Saçlarımın rəngindədi gödəkçəm,
yarı bozdu, yarı qara, yarı ağ.
Təbiət öz saydığını sayacaq.
bir ömrün fəsilləri qarışmış, -
Yarı yazdı, yarı payız, yarı qış.
Uzaqdımı, yaxındımı mənzilim,
mən dağ qalxdım dağı aşan kimiyəm.
Dünya gördüm, dünyalaşan kimiyəm;
bələd oldum hər üzünə həyatın,
Gecəsinə, gündüzünə həyatın.
Bir az möhlət istəyirəm ömürdən,
nə qədər ki, bu dünyada biz varıq,
bu dünyanı yaşadırıq, yaşarıq, -
sən olarsan, mən olaram – ikimiz.
Həyat şirin, dünya gözəl, sən əziz...
Bu gözəl şeirin müəllifi Nəriman Həsənzadə 1931-ci il fevralın 18-də Azərbaycanın Qazax rayonunda anadan olmuşdur. H. Zərdabi adına Gəncə Dövlət Pedaqoji İnistitutunun dil və ədəbiyyat fakültəsində təhsil almış, Moskvada Maksim Qorki adına Ədəbiyyat İnistitutunda təhsilini davam etdirmişdir.
İstər lirik, istərsə də epik səpkili əsərlərində həyat həqiqətlərini yüksək bədii həqiqət səviyyəsinə qaldırmağa qadir olan qüdrətli sənətkar Nəriman Həsənzadə yaradıcılığının ədəbiyyatımızda xüsusi yeri vardır.
Mövzu müxtəlifliyi, insan arzularının, cəmiyyət həyatının və zəmanənin çoxcəhətli zəngin boyalarla işlənməsi hər bir poetik əsərin məziyyətidir. Nəriman Həsənzadə poeziyası bu cəhətdən oxucuda dərin maraq oyadan poeziyadır. İdeala, gözəlliyə, mənəvi saflığa sadiq olan, insanlıq və vətəndaşlıq hisslərini şeirlərinin canına hopduran bu şair daima axtarışdadır, onun poetik fikri yorulmaq bilmir, oxucuya arasıkəsilmədən yeni əsərlər təqdim edir.
İnsanlar olubdu dünyada bir vaxt,
Kimidən ad qalıb, kimidən əsər.
Dibçəkdə bəslənən palıdlara yox,
Çöldə ağaclara meşə deyiblər.
Nəriman Həsənzadənin şeirlərini oxuduqca biz belə qənaətə gəlirik ki, sənət əsəri, xüsusən lirik şeir o zaman adamı əfsunlayır ki, həyat, təbiət və insanlar haqqında, onların bitməz, tükənməz işığı, qaranlığı, gözəlliyi, eybəcərliyi, sevinc və faciələri barədə oxucuya nə isə yeni bir şey deyir, onu bu vaxta qədər bilmədiyi, duymadığı, xəyalına gətirmədiyi qəribə hisslərlə, duyğularla tanış edir, dərin fəlsəfi mənalar və füsunkar gözəlliklər aləminə aparır.
Yox, yox məhəbbətə plan qoyulmur -
Kiminsə nə bilim mədəsi dolsun.
Məhəbbət hardasa istehsal olmur, -
Üstündə keyfiyyət nişanı olsun...
Bəli, sənətin, şeirin, bədii sözün belə hikmətləri var və xoşbəxtdir o şair ki, yazdıqlarının hamısında olmasa da, əksəriyyətində biz bu işığı görək...
Nəriman Həsənzadə bu cür şairlərdəndi. Xeyirə, xeyirxahlığa inam onun qanına elə hopmuşdur ki, bir fərd, bir insan olaraq o bəzən həyatın təzadlarını unudur, hamı ilə çox yumşaq və mülayim rəftar edir.
Dərdliyə dərd desən,
susub o dinlər,
Özü həmrəy olar
birtəhər sənə.
Dərdsizə dərd desən,
gülüb lağ eylər,
dərs verib
həyatı öyrədər sənə.
Nəriman Həsənzadə yaradıcılığı bu gün də sevə-sevə oxunur, sabah da sevilərək nəsillərə ötürüləcək. Onun poeziyasının sehrinə düşən hər kəs Nəriman ürəyinin nəyə qadir olduğunu yaxşı anlayır. Hər misrasında duyulacaq, yaşanacaq hisslər olan bu şair sevilməyə bilməz. Bu gün çoxlarımız Nəriman Həsənzadə poeziyasını dilimizin əzbərinə çevirmişik. Musiqilər bəstələnən bu şeirlər həm də mahnı kimi yaddaşımıza həkk olub.
***
Mən bilirəm xatirinə dəyiblər,
Unut mənim xatirimə gəl bir az.
İşdə sənə nə deyiblər, deyiblər,
Evə gəldin, danış bir az, gül bir az.
***
Dedim mən sevirəm, dedi, sevginən,
dedim qoşa gəzək, dedi təsəlmə.
Dedim bağ içidi, dedi seyr elə,
Dedim bir gül üzək, dedi tələsmə.
***
Mənə elə gəlir görüşəcəyik,
Uzun sürməyəcək bu həsrət, bu qəm.
