İslam Əxlaqı Dərs-1
Din qardaşlığı
Mədinəyə hicrət etdikdən sonra həzrəti Peyğəmbərin (s) gördüyü ilk tədbirlərdən biri din qardaşığı üzərində atılan addım oldu.Bu tədbirdə məqsəd hər xırda bir məsələ üstündə qarətlər,qırğınlar,müharibələr törətməyə adət edən müsəlmanlar arasında birlik və vəhdət yaranması idi.
İslam dininin baxışında irqindən,milliyətindən və rəngindən asılı olmayaraq bütün müsəlmanlar bir-biri ilə qardaşdırlar və bərabər hüquqa malikdirlər.İslama görə üstünlük təqva və iman hesab olunur.
Hucurat surəsi ayə 13: “Ey iman gətirənlər! Biz sizi bir kişi və bir qadından (Adəm və Həvvadan) yaratdıq. Sonra bir-birinizi tanıyasınız deyə sizi sizi xalqlara və qəbilələrə ayırdıq. Allah yanında ən hörmətli olanınız Allahdan ən çox qorxanınız, pis əməllərdən ən çox çəkinəninizdir. Həqiqətən Allah (hər şeyi) biləndir, (hər şeydən ) xəbərdardır.
Allah (t.t) Qurani-Kərimdə möminlərə xatırladır ki onlar cahiliyyat dövründə bir-birlərinə ədavət,kin küdurət bəslədikləri halda Allah onlara qardaşlıq nemətini verərək onlara nicat verib.
Ali-İmran surəsi ayə 103:"Hamılıqla Allahın ipindən (dinindən ) möhkəm yapışın,bir-birinizdən ayrılmayın!Allahın sizə verdiyi neməti xatırlayın ki,siz bir-birinizə düşmən ikən O, sizin qəlblərinizi (İslam ilə) birləşdirdi və Onun neməti sayəsində bir-birinizlə qardaş oldunuz.Siz oddan olan bir uçurumun kənarında ikən O,sizi oradan xilas etdi . Allah öz ayələrini sizin üçün bu şəkildə aydınlaşdırır ki,bəlkə haqq yola yönələsiniz .”
Ümumiyyətlə Din qardaşlığının ictimai əhəmiyyəti də böyükdür.bunun ən gözəl sübutu Peyğəmbərimizin (s) buyurduğu kəlamdır.
1.“ Hər kim Allaha xatir bir möminlə qardaşlıq edərsə, Allah-Təala onun üçün Cənnətdə elə bir məqam təyin edər ki,bundan qeyri bir əməllə o məqama nail ola bilməz ” - Allah (t.t) bizə o məqamı nəsib etsin inşallah.Amin.
2.“Qiyamət günü üzəri bədrlənmiş ay tək parlaq olan bəzi şəxslər üçün Ərşin kənarında taxtlar ucaldılar.İnsanların çoxu qorxaraq nalə çəkdikləri halda onlar nə qorxar, nə də nigarançılıq çəkərlər. Onlar Allaha yaxın olduqları üçün heç nədən qorxmazlar. Səhabələrdən biri soruşur: “Ya Rəsuləllah onlar kimlərdirlər?” Peyğəmbər (s)buyurdu: “Onlar bir-birini Allaha xatir sevənlərdir”
3. “Mömin möminə taydır”
Bu günki dərsimizi Allah (t.t)-nın din qardaşlığına dair ayələri ilə tamamlayıram
1. “Həqiqətən möminlər bir-biri ilə qardaşdırlar”
2. “Muhəmməd Allahın peyğəmbəridir.Onunla birlikdə olanlar (yəni möminlər ) kafirlərə qarşı sərt, bir-birlərinə qarşı isə mərhəmətlidirlər” (Fəth s,ayə 39)
3. “ Ey iman gətirənlər! Möminləri qoyub kafirləri dost tutmayın” (Nisa s,ayə 144)
4. “ Ey iman gətirənlər! Nə mənim düşmənimi dost tutun, nə də öz düşməninizi” (Mumtəhinə s,ayə 1)
Allah (t.t) bizi qiyamətə qədər bir-birimizə qardaş qərar versin.
Əssəlamu aleykum və rəhmətullahi və bərəkətuh