İnsan həyatında itirdiyi ən əziz itgilərdən biri-doğulduğu,böyüdüyü,nəfəs aldığı amma həsrət qaldığı Vətənidir. Hansı ki,dolğun gözlərlə yalnız şəkillərdən izləyirsən.Mən Qarabağda doğulmasam da,Qarabağını itirmiş azərbaycanlıyam.Bu gün sizləri kiçik,lakin mənaca dərin bir səyahətə-Kəlbəcər və Şuşama aparacağam. Bu şəkilləri sizlərə göstərməkdə məqsədim aydındır-gəlin bir daha anaq,xatırlayaq,düşmənə nifrətimizi artıraq.Çoxumuz o yerləri görməmişik,amma bilirik Qarabağ-Azərbaycanın bir hissəsi,başının tacı,ürəyinin döyüntüsü,dilinin nəğməsi,nəğməsinin ahəngidir...
Başlayaq Kəlbəcərdən.Vətənimin nəfəs alan ciyəri,dünyanın ən nadir güşələrindən biri,xəstə ürəklərin,sızıltılı qoı-qıçların loğmanı olmuş Kəlbəcərim. İlk şəklim onun şöhrətli İstisuyunundur.Koroğluya nərə verən,güc-qüvvət verən ,dağlardan çağlayan,şəfa suyu olan İstisu olmayıb,başqa nə su ola bilərdi ki?..
Bu, İstisu qablaşdırma zavodunun viranə qalmış görünüşüdür...
Bu, Kəlbəcərimizin 53 kəndini rayon mərkəzi ilə birləşdirən,uzunluğu 2 km olan yeraltı tünelidir.
Turistlər Kəlbəcərimin gəzməli-görməli yerlərində...Bizim buna haqqımız yoxmu?!.
Düşmən rayonun girəcəyindəki lövhəni özününküləşdirib utanmadan...
Kəlbəcərdə ermənilərin ''şəhidlər xiyabanı''...
Sahibsiz at-onu Kəlbəcərə çəkən nə oldu?
Dağ başında yiyəsiz ev...
Kəlbəcərin laləli düzü-uğrunda şəhid olmuş qəhrəmanların məzarına düzülür indi...
Gəlin gedək Şuşaya...
Bu, Şuşa qalasıdır-tarixlərdən iz qoyub gələn qala...
Qar-qar çayının yatağı-həsrət qaldığımız gözəlliyə diqqətlə baxın...
Şuşadakı məşhur Saatlı məscidi...
Şuşa və Laçınımızı birləşdirən ''Qoşayer'' adlanan yer,sanki bir sənət əsəridir...
Ölməz xanəndəmiz Cabbar Qaryağdıoğlunun dağıdılmış evi...Ruhu inləməzmi sizcə?!
Qarabağ atlarımız Şuşa düzlərində - igidlərsiz...
Məşhur Şuşa Karvansarayı - acımadan yandırılmış...
İgidlərimizin at oynatdığı,cövlan etdikləri Cıdır düzümüz...
Qar-qar çayı-sakitcə axıb gedir,içindən inləsə belə...
Şuşama duman gəldi... Bəlkə də milyonlarla azərbaycanlının ahıdır bu... Kim bilir?!...
Vətən, səndə nəyim qaldı?