Şəki Azərbaycanın ən qədim şəhərlərindən biridir. O, Azərbaycanın şimal-qərbində, Böyük Qafqaz dağlarının cənub yamacında yerləşir. Bakı şəhəri ilə arasındakı məsafə 370 km-dir. ərazisi- 2.43 min km 2 əhalisi isə 169 min nəfərdir.
Bu abidələrdən digəri və ən məşhuru, nadir incilərimizdən biri olan “Xan Sarayı”dır. Bu abidə 1763-cü ildə Hacı Çələbi xanın nəvəsi Hüseyin xan tərəfindən inşa edilmişdir. Abidə öz unikal görünüşü ilə fərqlənir.
Bundan başqa, Şəkidə XVIII əsrə aid-Aşağı və Yuxarı Karvansaray, Axundov muzeyi, Şəkinin Kiş kəndinin qərb sahilində yerləşən “Gələrsən-Görərsən” qalası, həmçinin Kiş kəndində yerləşən “Alban kilsəsi” ni Şəkinin tarixi abidələrinə misal göstərmək olar.
Şəki Böyük İpək Yolu marşrutu üzərində yerləşdiyindən burada ipək istehsalı əsas sahələrdən biri olmuşdur. Hal-hazırda fəaliyyət göstərən Şəki İpək Kombinatı buna bariz nümunədir.
Şəki şəhəri əlverişli coğrafi mövqeyə, zəngin tarixi abidələrə malik şəhər olduğundan həmişə turistlərin böyük marağına səbəb olmuşdur. Elə bu səbəbdəndir ki, Şəkidə turizm obyektləri, otellər və s. fəaliyyətlərini günü-gündən artırır. Xan Yaylağı, Marxal, Soyuqbulaq istirahət zonaları, Mustafabəyin bağı və s. istirahət mərkəzləri yüksək turist axınına malikdir. Şəki özünəxas mətbəxi ilə digər regionlardan fərqlənir. Belə ki, Şəki halvası, Şəki pitisi bütün dünyada məşhurdur.
