Giriş
Bağla

Bu gün Od çərşənbəsidir

DİGƏR / Mütləq bilməlisiniz

 

 

Boz ayda qeyd edilən ikinci çərşənbə - od çərşənbəsidir.Ulu əcdadlarımızın əski bayramlarından biri olan Novruz yaradılışın mərhələlərini əks etdirən dörd ünsür - su, od, yel və torpaqla bağlı mərasimlərin qeyd olunması ənənələrini özündə birləşdirir. İlin axır çərşənbələrindən ikincisi xalq arasında Üskü çərşənbə, Addı çərşənbə kimi tanınan od çərşənbəsidir. Bu çərşənbə qədim insanların Günəşə, oda olan müqəddəs inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar.Xalq deyimlərinə görə, ilk çərşənbədə su və su mənbələri yenilənir və hərəkətə başlayır, ikinci çərşənbədə odun, üçüncü çərşənbədə torpağın, dördüncü çərşənbədə isə küləyin köməyi ilə ağaclarda tumurcuqlar cücərir və bütün bunlar yazın gəlişindən xəbər verir.

Bu gün Od çərşənbəsidir
 
Od ilə bağlı maraqlı adət-ənənələr var. Odlar diyarı Azərbaycan ocaqla bağlı zəngin ənənələrə malikdir və bu, təmizlənmə, yenilənmə əlamətidir. Axır çərşənbədə - Novruz bayramının son çərşənbəsi - böyükdən kiçiyə hər kəs tonqal üstündən tullanmalıdır. Həm də nəzərə almaq lazımdır ki, bir tonqalın üzərindən yeddi dəfə, yaxud yeddi tonqalın hər birinin üzərindən bir dəfə tullanmaq lazımdır. Odun üzərindən tullananlar bu sözləri deməlidirlər: "Ağırlığım-uğurluğum odlara". Tonqalı heç vaxt su ilə söndürmək olmaz. Tonqalın özü sönəndən sonra gənc qızlar və oğlanlar tonqalın külünü toplayaraq evdən uzağa atırlar. Bu o anlama gəlir ki, ailə üzvlərinin tonqalda yanan bütün uğursuzluqları kül ilə birlikdə uzaqlaşdırılır.



Şərhlər (7)

qeribe qeribe 28 May 2015 20:43 Cavab yaz

Çerşenbeniz mübarək əziz Qadn netlilər.

Cox sagol Canim...
Pervane01 Pervane01 14 March 2015 14:42 Cavab yaz

Çərşənbəniz mübarək əziz xanımlar.
smts smts 4 March 2015 09:14 Cavab yaz

Cerwenbemiz mubarek!!!!!
rovsane_82 rovsane_82 3 March 2015 10:35 Cavab yaz

Çerşenbeniz mübarek xanımlar.
Xanim_Xatun Xanim_Xatun 3 March 2015 09:44 Cavab yaz

Bu o anlama gəlir ki, ailə üzvlərinin tonqalda yanan bütün uğursuzluqları kül ilə birlikdə uzaqlaşdırılır.
Deniz84 Deniz84 3 March 2015 09:04 Cavab yaz

Çerşenbeniz mübarək əziz Qadn netlilər.
nura_nen nura_nen 3 March 2015 08:41 Cavab yaz

Çersenbeniz mubarek

Add comment

  • reload, if the code cannot be seen


Qadin.Net

Яндекс.Метрика