106. (Firon Musaya) dedi: Əgər möcüzə ilə gəlmisənsə və doğru deyirsənsə, onu gətir göstər!
107. (Firon bunu deyən kimi) Musa əsasını (yerə atdı) və o, dərhal (hamının gözünə) aşkar görünən bir əjdaha oldu.
108. (Sonra) əlini (qoltuğunun altından və ya cibindən) çıxartdı və o, bir anda baxanlara nur kəsildi.
109. Firon tayfasının əyanları dedilər: Şübhəsiz ki, bu çox bilikli bir sehrbazdır.
110. O sizi yurdunuzdan çıxartmaq istəyir! (Firon da: ) Elə isə tədbiriniz nədir? - (deyə soruşdu).
111. Onlar dedilər: Onu (Musanı) qardaşı (Harun) ilə birlikdə saxla və şəhərlərə (sehrbazları) yığan adamlar göndər ki,
112. Nə qədər bilikli sehrbaz varsa, hamısını tutub gətirsinlər!
113. Sehrbazlar Fironun yanına gəlib dedilər: Əgər biz (Musaya) üstün gəlsək, yəqin ki, bizə bir mükafat veriləcək!
114. (Firon:)Bəli şübhəsiz ki, siz (mənə) ən yaxın adamlardan olacaqsınız! deyə cavab verdi.
115. Sehrbazlar dedilər: Ya Musa! Ya sən (əvvəlcə əsanı yerə) at, ya da biz (əlimizdəkiləri) ataq!
116. (Musa: ) Siz atın dedi. Onlar (əllərindəkiləri və əsaları yerə) atdıqda, adamların gözlərini bağlayıb (sehrləyib) onları qorxutdular və böyük bir sehr göstərdilər.
117. Biz də Musaya: Əsanı tulla! deyə vəhy etdik. Bir də (baxıb gördülər ki) əsa onların uydurub düzəltdikləri bütün şeyləri udur.
118. Artıq haqq zahir, olanların uydurub düzəltdikləri yalanlar isə batil oldu.
119(Sehrbazlar) orada məğlub edildilər və xar olaraq geri döndülər.
120. Onlar (hamı birlikdə) səcdəyə qapanıb
121. Dedilər: Biz iman gətirdik aləmlərin Rəbbinə -
122. Musanın və Harunun Rəbbinə!
123. Firon (onlara) dedi: Mən sizə izin vermədən əvvəl siz ona iman gətirdiniz? Bu (sizin Musa ilə birlikdə gördüyünüz işlər), şübhəsiz ki, əhalisini çıxartmaq (qibtiləri qovub Misiri ələ keçirmək) məqsədilə şəhərdə qurduğunuz (gizli) bir hiylədir. (Gördüyünüz işlərə görə başınıza nə oyun açacağımı) biləcəksiniz!
124. Əl-ayağınızı çarpaz kəsdirəcək, sonra isə hamınızı çarmıxa çəkdirəcəyəm!
125. (Sehrbazlar) belə cavab verdilər: Şübhə yoxdur ki, biz Rəbbimizin hüzuruna dönəcəyik! (Bizi ölümlə qorxuda bilməzsən!)
126. Sənin bizdən intiqam almağın isə ancaq Rəbbimizin möcüzələri gələn kimi bizim onlara iman gətirməyimizə görədir. Ey Rəbbimiz! Bizə (bolluca) səbir əta et və bizi müsəlman olaraq öldür!
127. Firon tayfasının əyan-əşrafı dedi: Musanı və tayfasını fitnə-fəsad törətmək, həm səni, həm də sənin tanrılarını atıb getmək üçünmü buraxacaqsan? (Firon onlara) belə cavab verdi: Biz onların oğullarını (erkəklərini) öldürəcək, qadınlarını isə (bizə xidmət etmək üçün) diri saxlayacağıq. Biz onlara, mütləq, qələbə çalacağıq! (Onlar əvvəlki kimi yenə əlimizin altında olacaqlar!)
128. Musa öz tayfasına: Allahdan kömək diləyin və səbr edin. Yer üzü Allahındır. Bəndələrindən istədiyini onun varisi edər. Aqibət (dünyada zəfər, axirətdə yüksək məqamlar) müttəqilərindir! - dedi.
129. (Musaya iman gətirənlər) dedilər: Sən bizə peyğəmbər gəlməmişdən əvvəl də, sonra da biz əziyyət çəkdik! (Musa onlara belə) cavab verdi: Bəlkə də, Rəbbiniz düşməninizi məhv edib sizi yer üzünün varisləri edəcək, sonra isə nə etdiyinizə (özünüzü necə apardığınıza) baxacaq!
130. Biz Firon əhlini (illərlə) qıtlığa, quraqlığa və məhsul çatışmazlığına məruz qoyduq ki, bəlkə, düşünüb ibrət alsınlar!
131. Onlara bolluq qismət olduğu zaman: Bu bizim (haqqımızdır)! deyər, bir pislik üz verdikdə isə bunu (bir uğursuzluq, nəhslik kimi) Musadan və yanındakılardan görərdilər. Agah olun ki, onların başına gələn uğursuzluq (nəhslik) Allahdandır, lakin onların əksəriyyəti (bunu) bilməz!
132. (Firon adamları Musaya) dedilər: Sən bizi ovsunlamaq üçün nə möcüzə gətirsən də, yenə sənə iman gətirən deyilik!