Sonra təəssüflə gülüşəcəyik,
Sənə necə gəlir...onu bilmirəm.
***
Yenə də gözlərim gözündə qalıb,
Gördüyün mənaya qurban olaram,
Əgər həqiqətsən, mən həqiqətə,
Röyasan, röyaya qurban olaram.
***
Bəlkə məhəbbətin hökmü belədir,
Incidin arabir, küsdün arabir.
Bildin ki, sədaqət ürəyimdədir,
Qayıtdın yenə sən yox deyə-deyə.
***
De, nədir səadət həyatda, gülüm,
bir könül xoşluğu, bir az təbəssüm,
onu da, bunu da sən bağışladın,
Dünyanı dünyada sən bağışladın...
***
Beləcə, yellərə verdim illəri,
aylara,illərə verdim illəri.
Mən vaxtı itirdim səndən ötəri,
mən səni itirdim vaxtdan ötəri.
İtirə-itirə pozuldu nəşəm,
özüm itirmişəm...
heç bilməmişəm.
Bu bəndlərdən çox əlavə etmək olar, hamısı bir mahnını bəzəyən sözlərdi bunlar. Nəriman dünyasından, Nəriman qələmindən süzülüb musiqi dilində daha da canlanan sözlər...
Bu gün doğum günündür, sevimli şairimiz Nəriman Həsənzadə! Sizi Qadın. Net saytı adından ürəkdən təbrik edirik! Uzun və sağlam bir ömür diləyirik. Sevə-sevə izlədiyimiz yaradıcılıq yolunda uğurlar arzulayırıq. Siz neçə könüllərin sarı simini oyadacaq poeziya dünyanızı bizimlə bölüşmüsünüz, bunun üçün Sizə çox minnətdarıq.
Nəriman Həsənzadə poeziyasını sevənlər üçün onun öz səsiylə “Deyirlər tanış ol” şeirini və gözəl müğənnimiz Flora Kərimovanın ifasında şairin sözlərinə bəstələnmiş "Fikir eləmə" mahnısını dinləmək hamımız üçün xoş olar. Buyurun...
Bənzər xəbərlər...
XƏBƏR LENTİ
Reyhanlı ayran (foto-resept)
Qarağat kokteyli (foto resept)
Şuşaya alternativ mənbədən içməli su çəkilir - RƏSMİ
Avropanı fəth edən Balakən sakini rayonu ayağa qaldırdı
Tarkandan qızına milyonluq hədiyyə
O Ceki Çanın filminə çəkildiyi üçün işdən qovuldu
Qış mövsümündə saça qulluq
Gülben Ergen 1 aya 5 kq arıqladı-FOTO
Maqnitli manikür
Bakıda ildə 78 gün hava yağıntılı olur
Ən böyük şəbəkə Çində olacaq
Bonibonlu bisküvit (foto resept)
Region televiziyalarında "Bizim Yeni il"
Seren Serengil yenidən ərə gedir
Tuba 38 yaşını belə qeyd etdi
Bakıda çörək daşınmasında qadağa olacaq?
Zlatan İbrahimoviç Bakıya gəlir
"Arıqlamaq üçün eşq acısı çəkin"
Cərrahların pasiyentlərin qarnında unutduqları
Elektron siqaretlərdə virus tapıldı
Buz qayalarına belə dırmandılar
"Hər bir kəs ləyaqət, ədəb-ərkan, vətənpərvərlik hissini özü ilə irəli aparmalıdır"
Qərb ölkələrini bürüyən qəribə yeni ənənə
Desert üçün salat (foto resept)
Marsda həyat olduğu üzə çıxdı
"Dağlıq Qarabağ münaqişəsinin həlli yalnız Minsk Qrupu çərçivəsində mümkündür"
Yasin Quliyev ödənişsiz təhsil alacaq
Qarında qopan vəlvələ
Aktrisa ailə qurdu: "Vallah, ərə getdim" - FOTO
1 sözdən ibarət kitab
Çimərliklərin hansı halda açılacağı bilindi
Valideynlər övladlarına şəxsi nümunədirlər
Makaronun növləri və hazırlanması
Hipertoniya (təzyiq xəstəliyi)
Süni mayalandırma düşünənlər üçün düzgün qidalanma tövsiyələri
İctimai yerlərdə bu sayda toplaşmaq olar - YENİ QƏRAR
Müəllimlərin maaşından xəbər var!
Çağla Şikel məhkəməlik oldu_SƏBƏB
Qeyri-adi milyonçular
20 yaşlı tələbə deputat seçildi
Metropolitenin yeni rəisi kimdir?
Sahil daşlarından hazırlanmış əl işi
DİQQƏT! Bakıda bu marşrutun hərəkət sxemi dəyişdi
Pul elə yerdən çıxdı ki...
Dünyanın ən böyük pomidoru
Qubadlıya rayonun adı yazılmış yeni lövhə quraşdırıldı - VİDEO
Bir-birindən gözəl tortlar
Makiyajsız görüntülənən aktrisa qaçdı - FOTO
Azərbaycanda 10 il uşağı olmayan ailələrə müjdə
Həcc kvotası 600-dən 2000-ə qaldırılıb
- ŞƏRHLƏR