Buxarla təmizləmə - klassik, bilinən təmizlik sistemlərindən daha çox təsirlidir və ən əsası da daha gigiyenik təmizlik təmin edən etibarlı bir təmizlik metodudur.
Gəlin, bu təmizləmə üsulunun müsbət tərəflərinə bir-bir diqqət edək.
Yuyucu və bənzər təmizlik məhsullarına ehtiyac duymadan, 150 dərəcə və daha yuxarı istilikdəki buxarla evinizdəki bütün əşyaları son dərəcə praktik və sürətli bir şəkildə təmizləyər, ən yüksək səviyyədə də gigiyena təmin edərsiniz. Eyni zamanda kimyəvi maddələrin kanserogen təsirlərindən özünüzü və ətrafı qoruyar, büdcənizi kimyəvi maddələrin pul yükündən qurtarmış olarsınız.
Buxarlı təmizlik sistemi yüksək istilikdəki buxarı sayəsində allergenlərlə (ev tozu gənələri) mübarizədə bilinən bütün üsullardan daha çox müvəffəqiyyətli və çox daha sərfəlidir.
Ev tozu gənələrinin ən çox rast gəlinən tipi "dermatofagoid" olaraq adlandırılır ki, "dəri yeyən" mənasını verir. Bu parazit xüsusiyyətindəki böcəklər normalda xalça, palaz, yorğan, yastıq, tüklü əşyalar və oyuncaqlarda yaşayarlar. Yaşamaları üçün lazımlı qidanı - insan dəri və tük töküntülərindən qarşılayarlar. Bu səbəblə insanın olduğu hər yerdə, daha çox da tüklü səthlərdə yaşayıb törəyərlər. 30-40 mikron (1 mikron millimetrin mində biridir) diametrində bir böyüklüyə malikdir. Yumurtlayaraq çoxalırlar. Yumurtadan çıxan balalar 3 həftədə yetkin hala gələrək çoxalmağa başlayırlar.
Ev tozu gənəsinin ən təsirli allergeni nəcisləridir. Yaşadıqları xalça, palaz, pərdə və s.-yə buraxdıqları nəcisləri üzərində getmə, silkələmə və bənzəri hərəkətlərlə ətraf havaya qarışır və buradan asanca burundan da keçərək tənəffüs yollarına çataraq allergik astmaya gətirib çıxarar. İnsanın ev içində keçirdiyi ən uzun müddət yataq otaqları olduğu üçün ən çox gənə allergeni ilə qarşılaşma yeri də yataq otağıdır. Burada yataq, yorğan, yastıq, yerdəki xalça, palaz, pərdə ana qaynaqlardır. Gənələr 60 dərəcədən yüksək istiliklərdə yaşama şanslarını itirərlər. Ən çox rast gəlinən ev içi allergenləri olduqlarından və hər zaman mühitdə olduqları üçün il boyu allergiya törədirlər. Təbii olaraq ev içində və bağlı mühitlərdə keçirilən vahid zamanın artdığı qış mövsümlərində daha çox allergik xəstəliyə səbəb olurlar.
Ev tozu gənəsinə qarşı alınacaq ən təsirli tədbirlərdən biri də buxarlı təmizlik maşını istifadə edərək yüksək istilikdəki buxarla bu canlıları təsirsiz hala gətirməkdir.
Qısaca, dediklərimizi bir yerə torplasaq, buxarla təmizləmənin üstünlükləri bunlardır:
1. Suya qənaət;
2. Zamana qənaət;
3. Əlavə təmizləyicələrə pul verilmədiyi üçün büdcəyə faydalıdır;
