Giriş
Bağla

Atamın qaçqın dünyasından sətirlər

MÜXTƏLİF / Ədəbi guşə / Poeziya dəftəri

Atam  həmişə  şeir yazarmış. Qaçqın düşdükdən sonra atamın şeir yazdığını bildim. Onlardan bir neçəsini sizinlə bölüşmək istərdim...

Bənzəmir

Sıldırım qayalı meşəli dağlar,

Əfsus bizim dağımıza bənzəmir.

Alması var, heyvası var, narı var,

Bağlar bizim bağımıza bənzəmir.

 

Qızların başında nazik örpəyi,

Naxışlı corabı, zərli köynəyi,

Bənzəsə də danışmağı, gülməyi

Nazı bizim nazımıza bənzəmir.

 

Sərin bulaqları, gur çeşmələri,

Ovsunlar insanı gur meşələri.

Kol dibindən boylansa da gülləri,

Yazı bizim yazımıza bənzəmir. 

                

    Damğa götürməyəydim

Kömək eləmədi Laçına kimsə,

Tanımadıq, qardaş dedik iblisə.

Baş əyincə nadürüstə, nakəsə

Mamır olub daş üstündə bitəydim.

Köçkün damğasını götürməyəydim.

 

Anlamazlar cərgəsinə qoyulduq,

Nadanların qapısında qul olduq,

Evsiz qaldıq, ordan-ora qovulduq.

Yatdığım səngərdə yerə girəydim,

Köçkün damğasını götürməyəydim.

 

Elimdə, obamda olmuşduq ağa

Qaçqın olduq, təzim etdik qoduğa,

Üstümüzə çəmkirəndə qurbağa,

Yerimdəcə qara daşa dönəydim,

Qaçqın damğasını göturməyəydim.

 

Elin həsrətindəyəm

Qəlbimiz göynəyir, gözlər yaşarır,

Xəyal məni məndən alıb aparır,

Viran qalmış yurdumuza qaytarır,

Laçın boyda elin həsrətindəyəm.

 

Ocaq sönüb, qızınıram közümlə,

Dəli kimi danışıram özümlə,

Kaş ki gedib seyr edəydim gözümlə,

Dağdan axan selin həsrətindəyəm.

 

Ömür yaşamışıq cənnət içində,

Oynayıb qaçmışıq güllər içində,

Keçəllərdə, Dəyirman dərəsində

Bitən nərgizgülün həsrətindəyəm.

 

Ətri vardı təzə şumun, torpağın,

Ətri vardı hər bostanın, hər bağın,

Meşələrdə xışıldayan yarpağın,

Dağda əsən yelin həsrətindəyəm.

 

Bulaqları billurdan şəffaf idi,

Adamları sulardan da saf idi,

Qurban vermək Laçını dəhşət idi,

Laçınlı günlərin həsrətindəyəm.

 

Atamın qaçqın dünyasından sətirlər

 

Möhtacam

Könlüm qubarlıdır, kövrəlib dolub,

Bir həlim kəlməyə, sözə möhtacam.

Bağımız odlanıb, bağçamız solub,

Qor tutub sönməyən közə möhtacam.

 

Dərdlər qalaqlanıb, başım açılmır,

Dərmanım qəhətdir, neynim, tapılmır.

Gecələr uzundu, səhər açılmır,

Gözümə dikilən gözə möhtacam.

 

Düşdük biyabana, düşdük qürbətə,

Dözdük tənələrə, dözdük möhnətə,

Bir şirin söhbətə, şirin iffətə,

Ziya nur tökülən gözə möhtacam.

 

Çoxları söz verib, hasil olmayıb,

Şamlıqdadır, donuz hələ çıxmayıb,

Yenişə, yoxuşa nəfəs qalmayıb,

Üç arşın enində düzə möhtacam 


     Haralısan, haralı...

Gündüzlər burada, gecə Laçında,

Kənd-kəsəyin dərdi-səri başımda,

Bir canım burdadır, bir canım orda

Heç bilmirəm oralıyam, buralı

Məndən sorma haralısan, haralı.

 

Tərlan idim, düşürdülər, sar oldum

Bəd əslə könül verdim, xar oldum,

Dil bilməzə, bimürvətə yar oldum,

Könül bağçam o vaxtdandır yaralı,

Məndən sorma haralısan, haralı.

