Son dövrlərdə məzunlarımız öz yaradıcılıq qabiliyyətlərini işə salmağa başlayıblar. Məzun günlərini daha yaddaqalan etmək üçün köynəklərinə müxtəlif şəkil çəkdirir və bəzəkər vurdururlar. Artıq neçə ildir ki, mən özüm bu işlə məşğulam. Belə qərara gəldim ki, çəkdiyim şəklin birini mərhələli şəkildə sizinlə paylaşım. Bildiyimiz kimi məktəblər artıq bağlanmaq üzrədir. Ona görə də artıq məzunlar rəssamların üstünə axın etməyə başlayıblar ki, köynəklərinə istədikləri şəkilləri çəkdirsinlər. 
Dünən bir köynək arxasına şəkil çəkdim və onu sizinlə paylaşmaq istəyirəm. Bunun üçün bizə əvvəlcə bir köynək lazımdır. 
Köynəyin üzərinə çəkmək istədiyimiz şəkli sadə qələmlə çəkirik.
Mən məktəbdən canını qurtarmağa çalışan amma hələ hər şeyin bundan sonra başlayacağını da bilməyən bir tənbəli çəkəcəyəm. 
Şəkli sadə qələmlə çəkdikdən sonra akril boya ilə əvvəlcə köynəyi rəngləməyə başlayırıq. Bu rənglərdən ona görə istifadə edirik ki, yuyulandan sonra onlar olduğu kimi qalır. Bu yüz faizlik bir məlumatdır. Çünki birini hətta çəkəndən sonra yumuşam. 
Fırça ilə ehtiyatlı işləmək lazımdır ki, çəkilən şəklin kənarına çıxmayasınız.
Şəklimizə növbəti rəng ilə rəngarənglik qatırıq.
Bundan sonra isə tənbəlimizin şalvarını rəngləməyə başlayaq. Rəngləri seçərkən onların bir ahəng təşkil etməli olduğunu unutmamalıyıq.
İndi isə gəlin digər əl işlərim ilə sizi tanış edim. Bunu ayrı bir köynəyin arxa hissəsinə çəkmişəm.
Bu da fərqli bir köynəkdir. Buradakı şəklin üzərindəki zər isə adi yeməli tort zəridir. Bəli, bəli, tort zəri. 
Bəs bunu bəyəndinizmi?
Məncə özümü bu qədər reklam etməyim bəsdir.
Hər birinizə buradakı şəkillər kimi rəngarəng həyat arzu edirəm. 