Giriş
Bağla

Uşağınızdan sizə məktub!

MÜNASİBƏTLƏR / Düşüncə dərsi

Hörmətli valideyinlər, aşağıdakı yazı türk psixoloqu Nurzat ÖZNUR tərəfindən yazılmışdır. Xahiş edirik, bu məktubu sizə öz uşağınızın yazdığını düşünərək oxuyun və uşaqlarınıza ona görə davranın.

Uşağınızdan sizə məktub!

Ailəmə məktub!

Sevgili Anam, Atam:

Bütün duyğu və düşüncələrimi dilə gətirə bilsəydim, sizə bunları söyləmək istərdim.

Davamlı bir böyümə və dəyişmə içindəyəm. Sizin uşağınız olsam da, sizdən ayrı bir şəxsiyyət inkişaf etdirirəm. Məni tanımaya və anlamağa çalışın. Sınaq ilə öyrənərəm. Oyunda, yoldaşlıqda və işlərimdə mənə azadlıq verin. Məni hər yerdə, hər zaman qorumayın. Davranışlarımın nəticələrini özüm görsəm, daha yaxşı öyrənərəm. Buraxın, öz işimi özüm görüm.

Böyüdüyümü necə anlayaram?

Böyüməyi çox istəyirəmsə də, ara sıra yaşımdan kiçik davranmaqdan özümü ala bilmirəm. Buna əhəmiyyət verməyin, amma məni də dəcəl öyrətməyin. Həmişə uşaq qalmaq istəyirəm sonra. Hər istədiyimi əldə edə bilməyəcəyəmi bilirəm, ancaq siz verdikcə almadan edə bilmirəm. Mənə yerli yersiz söz də verməyin. Sözünüzü tutmayınca sizlərə güvənim azalır.

Mənə qəti və qərarlı davranmaqdan çəkinməyin. Səhv hərəkət etdiyimi görüncə mənə qadağalar qoyun. Qoyduğunuz qaydaların və qadağaların hamısını bəyəndiyimi söyləyə bilmərəm, ancaq heç əngəllməyincə da nə edəcəyimi bilmirəm. Əsassız davrandığınızı görüncə həm tərəddüd edirəm, həm də bundan faydalanmadan keçə bilmirəm.

Nəsihətlərinizdən çox  davranışlarınızdan təsirləndiyimi unutmayın. Məni böyüdərkən ara-sıra səhvlər edə bilərsiniz. Bunları tez unudaram. Ancaq bir-birinizə hörmət və sevginizin azaldığını görmək məni yaralayar və davamlı narahat edər.

Çox danışıb, çox qışqırmayın. Yüksək səslə deyilənləri heç eşitmirəm. Yumşaq və qəti sözlər məndə daha yaxşı iz buraxar. "Mən sənin yaşındaykən" deyə başlayan sözləri həmişə qulaq ardı edirəm.

Kiçik səvlərimi böyük səvh kimi qəbul edib minnət qoymayın. Mənə yanılma payı buraxın. Məni qorxududaraq  günahkarlıq duyğusu aşılayarqk ağıllandırmaya çalışmayın. Dəcəlliklərim üçün məni pis uşaq  kimi qələmə verməyin. Yanlış davranışlarımın üzərində dayanıb onları düzəldin. Cəza vermədən əvvəl məni dinləyin. Günahım  keçmədiyi müddətcə cəzama dözməyə hazıram.

Məni dinləyin, öyrənməyə ən yaxın olduğum zamanlar sual soruşduğum anlardır. Cavablarınız qısa və dəqiq  olsun. Məni bacara bilməyəcəyim işlərə  məcbur etməyin, amma bacara biləcəyim  işləri də etməyimi gözləyin.

Uşağınızdan sizə məktub!

Məndən yaşımın üstündə yetkinlik gözləməyin. Bütün qaydaları birdən öyrətməyə cəhd etməyin, mənə vaxt verin. Yüzdə yüz dürüst davranmadığımı görüncə hürkməyin. Məni küncə sıxışdırmayın, sonra yalana sığınmaq məcburiyyətində qalaram.

Sizi çox incitsəm belə, soyuqqanlılığınızı itirməyin. Əsəbi olmanızı haqlı görə bilərəm, amma məni alçatmayın. Hələ başqalarının yanında tənqid etməyin. Unutmayın ki, mən də sizi başqalarının yanında pis vəziyyətə sala bilərəm.

Mən haqsızlıq etdiyinizi anlayınca açıqlamaqdan çəkinməyin. Üzr istəməniz sizə olan sevgimi azaltmaz, əksinə məni sizə daha çox yaxınlaşdırır. Əslində mən sizləri olduğunuzdan daha yaxşı görürəm. Mənə özünüzü yanılmaz və əlçatmaz göstərməyə çalışmayın. Yanıldığınızı görüncə kədərim böyük olur.

Yuxarıda sıraladığım istəklər sizə çox gəldisə, bir çoxundan vaz keçə bilərəm. Yetər ki, məni mən olaraq sevəcəyinizə olan inamım sarsılmasın. Məndən "Nümunə Uşaq" olmamı istəməsəniz, məndə qüsursuz Ana-Ata olmanızı gözləmərəm. Mehriban və anlayışlı olmanız mənə yetər.

