayın olsun"