Xəyalə Murad
31 dekabrda qara ilan ilinin necə keçəcəyi haqda təlaş içində düşünürdüm. Lakin 2013-cü ilin ilk günü həyatıma xoş müjdə qədəm qoydu. Bu il ikinci övladım dünyaya göz açdı. İlk kitab sevinci bəxş etdi. Eyni zamanda saytımızdakı sevimli redaktor və userlərimiz də məhz bu il analıq hissi ilə tanış oldular. Bu il mənim üçün xoş keçsə də qara olan tərəfindən yan keçmədi. Ailəcə dəyər verdiyimiz şəxsləri itirdik. Bir sözlə 2013-cü il həyatımda silinməz iz buraxan illərdən oldu.
вњ°вќ¤вњ°Caprice Girlвњ°вќ¤вњ°
Bu il mənim üçün çox maraqlı keçdi. Yeni vəfalı dostlar qazandım. Onların hamısını çox istəyirəm, Allah onları mənə çox görməsin! Dərslərimdə uğur qazandım. Ailəmi sevindirdim. Maraqlı günlərim də oldu. Ən maraqlı günlərimdən biri o idi ki, illərdir görmədiyim dostumla təsadüfən qarşılaşdıq. Çox darıxmışdıq bir-birimiz üçün. Maraqlı günlərimdən biri də o oldu ki, əmim qızının övladı oldu. Həqiqətən çox şirindir. İlk dəfə körpə bir uşağı qucağıma alırdım. Allah olmayanlara nəsib etsin. Dostlarımla və ailəmlə çox gözəl vaxtlar keçirtdim. Hamısını yazsam kitab alınar. Beləcə bu ilim çox maraqlı keçdi. Hər kəsin yeni ilini indidən təbrik edirəm. Yeni il at ilidir. At muraddır. İnşAllah mən də daxil olmaqla hamı bu il bütün muradına çatar. İnşAllah bu yeni il köhnə ildə yaşadığımız sıxıntıları yox edər... 
вњ°PrINcESsA вњ°Samirвќ¤
Demək olar ki, 2013-cü il keçən illərə nisbətən elə də düşərli il olmadı mənim üçün. Çətinliklər çox oldu, ən çox da stressli, həyəcanlı günlərim. Başıma gələn mənim üçün xoşa gəlməz hadisə universitetə qəbul olmamağım idi. Qismət deyilmiş yəqin ki. Allah bildiyi məsləhətdir. Yaxşı günlərim də olub, düzü, elə də yadımda deyil.
Bu il dərslərimdə uğurlar əldə edə bilmədim. İnşAllah, gələn il 2014-cü il hamımıza uğurlu olar, düşərli illərdən biri olar. Mən də ən böyük arzuma çataram. Qadın.Netlilərin qabaqdan gələn yeni illərini təbrik eliyirəm. Bu il xeyirli,uğurlu olsun sizə, həmişə belə mehriban olaq. At ilidir, at murad deməkdir. Allah hamımızı muradımıza çatdırsın. Amin!
Bu il dərslərimdə uğurlar əldə edə bilmədim. İnşAllah, gələn il 2014-cü il hamımıza uğurlu olar, düşərli illərdən biri olar. Mən də ən böyük arzuma çataram. Qadın.Netlilərin qabaqdan gələn yeni illərini təbrik eliyirəm. Bu il xeyirli,uğurlu olsun sizə, həmişə belə mehriban olaq. At ilidir, at murad deməkdir. Allah hamımızı muradımıza çatdırsın. Amin!
PrOsTa NiKa
Mənim bu ilim bir az maraqlı keçib. Yarı gəzib, yarı dərs oxumuşam. Bütün günü hazırlıqlarda olurdum, heç başım açılmırdı. Amma dostlarımla, sinif yoldaşlarımla maraqlı günlərimiz olub. Heç yadımdan çıxmaz, hazırlıqda müəllimənin başına oyunlar açırdıq. Axır ki müəllimələrimin sayəsində ali məktəbə qəbul oldum. Hələ də müəllimələrimlə, sinif yoldaşlarımla danışıram. Bu il həm də dayım oğlunun oğlu oldu. Birinci dəfə idi ki, təzə anadan olan uşaq görürdüm. Çox balaca idi, qucağa almaq mümkün deyildi. Bu mənim üçün çox maraqlı olmuşdu. Allah olmayanlara qismət eləsin. Yay tətilində də həmişə getdiyimiz kimi xalamgilə - Moskvaya getdik. Xalam qızıyla çoxlu gəzdik və çox maraqlı oldu. Hamısını yazmaq üçün kitab lazımdır. Nə isə, yenə çox danışdım. 
Cute angel
Mənim bu ilim çox da maraqlı olmadı, bütün ili stress və həyəcan içində keçirdim. Qara ilan sanki bütün zəhərini üstümə tökmüşdü, bunların arasında yaxşıları da oldu, tək sevindirici hadisə dayım qızının körpəsinin olması oldu. Bir sözlə, sevinc dolu bir il keçirmədim, necə deyirlər - "İlə necə başlasan elə də gedər". Mən də ilə kədərlə başladım, elə də getdi. Bu ilə ancaq gülərək girəcəm - bütün ilim sevinclə keçsin deyə. Ümidim qarşıdan gələn ilədir, deyirlər at muraddır. İnşAllah mən də daxil olmaqla hamı bu il muradına çatar. Hər kəsin yeni ilini təbrik edirəm. İnşAllah bu yeni il köhnə ildə yaşadığınız sıxıntıları yox edər.
