Giriş
Bağla

Yağmasan da, gurulda!

MÜNASİBƏTLƏR / Düşüncə dərsi

Yağmasan da, gurulda!

Hər birimiz həyatımızda ən azı on dəfə bu atalar sözünü işlətmişik. Birindən bir umacağımız olduğunda başqa bir sirdaşımıza yavaşcadan demişik, “yağmasaydıda gurudayardı bari” . Əslində yağmasını istəmişik həmişə, bu guruldamağı da, bir təsəlli kimi və ya əsl niyyətimizi gizləmək üçün işlətmişik. Axı biz yaxşı bilirik, “sözlə qarın doymaz”. İndi bu sözü işlətməyimiz bir az, bəlkə də daha çox yalançı olmağımıza işarədir. Biz heç vaxt təsəlli və ya quru sözdən ibarət bir vədi qəbul etməmişik, sadəcə razılıq əlaməti kimi xəfifcə başımızı tərpətmişik. Quru söz bizim nəyimizə lazımdır?

Biz xəstəlikdən sönən bir həyata deyil, hədər gedən pula heyifsilənmişik, biz puç olan arzulara deyil, çəkdiyimiz əziyyətə kədərlənmişik, biz çirkli əlləri ilə çörək istəmək üçün bizə toxunan ac uşağa deyil, çirklənmiş paltarımıza üzülmüşük, biz yıxılan birinə əl uzadan deyil , onun yıxanıq, biz ağlayanın göz yaşını silən deyil, göz yaşının axmasına səbəb olanıq, xəstə olan yaxını üçün narahat olan deyil, onun vəfatı ilə təxirə düşəcək xeyir işimizə narahat olan insanlarıq, biz ölmüş insanlığa deyil, ölmüş insana ağlayanıq.

Yağmasan da, gurulda!

Biz istəyirik, həm də çox yenə, yenə, yenə də istəyirik, nəyi? kimi? haranı? necə? nə cür?, harda olmağından asılı olmayaraq yetər ki, istəklərimiz sırasından olsun. Biz gözəl arzular quran, xəyallarda mələk olan insanlar deyilik, vəhşi hisslərimizin planladığı həyatı yaşayan robotlarıq. Biz insan formasında insanlıqdan uzaq yeriyən, nəfəs alan, danışan canlılarıq. Biz dini qonşudan, qohumdan xəbərin olsun deyə buyurduğu halda, xörəyimizi bitirməmiş görən, sabah nə bişirim deyən insanlarıq, biz qonşunun, qohumun qapısını illərlə açmayan, amma vəfat edən biri olanda el-aləm nə deyər, ayıbdır məclisdə iştirak etməliyəm, deyə bir həftə o evdən əl çəkməyən insanlarıq.

Yağmasan da, gurulda!

Biz bütün insani duyğularını itirmiş halda yaşayırıq. Nə sevirik, nə mərhəmət edirik, nə nəvaziş göstəririk, nə anlayırıq, nə dinləyirik, sadəcə nəfəs alırıq, yeriyirik, içirik, yatırıq, ömür boyu etdiklərimiz bundan ibarət bundan artığını etməyə gücümüz çatmır.

Nə qədər ki, həyatımızı yeyib, içib, yatmaq üzərində quracağıq, insanlıqdan da, insanlardan da, Yaradandan da uzaq olacağıq. Hər kəsin istər karın, istər korun, istər lalın, istər zalımin, istər ədalətli insanın ehtiyac duyduğu bir duyğu var, sevgi duyğusu. Hər kəs o duyğu ilə bəslənmək istər. Bu duyğudan nə özümüzü, nə ətrafı məhrum etməyək. İnsan birini qarşılıq gözləmədən sevəndə (bura hər cürə sevgi aiddir) bir başqa hissə qapılır, dünya gözünə bir başqa görünür. Çünki heç bir qorxusu, narahatçılığı yoxdur. Ya qarşımdakı mənə dəyər verməsə, hörmət etməsə kimi bir düşüncəsi yoxdur. Əsas olan öz düşüncəsidir. İnsanları insan olduqları üçün sevir, onlara insan olduqları üçün dəyər verir. Bunun qarşılığında heç bir təmannası yoxdur, ya kiçik bir təşəkkür, ya da bir qiymətli hədiyyə gözləmir. O, onsuzda hədiyyəsini alıb, sevgi duyğusuna sahibdir, bundan böyük hədiyyə ola bilməz.



