Giriş
Bağla

Qurban bayramınız mübarək!

Bizimdir! / QN News / Bizdən sizə!

 Qurban bayramınız mübarək!

İslam aləmində ən müqəddəs bayramlardan biridir. Bütün müsəlman aləmində hər il hicri təqvimi ilə Zilhiccə ayının 10-cu günündən başlayır və adətən üç gün davam edir. Mərasimlərdə qoyun, qoç, inək, dana və ya dəvə kəsilir. Qurban bayramı ən qədim bayramlardan biri hesab olunur. Hətta qurban kəsmə mərasimləri İslamdan öncə də mövcud olmuşdur. Lakin bunu günahlardan təmizlənmək və ya qəzəblənmiş Allahın könlünü almaq üçün edirmişlər. Dini qurban kəsmə İbrahim Peyğəmbərin həyatında baş verən əhvalatdan sonra yaranmışdır. Belə ki, yuxuda Allah İbrahim peyğəmbərə oğlu İsmayılı qurban verməyi (onların Allaha imanını yoxlamaq üçün) əmr edir. İbrahim əsl dindar kimi Allahın əmrini yerinə yetirməyə hazır idi, İsmayıl özü də qurban olmağa razılaşır. Bu haqda Quranda yazılmışdır. Allaha qəlbən yaxın və sadiq olduğunu sübut etmək istəyən İbrahim Peyğəmbər oğlu İsmayılı qurban kəsməyə hazır idi. Lakin uca Allah bunu öz elçisinə rəva bilmədi və qurbanlıq üçün ona bir qoç göndərdi. Buna görə də Qurbanlıq bayramında kəsilən qurbana "İsmayıl qurbanı" da deyirlər.Çox sevdiyi balasını Allah yolunda qurban verməyə hazır olması peyğəmbərin Allah qarşısında imanının, səmimiliyinin və mütiliyinin bariz sübutudur. Odur ki, din tarixində dərin iz salmış bu hadisə Allaha inamın, dərin etiqadın nümunəsidir.

Qurban bayramınız mübarək!

Bu hadisə onu göstərir ki, insanlar Allahı sonsuz imanla sevməli və öz sevgilərində bu cür səmimi olmalıdırlar. Çətin anlarda Allahı da yada salıb, yaxşı zamanlarda Onu unutmaq möminə yaraşan hərəkət deyil!Bu rəvayətin başqa bir fəlsəfi-əxlaqi mənası ondan ibarətdir ki, İslamda insanın Allah yolunda qurban kəsilməsi qəbul olunmur.Azərbaycan müstəqillik əldə etdikdən sonra Milli.Məclisin qəbul etdiyi 1992-ci il 27 oktyabr tarixli "Azərbaycan Respublikasının bayramları haqqında" Qanununa əsasən Qurban bayramı Azərbaycanda da dövlət səviyyəsində bayram edilir.İsmayıl Qurbanında kəsilən heyvanlarda bir sıra şərtlər vacib sayılır. Qurbanlıq kimi seçilən heyvan qoç, iribuynuzlu dana, yaxud da dəvə olmalıdır. Nəsil artımında dişi heyvanların müstəsna rolu olduğuna görə qurbanlıq heyvanın erkək olması daha üstün tutulur. Qurbanlıq qoçun yaşına gəlincə, bu, ən azı altı aylıq heyvan olmalıdır. Lakin dana, yaxud dəvənin bir yaşı tamam olsa, daha yaxşıdır. Qurbanlıq dəvənin beş yaşı tamam olmalıdır.

Qurban bayramınız mübarək!

Qurban bayramında kəsilən heyvanın sağlam olması da vacib şərtdir. Əzalarında hər hansı nöqsanı olan, buynuzunun, yaxud qulağının biri olmayan, axtalanmış heyvanın qurban kəsilməsi İslamda məsləhət görülmür. Kəsiləcək qurbanlıq gözəgəlimli olmalıdır. Bu bayramın əsas mahiyyəti Allah yolunda kəsilmiş qurbanlıq heyvanın ətini Allahın imkansız bəndələri ilə bölüşmək, onları sevindirmək və ayinin də əsasında, orucluqda olduğu kimi, xeyirxahlıq, paklıq və Allaha inam və sevgi durur. Bəzən bir neçə adam bir heyvan alıb onu öz aralarında bölüşməklə, yaxud gedib bazardan ət alıb gətirməklə öz qurbanını kəsmiş hesab edirlər. Lakin İslam dininə görə bunlar qurbanlıq hesab olunmur. Əlbəttə, bir neçə nəfər yığışıb bir dananı qurban kəsə bilərlər, bu şərtlə ki, hər bir şəxsə düşmüş ət payını ən azı üç hissəyə bölmək mümkün olsun. Bu hissələrdən biri onların öz ailəsinə sərf olunmalı, qalan hissələr isə fəqir-füqəraya paylanmalıdır.

Qurban bayramınız mübarək!



Şərhlər (10)

Fatma Fatma 24 September 2015 18:26 Cavab yaz

Hər birinizin Qurban bayramını təbrik edirəm
sabrina84 sabrina84 24 September 2015 17:08 Cavab yaz

Bayramınız mübarək süfrəniz bol ruzili-bereketli olsun.
Ceylan Mumoglu Ceylan Mumoglu 24 September 2015 16:58 Cavab yaz

Allah Nuru ilə nurlanıb Quran olmaq diləyi ilə Qurban bayramınız mübarək!
Ellada84 Ellada84 24 September 2015 16:07 Cavab yaz

Qurban bayramında kəsilən heyvanın sağlam olması da vacib şərtdir. Əzalarında hər hansı nöqsanı olan, buynuzunun, yaxud qulağının biri olmayan, axtalanmış heyvanın qurban kəsilməsi İslamda məsləhət görülmür.

Qurban bayramınız mübarək!
Pervane01 Pervane01 24 September 2015 16:07 Cavab yaz

Bayramınız mübarək Əziz Qadın netlilər.
xedice-11 xedice-11 24 September 2015 14:14 Cavab yaz

Butun xanımları bayramını təbrik edirəm.
Lale_LR Lale_LR 24 September 2015 13:24 Cavab yaz

Allaha qəlbən yaxın və sadiq olduğunu sübut etmək istəyən İbrahim Peyğəmbər oğlu İsmayılı qurban kəsməyə hazır idi.
Dilimizdən "Allaha qurban olum!" düşmür. Bəs görəsən babamız İbrahimin dininə tabeyikmi? Biz nəinki Onun kimi övladımızı Allaha qurban etməyə hazır deyilik. Biz heç əslində Allaha məxsus olan dünyalıqlarımızdan vaz keçə bilmirik. Hər zaman dünyanı Allahın önünə keçiririk...
Qurbanlıq bayramını qəlbən yaşamağı arzu edirəm hər kəsə. hz.İbrahim kimi ürəklərimizdəki bütləri qıraraq əsil İslam olaq!Təslim olaq!
micky93 micky93 24 September 2015 12:50 Cavab yaz

BUTUN QADIN.NET LILER BAYRAMINIZ MUBAREK give_ros
rovsane_82 rovsane_82 24 September 2015 11:07 Cavab yaz

Bayramınız mübarək olsun.
Deniz84 Deniz84 24 September 2015 11:06 Cavab yaz

Hər birinizin Qurban bayaramı mübarək olsun.

Add comment

  • reload, if the code cannot be seen


Qadin.Net

Яндекс.Метрика