4. Zəhərli kimyəvi təmizləyici maddələrin təhlükəsindən qurtulmaq;
5. Ev allergeni olan gənələrdən qurtulmaq.
Əziz xanımlar, ailəsinin sağlamlığının və ailə büdcəsinin qeydinə qalan bir xanım kimi, sizlərlə bu təmizləmə üsulu barədə bildiklərimi paylaşmaq istədim. Buxarlı təmizləyici barədə mənim kimi çoxlarınız da eşitmisiniz, TV reklamlarından görmüsünüz və bəlkə də istifadə edənləriniz də az deyil. Uzun tərəddüddən sonra uyğun qiymətə internet mağazalarının birində rastıma çıxan bu "yardımçı"nı almaq qərarına gəldim. Və heç də peşman deyiləm. Xüsusilə körpəsi olan və ya olacaq ailələr üçün çox faydalı bir məhsuldur. Yuxarıda dediklərimə əlavə olaraq, gəlin bu maşını daha yaxından tanıyaq. Necə və haralarda istifadə edildiyini izah edərkən, şəxsi praktikamda da gördüklərimi əlavə edəcəyəm (məncə bu daha faydalı olar )
Aparatın gövdəsində su qazanı yerləşir ki, suyu bura dolduraraq işimizə başlayırıq. Buxarın gücünü nizamladıqdan sonra (xüsusi düymə ilə), "On" düyməsinə basaraq təmizlik işlərinə başlaya bilərik.
Qeyd edim ki, uzun dəstəyi və fırlanan başlığı sayəsində əyilmədən, aparatı gərəkli təfərə çevirərək döşəmə və xalçaları rahatlıqla təmizləmək olur. Çox uzun naqili sayəsində isə aparatı işlətmək daha da asanlaşır.
Markasından asılı olaraq buxar maşınlarının ucluqları müxtəlif olsa da, bənzərlikləri də çox olduğu üçün demək olar ki, istifadəsi eynidir:
1. Ən çox sevdiyim ucluqdur. Ən çox da onu istifadə edirəm. Çünki bu ucluq vasitəsiylə buxarı birbaşa təmizlədiyimiz səthə yönəltmək mümkündür. Buxarın həm istiliyinin, həm də təzyiqinin sayəsində ən inadcıl kirlərdən də qurtula bilərik. Bir əlimizdə aparatı tuturuq, digər əlimizdə isə quru bezlə səthi silirik. Buxar suya çevrildiyi üçün bezlə işləmək şərtdir. Lazım olarsa əlavə bir fırçadan da istifadə etmək olar (aparatın özünün fırçaları var, amma onları taxıb-çıxarmağa vaxt sərf etmək istəmədiyim üçün belə üsul mənə görə daha rahatdır.)
Bu ucluqla qapı dəstəkləri kimi yerlərdə də uğurla dezinfeksiya işləri aparmaq olar.
2. Bu kiçik fırça adətən iki növdə olur: plastik və metal. Siz mənim kimi səbrsizlik edib buxarın yüksək gücündə plastik fırçanı işlətməyin! Düzdür, uşaqların əl bacarığının nəticəsi olan, kovralitdəki plastilin izləri təmizləndi, amma fırçadan da fırça deyiləcək bir şey qalmadı - əridi.
3. Bu ucluqla uzatma işini görərək işimizi daha rahat görə bilərik (məsələn tavan təmizliyində.)
4. Bezi plastik qurğuya keçirdikdən sonra bu ucluğu güzgü və pəncərə kimi səthlərdə istifadə etmək olar. Mən istifadə etməmişəm deyə nəticəsi barədə bir söz deyə bilmərəm.
5. Bezi plastik hissəyə keçirdikdən sonra bu ucluqla yun, toxunma, ağır trikotaj materiallardan hazırlanmış geyimləri, asılmış pərdələri ütüləmək və yumşaq mebelləri təmizləmək olar.
6. Bez aparatın əsas hissəsindəki başlığa üzərindəki cırt-cırtları vasitəsilə bərkidilir. Bu başlıqla döşəmələri, kafel, metlax kimi səhtləri təmizləmək olar. Yaxşı olar ki, döşəmə çox kirlidirsə, öncədən adi üsulla təmizlik edəsiniz. Buxar aparatıyla isə sırf dezinfeksiya və inadcıl kirlərdən qurtulmaq üçün istifadə edin. Belə etsəniz, bezin ömrü uzanar. Döşəmənin üzərindəki təmir "izlərindən" qurtulmaqda buxar maşını "əla" qiymət aldı!