 

Harda qaldı Almatayı, Horgədik ,

Yollarımız bağlı qaldı, getmədik.

Meyvələrin nübarını dərmədik,

Yurdumuzdan gen düşmüşuk aralı.

 

Vətəniydi Soltan Xosrov bəylərin,

Dağ cüssəli, dağ qüvvəli nərlərin,
Oylağıydı Koroğlunun, Nəbinin,

Hor Gədiyi, İsgəndəri, Qalalı

Məndən sorma haralısan, haralı.

 

Gün olurmu yaşarmaya gözlərim,

Çin çıxaydı yuxuda gördüklərim,

Gedəm kəndə, unudula dərdlərim,

Yəqin mənə yer saxlayıb Babalı

Məndən sorma haralısan, haralı. 

Müəllif: Həsənov Səxavət

 

Atamın qaçqın dünyasından sətirlər

Hamınızın saf ürəklə oxuyaraq səmimi sözlərinizi gözləyirəm.

Ardı var...



Şərhlər (38)

qeribe qeribe 21 June 2015 15:07 Cavab yaz

Gozel ve menali seirlerdir, təşəkkür edirəm.
Gunel_lachin Gunel_lachin 27 August 2013 21:15 Cavab yaz

SeadetВ Sexavet,
bibiqızı , xoş gördük wink
Seadet_1975 Seadet_1975 24 August 2013 23:57 Cavab yaz

Dayıqızı xoş gУ™lmisУ™n
Gunel_lachin Gunel_lachin 24 August 2013 20:54 Cavab yaz

Yaramızı sağaltmadı bu dövran, Nə yetişir, nə deşilir kor çiban. Zur dərədən kəndə sarı uzanan,
Dolanbacı yol yadıma düşübdü.
Daş bulaqda zoğal, tut ağacları, El yerinin göyəmi, fındıqları. Təzəcə geydiyim tirmə şalvarı Cırıqlayan kol yadıma düşübdü.
Quzuları gəzmək üçün çıxdığım, Sinəsindən xıncılouz qazdığım,
Qənşərindən kəndimizə baxdığım, Daş armudda yal yadıma düşübdü.
Bezikmişəm, can yığılıb ulğuma, Gilə - gilə yaş süzülür ovcuma. Anam ilə görüşəndə boynuma Dolandığı qol yadıma düşübdü.

Səxavət Həsənov
Aytac M-ca Aytac M-ca 15 August 2013 22:27 Cavab yaz

gozel şerdi twk
sidi-1982,tunu sidi-1982,tunu 30 June 2013 00:20 Cavab yaz

Gozəl serdir əllərinə sagliq
Seadet_1975 Seadet_1975 17 June 2013 18:11 Cavab yaz

Kristen cox tewekkur edirem.Vaxt ayirdigin ve oxudugun ucun.


Gumuw sen de sag ol.Elbette hamisi bizimdi.Amma Doguldugun yerin sene verdiyi ruh ayridir.Onu ozununku bilirsen.

Tewekkur haminiza..
kristen__ kristen__ 17 June 2013 17:26 Cavab yaz

Allah atanıza uzun uzuun ömürlər versin Səadət.Vətən itkisi yaşadı başqa itkilər yaşamasın artıq... O qədər içdən yazıb ki atanız şeiri.Oxuduqca bir istilik gəlir...Allah hamımıza yar olsun,inşallah yenidən qovuşarıq Vətən torpağına
girl_2018 girl_2018 16 June 2013 21:54 Cavab yaz

GulenaY,
Səndə sağ ol what
GulenaY GulenaY 16 June 2013 21:10 Cavab yaz

Gümüş,
yazdin qurtardin?He indi sagol..O senin fikrindir bu da menim fikrimdir
girl_2018 girl_2018 16 June 2013 07:40 Cavab yaz

