Giriş
Bağla

Yarpaq dolması (foto resept)

MƏTBƏX / Quru yeməklər

 

Tərkibi

450 qr çəkilmiş ət

1 orta baş xırda doğranmış soğan

1/2 st yumru düyü

1/2 st xırda doğranmış keşniş

1/2 st xırda doğranmış şüyüd

1/2 st xırda doğranmış nanə

1 ç/q duz

1/4 ç/q istiot

80 kiçik və ya 40 iri üzüm yarpağı (ikiyə bölünmüş)

3 xörək qaşığı ərinmiş kərə yağı

1/2 st  su

 

Hazırlanması

Dolmanın içini hazırlamaq üçün əti, soğanı, düyünü, keşnişi, şüyüdü, duzu və istiotu bir qabda əl ilə yaşxıca qarışana qədər yoğrulur. Yarpaq hazırlanır. Əgər təzə yarpaqdan istifadə edilirsə, qazanda su qaynadılır. Yarpaqlar hissə-hissə qaynayan suda təxminən 2 dəqiqə ərzində tutulur. Bu proses yarpaqların yumşalması üçün lazımdır.

Yarpaqlar sudan çıxardılır və yaxşıca süzülür. Sapları kəsilir. Əgər duza qoyulmuş yarpaqdan istifadə edilirsə, yarpaqlar suya çəkilir ki, duzu yuyulsun. Sonra isə yarpaqların sapları kəsilir. Hərdən elə olur ki, duza qoyulmuş yarpaqlar sərt olur. Belə olduğunda, yarpaqların yumşalması üçün onları suda 1-2 dəqiqə qaynadıb, süzmək lazımdır. Əgər yarpaqlar böyükdürsə, onlar ikiyə bölünür. Hər yarpağın ortasına təxminən 1-2 çay qaşığı içlik qoyulur. Bir əldə dolmanı tutub, o biri əl ilə yarpaq yumruvari bükülür.

Yarpaq dolması (foto resept)

Bükülmüş dolmaları qazana bir-birinə yaxın və lay-lay düzülür. Əgər təzə yarpaqdan istifadə edilirsə, layların arasına azacıq duz əlavə edilir. Dolmaların üstünə yağ və su tökülür. Axırıncı layın üstünə kiçik qapaq və ya qab qoyulur ki, dolmalar bişdikləri vaxt açılmasınlar. Qazanın qapağı qoyulur. Dolma əvvəlcə qaynadılır. Qaynayan kimi, qazı azaldılır və dolma vam odda təxminən 1 saat 30 dəqiqə ərzində bişirilir. Bişmiş dolmanın içi və yarpağı yumşaq olmalıdır, qazanın suyu isə çəkilməlidir. Dolma süfrəyə sarımsaqlı qatıqla verilir. Sarımsaqlı qatığı hazırlamaq üçün qatıqla əzilmiş sarımsaq (miqdarı zövqə görə) qarışdırılır.

Yarpaq dolması (foto resept)



Şərhlər (3)

Halima Halima 3 April 2019 19:41 Cavab yaz

En sevdiyim yemeydi ama bu yaprak sarmasidi uzunsov
yamur_92 yamur_92 3 April 2019 12:16 Cavab yaz

Şu yimeyi sevmemek mumkun diyilll blush
Milana.M Milana.M 3 April 2019 11:33 Cavab yaz

Hər bir azərbaycanlının sevimli yeməklərindəndir

Add comment

  • reload, if the code cannot be seen


Qadin.Net

Яндекс.Метрика