133. Biz ayrı-ayrı möcüzələr üzrə onlara tufan, (əkinlərinə) çəyirtkə və həşərat, (evlərinə, yeməklərinə) qurbağa və (çeşmələrinə, kəhrizlərinə) qan göndərdik. Onlar yenə də (iman gətirməyi) özlərinə sığışdırmayıb kafir bir tayfa oldular.
134. Onlara əzab gəldikdə dedilər: Ya Musa! (Allahın sənin dualarını qəbul etmək və peyğəmbərlik vermək barəsində) səninlə olan əhdi hörmətinə bizim üçün Rəbbinə dua et. Əgər bu əzabı bizdən götürsə, biz, hökmən, sənə iman gətirəcək və İsrail oğullarını səninlə birlikdə (istədikləri yerə) göndərəcəyik.
135. Elə ki, əzabı bir müddətə onlardan götürdük, dərhal (əhdi) pozdular.
136. Biz də ayələrimizi yalan hesab edib onlardan qafil olduqları (onlara etinasız yanaşdıqları) üçün (Firon əhlindən) intiqam alaraq onları dənizdə batırdıq.
137. Zəif (həşr) görünən o tayfanı (İsrail oğullarını) yer üzünün daim xeyir-bərəkət verdiyiniz şərq tərəflərinə (Şam diyarına) varis etdik. (Müsibətlərə, fəlakətlərə) səbr etdiklərinə görə Rəbbinin İsrail övladına verdiyi gözəl sözlər (vədlər) tam yerinə yetdi. Fironun və onun camaatının qurduqları (imarətləri) və ucaltdıqlarını (qəsrləri, kaşanələri) isə viran qoyduq.
138. Biz İsrail oğullarını dənizdən keçirtdik, (sonra) onlar öz bütlərinə tapınan bir tayfaya uğradılar. (İsrail oğulları) dedilər: Ya Musa! Bizə onların sitayiş etdikləri bütlər kimi bir büt düzəlt! (Musa belə) cavab verdi: Siz, doğrudan da, cahil bir tayfasınız!
139. Şübhəsiz ki, bunların tapındıqları bütlər məhvə məhkumdur, etdikləri əməllər isə puçdur!
140. (Musa yenə) dedi: Allah sizi aləmlərə (dövrünüzdəki bütün insanlara) üstün etdiyi halda, heç mən sizin üçün Allahdan başqa bir tanrı istərəmmi?!
XƏBƏR LENTİ
10 funt verdi 1 milyon qazandı
iOS7-yə uyğunlaşırlar
Nüsrət bu dəfə Brus Uillis üçün bişirdi-FOTO
Çin hakerlərin yara bilməyəcəyi internet xətti yaradır
Yeni doğulmuş körpəyə qulluq (II hissə)
Magistraturaya qəbul qaydaları sadələşdirilib
Sosial şəbəkələrdə "ağıllı" olun!
Adriana Limadan ismarıc-FOTO
Azərbaycanda pensiyalar artırılacaq
İŞİD-ə qarşı 1000 km divar tikilir
Uşaqların meyvə və tərəvəz yeməsi niyə vacibdir?
Qadınlar niyə bir-birlərini qısqanırlar?
Karvinq dərsi-2
Bərbərlər bu cür saç düzəltməyəcək
Rus dili - ИРё, Йй
Yaşıl çay qocalıqda iş qabiliyyətini saxlamağa kömək edir
Bir gün də yaşasa, müdafiə naziri olacaqdı - Generalın ölümünün böyük sirri
Azərbaycan, Rusiya və İran prezidentləri görüşəcək
Gəlinlər üçün saç düzümləri
Bakıda təhsil sərgisi olacaq
Azərbaycanda bu məhsullar bahalaşdı
Su börəyi ( foto resept)
Prezidentlərin görüşü gözlənilir
Acun sevgilisi ilə görüntüləndi-FOTO
İbrahim Tatlısəs yenidən ekranlara qayıdır
Yuxu yozmaları - Ü
Rusiyada peyvənd edilmiş tibb işçisi koronavirusa yoluxdu
Növbəti bələdiyyə seçkilərinin keçirilməsi elan ediləcək
İslamın əzəmətli qadını Xanım Zeynəbin (s.ə) mövludu günüdür
Dünyanın ən böyük yaddaş kartı o olacaq
Azərbaycanda bu şəxslərə güzəştli sosial ipoteka kreditləri veriləcək
Qadınlar hansı ölkəyə bənzəyir?
Qadınların yaddaşı niyə güclüdür?
İdmançımız dünya rekordunu təzələdi
Saçlarınız vaxtından əvvəl ağarırsa, mütləq oxuyun!
Putinin yeni müharibə planı
Bülent Ersoydan qəribə ETİRAF
Cennifer Lopez hər kəsi TƏƏCCÜBLƏNDİRDİ-FOTO
Nazirdən şəhid pilotun ailəsinə BÖYÜK JEST
Gələn ay 6 gün İŞ OLMAYACAQ
Nazir tapşırıq verdi
Məktəbli formalarının tikilişi dayandırılıb - RƏSMİ
İnsan burnu, bir trilyon qoxunu qəbul edə bilir
İntihar - sonun başlanğıçı
Kişi arvadını çemodanla apardı
Rəngarəngliyi sevənlər üçün
Avtobuslar gecə saat 12-yə, metro saat 2-yə kimi işləyəcək
Maraqlı İlluziyalar
Avtobuslarda gediş haqqı artırılır?
Bakıda 700 manata alça satılır
- ŞƏRHLƏR