Bu il mənim üçün çox gözəl keçdi, çünki gül balam Aysu dünyaya gəlib. Qardaşıma toy etdik, gəlin gətirdik. Ən maraqlısı isə yazıq oğlumun ad günündə oldu, günorta yadıma düşüb ki, bu gün uşağın 3 yaşı olur.
İncim
2013-cü il mənim üçün sakit və maraqlı keçib. Çox sevdiyim insanların sevgisi və nəvazişi ilə şükürlər olsun ki, bu ilin də sonuna çatdıq. Qızımın 2012-ci ildə dünyaya gəlməsinə baxmayaraq kaprizli dövrü bu ilə təsadüf editdiyindən mənim üçün sanki 2013-cü il digər illərdən daha tez keçdi. Allahım bundan sonra da qalan ömrümün sevdiklərimin əhatəsində yaşamağı nəsib etsin. Hər kəsə qarşıdan gələn illərin uğurlu keçməsini arzulayıram!
๑۩۞۩๑NazliMemmedova๑۩۞۩๑
2013-cü ildən istədiyim şey çox deyildi. Sevdiyimi istədim sadəcə. İlin əvvəli çox çətin oldu. Bir neçə ay imtahan verirəm kimi keçdi. Hər şeyi olduğu kimi bunun da öhdəsindən sevdiyimlə birgə gəldik. Düzü, onun səyi, onun böyük istəyilə bütün maneələri keçdik. Belə-belə günlərimiz keçdi, axır mən razı oldum, sevdiyimin ailəsi bizə gəldi. İlk öncə anamgil təkidlə "yox" desələr də bacımın vasitəsiylə mənim də istədiyimi bildilər. Anam yenə razı olmadı, çünki ən böyük arzularından biri də məni oxutmaq idi. Düzü, iki il cəhd elədim, alınmadı. Daha yoruldum, həvəsim qalmadı, amma anam deyirdi ki, "səni oxutmamış heç kimə vermərəm". Sonra sevdiyimin ailəsi növbəti dəfə mayın 17-də yenə gəldilər, anam atamdan xəbərsiz yenə öz qərarında idi Yenə məni Allahın izniylə istədilər, atam uzun susqunluqdan və düşündükdən sonra "Allah xoşbəxt eləsin!" cümləsi ilə sanki mənə qanad verdi. Anam da çox təəccübləndi. Düzü, mən atama arxayın idim, çünki mən balacalıqdan nə istəmişəm, məndən əsirgəməyib. Bu ilə bu xoş günüm damğasını vurdu. Həyatımda yeni və xoşbəxt səhifə açdı. Artıq nişanlıyıq, Allah bütün sevənlərə bu xoş günləri nəsib etsin İnşAllah!
Narin Əliyeva
2013-cü il həyatıma ilk öncə kədər və hüzün gətirsə də sonunda çox xoşbəxt etdi məni. Çox şükür Allahın məsləhətinə, ilk öncə Qadın.Netdə qeydiyyata düşdüm, sizin kimi gözəl insanlarla tanış oldum. Sonra sevdiyim insanla nişanlandım, bu sevinci sizlərlə paylaşdım. Yəni 2013-cü ilin sonlarını həmişə xoş xatirələrlə yadıma salacam. 2014-cü ildə aranızda ola bilməsəm də qəlbim heç vaxt sizi unutmayacaq. Bəlkə də bir neçə ildən sonra mənim dostlarımdan kimsə bu xəbəri açıb oxuyacaq və adımı burda görəcək, ümid edirəm ki, kiminsə yadına düşəcəm. Bilmirəm məni necə xatırlayacaqsınız, amma hər birinizin qəlbində İnşAllah gözəl xatirələr, izlər buraxmış olaram. Sizi çox sevirəm.
♥ Fatimə Cəfəri ♥
2013-cü ilin gəlişi mənim üçün il qədəm qoymamışdan çox maraqsız idi. Çünki ötən illərdə istəmədiyim hadisələr baş vermişdi. 2013-cü ilin də mənim üçün sıradan bir il olacağını düşünürdüm. Amma belə olmadı. Mənim üçün yadda qalan illərdən biri oldu. Bu il kollecə qəbul oldum, ailəmi sevindirə bildim. Dostumu, düşmənimi tanımağa imkanım oldu. Ailəmizdə də xoş hadisələr baş verdi. Qardaşım neçə vaxt arzuladığı ziyarətə - Məşhəd ziyarətinə getdi. Ümumiyyətlə, xoş xatirələrim var. Növbəti ildən də gözləntilərim çoxdu. Allah hər birimizə xoş anlar, xoş günlər nəsib etsin. Amin.
Leyla Əsgərova
2013-cü il normal il oldu. Həm sevincli, həm də kədərli günlərim oldu. Ən kədərli günüm nənəmin ağır xəstə olduğu gün idi. Hamımız rayonda idik, gecə qəfldən nənəmin halı pisləşdi. Sonra Bakıya gətirdik. Şükür Allaha, indi hər şey yaxşıdır. 2013-cü ildə ən kədərli günüm bu oldu. Qalan günlərim də normal günlər idi. 2014-cü il də İnşAllah hər kəs üçün uğurlu olar. Amin! girl_ten:
Ardı var... 