Sizin uşağınız olaraq dünyaya gəlmək mənim əlimdə deyildi, amma seçim haqqım olsaydı sizdən başqa kimsənin uşağı olmaq istəməzdim . Sevgilərimlə, övladınız...



Şərhlər (11)

Ellada84 Ellada84 28 January 2016 15:15 Cavab yaz

CeylanВ Mumoğlu,
Uşağın davranışında problem varsa, bu valdeynlikdir demək. Uşaqlarla vaxt keçirməkdən xoşum gəlir. Amma birdən gəlib çiynimə zərbə ilə vurması məni şoka saldı. İstədim qorxudum gördüm alınmır. Axırda sakit oturub izlədim nə edirlər ara bir söz deyirdim. Nə oyun çıxarmadılar axırda birtəhər sakitləşdilər. smile

leylahuseynova,
Amin!
aykanur_1997 aykanur_1997 28 January 2016 12:33 Cavab yaz

Cox gozeldi smile Tewekkur edirem xebere gore give_ros
Ceylan Mumoglu Ceylan Mumoglu 27 January 2016 20:10 Cavab yaz

ElladaВ Babayeva,
Uşağı dəli ediblər. Sırağa gün 1- saatlıq uşaqlara baxmağımı istədi. Ordan evə gələndə sağ qalmağıma şükür etdim.

Cəzalandır onları, de ki, uşağı dəli eləmisiz, oturun özünüz baxın, məni bir də çağırmayın! laughing
Ellada84 Ellada84 27 January 2016 19:12 Cavab yaz

CeylanВ Mumoğlu,
O psixoloqu göndərin bizim binaya üst qonşunun çox ehtiyyacı var. Uşağı dəli ediblər. Sırağa gün 1- saatlıq uşaqlara baxmağımı istədi. Ordan evə gələndə sağ qalmağıma şükür etdim. Uşaq tam dəyişib aqressiv olub.

Çox faydalı yazıdır. Oxuyub yararlanmaq lazımdır. Çox sağ olun.
Ceylan Mumoglu Ceylan Mumoglu 27 January 2016 18:13 Cavab yaz

ŞƏBNƏM,
Haqlısan, bacım. Kaş ki, çox oxuyan olsa belə materialları.
leylahuseynova,
Allah hər kəsə övlad nəsib etsin eybi yox onların nazını çəkmək bizlik olsun

Amin, əziz Leyla.
leylahuseynova leylahuseynova 27 January 2016 16:20 Cavab yaz

Canım mənim mən də uşaqlar böyüdükcə onlarla dost olmaga çalışıram. Hər ikisini sona qədər dinləyirəm amma bəzən əsablərim yerində olmur qəlblərini qırıram bir az keçmədən öpüb könüllərini alıram. Allah hər kəsə övlad nəsib etsin eybi yox onların nazını çəkmək bizlik olsun
Shebnem Shebnem 27 January 2016 15:41 Cavab yaz

Super... superr... superrrrr bir yazı. Çox çox teşekkürler. bele yazılar çox olsa çox gözel olur. İnşallah bütün xanımlarımız bunu oxuyub faydalanarlare. Teşekkürler tercüme edene ve bele gözel psixoloqlarımıza love
Ceylan Mumoglu Ceylan Mumoglu 27 January 2016 14:58 Cavab yaz

Məktubu bəyəndiyinizə şad oldum. Qeyd edim ki, Nurzat ÖZNUR Alpay balanın psixoloqudur. İnşəəllah, onunla birlikdə daha bir çox uğurlara imza atacayıq. Məktubu da onun işlədiyi mərkəzin saytından götürüb tərcüməyə verdik. Mələksima xanıma tərcümə üçün təşəkkür edirik. give_ros
Songul Songul 27 January 2016 13:34 Cavab yaz

Axırı nə maraqlı qurtardı. İnşəAllah bütün uşaqlar elə öz valideynlərinin övladları olmaq arzusundadırlar. Çox bəyəndim ümumilikdə. Düzdür uşaq əslində valideyndən çox şey istəyir xəbərə görə, bir sözlə valideyn-övlad qanununa maddə-maddə əməl edilməsini istəyir, daha doğrusu tələb edir, amma bir tərəfdən baxanda mümkünsüz bir şey istəmir ki övlad. Çalışaq əməl edək inşəAllah.
xedice-11 xedice-11 27 January 2016 12:15 Cavab yaz

Çox maraqla oxudum oxuqca özümdə olan bir-iki səhvləri tutud bu yazı sayəsində təşəkkürlər sizlərə.
Songul Songul 27 January 2016 11:41 Cavab yaz

Sözün düzü oxumadım, vaxtım məhduddur, amma vaxt edən kimi oxuyacam. Mənə maraqlı mövzudur. Keçən həftənin 5-ci günü bizimkilər də bizi məktub yazmışdılar. Ömrümün axırına qədər saxlayacam inşəAllah. Allaha çox şükür mənə elə övladlar verdiyi üçün.

Add comment

  • reload, if the code cannot be seen


Qadin.Net

Яндекс.Метрика