7. Bu ucluq isə döşəmələr üçün istifadə edilən başlığın üzərindən keçirdikdən sonra xalça kimi səthlərdə istifadə etmək üçündür. Bunun sayəsində aparatın başlığı yumşaq səth üzərində daha rahat hərəkət edəcək.
Əziz xanımlar, ümid edirəm ki, təmizliyi və rahatlığı sevən hər xanımın yardımçısı ola biləcək bu texnoloji "möcüzə" ilə tanışlıq ürəyinizcə oldu. Sizin aranızda buxar maşınından istifadə edərək faydasını görənlər varmı? Bəlkə özünüzə uyğun seçdiyiniz istifadə üsulları ilə bizlərlə də bölüşəsiniz?
Bənzər xəbərlər...
XƏBƏR LENTİ
Quru və kövrək saçlar üçün maskalar
Milli Məclis sədrinin və deputatların maaşı artırıldı
Gəncənin "Avropa Gənclər Paytaxtı - 2016" seçilməsi ilə əlaqədar flaşmob keçirilib
Azərbaycanda karantin rejimində keçirilən toy yarımçıq dayandırıldı: Saxlanılanlar var
Bülent Ersoy indi də üç milyon qazanacaq
Sədr: Qiymətlər dəyişəcək
Şəhərini xəyal dünyasına çevirdi
Yorğunluğun qarşısını alan məhsullar
"Hədəf"dən şəhid ailələri və qazilərin övladlarına xüsusi güzəştlər
2018-2019 Payız/Qış saç trendləri
64 il sonra açılan SENSASİYALI SİRR: 88 yaşında törətdiyi dəhşəti ETİRAF ETDİ
Dəbli kişi paltoları
Gözaltı torbalardan xilas olmağın yolları
“33 milyon insan epidemiyadan öləcək”
Balıq məhsulları ilə bağlı XƏBƏRDARLIQ edildi
Şərbətli piroq (foto resept)
Şeyma Subaşı da “karantin yastıq çellenc”ə qoşuldu - FOTO
Nazirlər Kabinetindən icbari sığorta ilə bağlı QƏRAR
Uşağın düşüncələrini oxumağın ən rahat yolu
Təmiz evin 4 sirri
Məşhur aktyor "Çukur"dan ayrıldı
Kloze yeni klub axtarışındadır
Whatsapp dəyişdi
Arıqladan qəribə üsullar
Bu qatardır, yoxsa otel? (Foto)
2010 yeni dəb vetnamka kolleksiyası
Əfsanəvi musiqiçimizin dünyaya gəlməsindən 105 il ötür
Darıxdırıcı divarları rəngləndirin
Uşaqlar haqda məlumat yayanlar cəzalana bilərlər
Həyatı üç il uzatmaq üçün cəmi beş dəqiqə lazımdır
"Google"dan Mandela jesti
Evlənənlər bu müəssisələrdə tibbi müayinədən keçəcəklər
İrina Şeyk məşhur jurnalın üz qabığında- FOTO
Rihanna fantastik qiymətə ev kirayələdi - FOTO
Nikel allergiyası
Bakıda ilk müsəlman qız məktəbi belə yaranmışdı...
Şahzadə oğlu şahzadənin ilk bayramı
Reynmendən ACUNA AДћIR SÖZLƏR-VİDEO
Hamiləlik zamanı gözəllik qaydaları
Separatçı rejimdən acı etiraf: “Şuşanı tam itirdik, Azərbaycan ordusu Xankəndi yaxınlığındadır”
Biz hər yerdəyik
"Rüstəm İbrahimbəyovun siyasətə qoşulmağının məntiqi anlamı yoxdur"
"Pokemon Go" oyunu ilk ayda bu qədər qazanc gətirdi
Günün ulduz falı
Ermənistan ərazisindən ən çox hədəfə alınan ərazilərimiz açıqlandı - RƏSMİ
28 May Respublika Günü
Daha qalın saça sahib olmaq üçün nə etməli?
Uşaqlara riyazi hesablamaları sevərək öyrədin
Möhtəşəm ziyafət çantaları
Rəsm əsəri kimi yeməklər
- ŞƏRHLƏR