Şərhlər (9)

Ayka_m_ova Ayka_m_ova 24 July 2015 11:49 Cavab yaz

RoyaВ В Hesenova,
Asi,
ElladaВ Babayeva,
LemanВ lale,
ŞəriВ Babayeva,
Hər birinizə təşəkkür edirəm bəyəndiyiniz üçün give_ros
CeylanВ Mumoğlu,
Çox sağ olun xoş sözlərə görə inşəAllah yazılarımın davamı gələr
MAYAВ EL,
●♥ Səma ♥●,
Çox sağ olun give_ros
sema_arzum sema_arzum 24 July 2015 01:11 Cavab yaz

Rəsmən insan olduğumdan utandım,Aida. blush Maraqlı yazıdır.Təşəkkürlər.
MAYA EL MAYA EL 23 July 2015 21:30 Cavab yaz

İnsanları insan olduqları üçün sevir, onlara insan olduqları üçün dəyər verir. Bunun qarşılığında heç bir təmannası yoxdur, ya kiçik bir təşəkkür, ya da bir qiymətli hədiyyə gözləmir. O, onsuzda hədiyyəsini alıb, sevgi duyğusuna sahibdir, bundan böyük hədiyyə ola bilməz.

Çox dəyərli yazıdı çox-çox təşəkkür edirəm girl_ang
Ceylan Mumoglu Ceylan Mumoglu 23 July 2015 19:02 Cavab yaz

Son cümlə bütün yazının mahiyyətini və eyni zamanda müəllifin nədən narahat olduğunu bildirir.
Aida gözəl hisslərlə dolu bir xanımdır, İnşAllah, ondan hələ nə qədər ürəyəyatan yazılar gözləyirəm.
Yorulmayasan. give_ros
Shari Shari 23 July 2015 18:38 Cavab yaz

Biz insan formasında insanlıqdan uzaq yeriyən, nəfəs alan, danışan canlılarıq. Biz dini qonşudan, qohumdan xəbərin olsun deyə buyurduğu halda, xörəyimizi bitirməmiş görən, sabah nə bişirim deyən insanlarıq, biz qonşunun, qohumun qapısını illərlə açmayan, amma vəfat edən biri olanda el-aləm nə deyər, ayıbdır məclisdə iştirak etməliyəm, deyə bir həftə o evdən əl çəkməyən insanlarıq.

good
Əllərinə sağlıq Aida. Çox bəyəndim. Davamlı olsun belə gözəl yazıların.
Alone_girl96 Alone_girl96 23 July 2015 16:48 Cavab yaz

Əslində yağmasını
istəmişik həmişə, bu guruldamağı
da, bir təsəlli kimi və ya əsl
niyyətimizi gizləmək üçün
işlətmişik.
Ellada84 Ellada84 23 July 2015 11:22 Cavab yaz

Yazını oxumaqdan zövq aldım. Hər bir sözdə, cümlədə həqiqət var. Afərin! good
Çox maraqlı xəbər idi deyib keçməyin bari bir cümləsini heç olmasa oxuyun.

Hər kəsin istər karın, istər korun, istər lalın, istər zalımin, istər ədalətli insanın ehtiyac duyduğu bir duyğu var, sevgi duyğusu. Hər kəs o duyğu ilə bəslənmək istər. Bu duyğudan nə özümüzü, nə ətrafı məhrum etməyək. İnsan birini qarşılıq gözləmədən sevəndə (bura hər cürə sevgi aiddir) bir başqa hissə qapılır, dünya gözünə bir başqa görünür.
Asi88 Asi88 22 July 2015 23:38 Cavab yaz

Insan oldugumdan utndim request yanlis oldugunu dusunediyimiz meyer ne qeder yanlisimiz varmis tesekkurler duşundurucu gozel yazi ucun
roya.hesenli.94695 roya.hesenli.94695 22 July 2015 12:40 Cavab yaz

Çox maraqli xeber idi tesekkur.

Add comment

  • reload, if the code cannot be seen


Qadin.Net

Яндекс.Метрика