"Gəlin danışaq" - 100-cü buraxılış!
Şimal-qərb bölgəsini əhatə edən "Kanal S" Televiziya Şirkəti 29 dekabr 2008-ci ildən fəaliyyət göstərir. İnzibati binası Şəki rayonunda yerləşir.Telekanal 24 saat yayımlanmaqla regional televiziyalar arasında ilkə imza atıb. "Kanal S" ölkənin 70 % -dən çox ərazisinə yayımlanır. Həmçinin internet vasitəsilə dünyanın istənilən ölkəsində telekanalı izləmək olar.
"Gəlin danışaq" "Kanal S"in 2013-cü ilin sentyabr ayından izləyicilərinə təqdim etdiyi növbəti layihələrdən biridir. Aparıcı əməkdar artist, prezident təqaüdçüsü Sənubər İsgəndərlinin olduğu verilişdə qadınların maraq dairəsində olan problemlər müzakirə edilir, onlara hüquq və vəzifələri izah olunaraq, cəmiyyətdəki vacib rollarından bəhs edilir. Məqsəd qadınların həll edə bilmədikləri məsələlərin həllində yardımçı olmaq, maraqlı insan talelərini öyrənmək və örnək göstərməkdir.
Həftə içi hər gün, saat 15:30-da yayımlanan "Gəlin danışaq" verilişi ümumi şəbəkəyə daxil olunaraq, bütün region kanallarında nümayiş etdirilir. Statistikaya əsasən ən çox izlənilən verilişlərin siyahısında ilk yeri tutur.
Verilişin informasiya dəstəyi www.qadin.net saytıdır. Hər günün sonunda, həmin gün üçün olan verilişin videoyazısını saytdan izləyə bilərsiniz. Yeni istifadəyə verilmiş www.qadin.tv layihəsində də veriliş üçün xüsusi bölmə yaradılmışdır.
24.02.2014 - bu tarix "Gəlin danışaq" telelayihəsinin bütün komandası üçün əlamətdar bir hadisə ilə yaddaşlara həkk olunur. Beləki, ilk dəfə 30.09.2013-cü il tarixində efirə getmiş verilişin bu gün 100-cü buraxılışı efirə təqdim edilmişdir.
Bu münasibətlə, qeyd edilən müddətdə sizlərə təqdim edilmiş 100 buralışda əməyi olan "Kanal S" televiziyasının rəhbərliyi başda olmaqla, bütün "pərdə arxasında" əziyyəti olan "Gəlin danışaq" komandasını ürəkdən təbrik edirik!
Əziz dostlar, uğurlarınız bol olsun!
Bu günə qədər yayımlanmış verilişlərlərdən ən maraqlı, ekskluziv rəsimləri sizlərə təqdim edirik:
