Giriş
Bağla

Xatirələr yordu məni (şeir)

MÜXTƏLİF / Ədəbi guşə / Poeziya dəftəri

Xatirələr yordu məni (şeir)

Bu ilğımdı - üzü gülər.

Boş vədələr yordu məni.

Yüzü ağlar, yüzü gülər

Xatirələr yordu məni.

 

Dadı, duzu - doyulmazdı,

İşıq kimi yuyulmazdı,

Duyğu kimi duyulmazdı,

Şirin dillər yordu məni.

 

Qarlı zirvə, yaxan mənəm,

Öz başıma yağan mənəm.

Qılınc mənəm, qalxan mənəm,

Xatirələr yordu məni.

 

Qayanın hər üzü qaya,

Qayadan baxmadım aya.

Həsrətim həsrət o taya,

Aylar, illər yordu məni.

 

Sən bu səmtə yön görmədin,

Kor da gördü, sən görmədin,

Ha yol getdim, son görmədim,

Xatirələr yordu məni.

 

 

M.Araz



Şərhlər (0)

Add comment

  • reload, if the code cannot be seen


Qadin.Net

Яндекс.Метрика