DataLife Engine > PRINT > "Kaş ki..." deyən Qadın.Netlilər

Həyatda ən çox nəyə "Kaş ki..." dediniz?

Gülşən29

Hər bir insan bircə dəfə belə olsa "kaş ki" sözünü deyir. Mənim də "kaş ki"lərim olub. Kaş ki? arzusunda olduğum təhsili ala bilərdim. Bu mənim indiki həyatımda tam fərqli bir həyat olacaqdı. Ancaq yenə şükür. "Kaş ki" deyəcəyim şeylər çoxdur. Ancaq hər günümüzə, hər anımıza şükür edirəm... girl_smi

gülnarə humbatova

Eh, əsas insana lazım olan can sağlığıdır - onun da ki mən qədrini bilmədim, cansağlığımı sənətimə, işimə qurban verdim. İndi də əziyyətini çəkirəm. Kaş ki o vaxt - 11-12 il bundan əvvəl canıma yaxşı baxardım. 1-ci sinif götürmüşdüm, həvəslə öyrədirdim, heç bir yerim də ağrımırdı. Səhərdən axşama kimi heç nə yemədim, səhər duranda otaq əşyaları ilə birgə başıma hərləndi, elə o gündən oldum xəstə... recourse

AYSUN MƏMMƏDOVA

Bir dəfə əmim qızına çox əsəbiləşmişdim və çox qışqırdım, pis sözlər dedim. Sonra çox lap çox peşman olmuşdum və o zaman dedim ki, kaş ki, bir az əsəblərimi qoruyaydım. Bu hadisə çoxdan olsa da əmim qızını görəndə yadıma düşür.

AyTaDj HəSəNzAdƏ

Düzdür biz insanlar çox şey üçün "kaş ki" deyirik, amma bunun əvəzinə Allaha şükür etsək, hər şey daha başqa olar. Allahu-Təala heç kimə "kaş ki" sözünü dedirtməsin. Amin. Mən ən çox həyatda oxumadığım ücün "kaş ki" demişəm, kaş ki, oxuya biləydim...

Xədicə 033

Əlbəttə ki, hər bir insan kimi mənim də həyyatda "kaş ki" dediyim anlar olub. O "kaş ki" dediyim anlardan biri də təzə gəlin getdiyim vaxtlarda bəzi bağışlanılan kiçik səhvlər etmişəm, indi oturub fikirləşəndə deyirəm kaş ki, o səhvləri etməyəydim, daha yaxşı olardı... winked

Lalə Qurbanova

Kaş ki, uşaqlığım geri qayıtsın. Uşaq olub çox böyük səhvə yol vermişəm, "Kaş ki eləməzdim" deyirəm hal-hazırda. O səhvimin utancını, əzabını yaşayıram. Kaş ki, o illər geri qayıdaydı və o səhvlərimi etməzdim, həyatımdan silərdim. Amma dəqiq nə olub, onu üzr istəyirəm yaza bilmərəm. Hər kəsin mənə elə gəlir ki, özünə aid bir sirri var... feel

Qızıl Gül

Mən həyatımdan çox razıyam. Allahıma çox şükür eləyirəm ki, mənə bu cür gözəl ailə verib. Bütun subay xanımlarımıza mənimki kimi ailə qismət olsun. Amin. Ancaq geyim almaqda çətinlik çəkirəm. Geyinib alıram, evə gələndə "kaş ki o birini alardım deyirəm..." biggrin

Arzu

Kaş ki, valideynlərim ayrılmazdılar. O zaman hər şey fərqli, gözəl olacaqdı. Onların ayrılıqlarının əzabını biz övladlar çox çəkdik, çəkəcəyik bəlkə də. Valideynlərim ayrılandan sonra həyətdə uşaqlarla oynayanda qonşu uşaqlar dedi ki, "bizimlə oynama, atan yoxdu sənin". Atalı ikən atasız yetim oldum. Kaş ki, boşanmasaydılar. O gündən 11 il keçsə də yaram qaysaq bağlamır. Yenə də Allahım, bu günümə min kərə, milyon kərə şükür olsun. girl_ang

SU PƏRİSİ

Mən həyatda "kaş ki" sözünü çox işlətmişəm. Ən çox da ali məktəb oxumadığım üçün, öz sözümü vaxtında çatdırmadığım üçün kaş ki demişəm. Əslində "kaş ki" deyəcək çox şeylər buraxmışam arxamda. Bəzilərini düzəltmək olsa da, çox təəssüf ki, bəzilərini heç düzəltmək olmur. Elə indi də deyirəm: "Kaş ki heç ailə qurmayaydım, kaş ki həyatımı oxumaq ücün qurardım, kaş ki öz sevdiyimə qovuşardım..." Kaş ki... Kaş ki... Amma heyif, bu "kaş ki"lər artıq arxada qaldı. Mənim həyatımın "kaş ki"ləri olduqca çoxdur... negative

Realist (A+N)

Allah "kaş ki" kəlməsini sevmir. Çünki insan həyatını yüz ölçüb, bir biçib qurmalıdır. Ömrünü imanla yaşayan insan hardasa kaş ki deməməlidir. Amma təəssüflər olsun ki, bu, hər zaman belə olmur. Hər hansısa bir addımımızı bir müddət sonra "kaş ki" deyərək xatırlayırıq. Mənim də "kaş ki"lərim olub. Ancaq Allahıma şükür olsun ki, böyük xətalar olmayıb. Ən böyük xəzinəm ailəm və körpə qızımdır. Allahdan ailəmə xoşbəxtlik və can sağlığı arzu edirəm. girl_ten

Gülnişan Mirzəyeva

Kaş ki bu dünyaya heç gəlməyəydim, onda hər kəs üçün yaxşı olardı. Kaş ki vaxtında təhsil ala biləydim. Kaş ki heç sevməyəydim. Kaş ki ta uşaqlıq illərimə dönüb hər şeyi dəyişə biləydim. Kaş ki valideynlərim ayrılmazdı, ata-anam ilə bir yerdə olaydım... what