Mən Qarabağa getməmişəm amma tilivizorda, şəkillərdə görmüşəm həqiqətən uörunda ölünəbiləcək torpaödör İŞALLAH geri qaytararıq.
GulenaY,
Qarabaöda bizimdi Lənkaranda bizimdi, Şəkidə bizimdi, Bakəda bizimdi məncə bu mövzuda bir vətəndaş kimi torpağlarımızı ayırmamalıyıq və onun pisinidə, yaxşısınıda sevməliyik bir ananın evladlarını sevdiyi kimi, evladlarının qüsürlarını dilinə gətirməyib onları bağrına basdığ kimi.
Seadet_1975 Seadet_1975 15 June 2013 20:58 Cavab yaz


Fatma xanım
Seadet xanım
atana qurban olum bu qaçqınlıq onunda ürəyini yaralayıb , qaçqın deyilib qüruru sınıb,
çox atalar getdi vətən torpaq el deyə
Allah atana can sağlığı versin


Fatma xanim xahiş edirem siz mene xanim demeyin.Siz boyuklerin yaninda bizim xanim olmagımıza cooox var.Sadece Seadet deyin.
cox sag olun verdiyiniz qiymətə görə give_ros
Fatma Fatma 15 June 2013 19:40 Cavab yaz

LouisВ Vuitton,
kaş bu dediyin nağıl yox həqiqər olaydı
Seadet xanım
atana qurban olum bu qaçqınlıq onunda ürəyini yaralayıb , qaçqın deyilib qüruru sınıb,
çox atalar getdi vətən torpaq el deyə
Allah atana can sağlığı versin
Louis Vuitton Louis Vuitton 15 June 2013 18:42 Cavab yaz

Sevinc xanim atama xeber etmiwem ozu oxuyur werhleri.Istedim ki her kesin munasibetini izu oxusun.Cox tewekkur edirem size.Gozleyirdim ki geleceksiz xeberime werh yazmaga.

Sən ey kövrək ürəkli, Vətən həsrətli atam,
Təslim olma dərdlərə, dözümlü ol sən, atam.
Çoxalsa da günbəgün alnındakı qırışlar,
Qələbə sevinciylə güləcəksən sən, atam!
lovable_madam lovable_madam 15 June 2013 18:40 Cavab yaz


Madamim cox tewekkur edirem eziyyetine gore..

Halal xoşun, əzizim. air_kiss
Seadet_1975 Seadet_1975 15 June 2013 18:32 Cavab yaz

Xebere werh yazan her bir xanima minnetdaram.Xanimlar her birinize ayri ayri xususi tewekkur edirem.Atam bizim ucun ,eminem ki haminin atasi onuncun cox qiymetlidir.Biz onunla nefes aliriq.Anamin ayri atamin ayri yeri var.Atam her zaman duwunceli qsygilidir.Herden deyirler ki,xususile anam 5qizin yanimda bew derdi vardi indi 25olub.Her vaxt atamin alninda qiriwlar yigilir nese duwunur....Odur ki onun duygulari menimcun evezedilmezdir.Her birinizin valideynlerine uzun omr arzu edirem icinde de menimkiler....
Sevinc xanim atama xeber etmiwem ozu oxuyur werhleri.Istedim ki her kesin munasibetini izu oxusun.Cox tewekkur edirem size.Gozleyirdim ki geleceksiz xeberime werh yazmaga.

Gulenay canim vallahi temiz qanli azeriyik...Cox sag ol bacim.Dogrudan da bizimkiler beledir....

Madamim cox tewekkur edirem eziyyetine gore...

Her biriniz var olun .Yaxwi ki varsiz....Bu sayta geldiyim ucun wadam......
Louis Vuitton Louis Vuitton 15 June 2013 17:37 Cavab yaz

Səadət, səndən çox xahiş edirəm bu sözlərimi atana şəxsən oxu.

Səxavət ata, mən sizin əllərinizdən öpürəm, mən sizin kövrək duyğularınız qarşısında söz deməyə acizəm. Siz qəlbi, ürəyi Vətən sevgisiylə dolu olan məcburi köçkünsünüz. Məcburiyyətdən torpaq itirməklə, onu qoyub kef dalınca getmək başqa-başqa anlamlardı. Mən bu şeirləri o qədər ürək yanğısıyla oxudum ki...sanki hər misra məni o torpaqlarda qarış-qarış gəzdirdi...kəklikotu iyini də duydum, buz bulaqlı sulardan da içdim, sərin dağ havası gizlicə üzümə də toxundu...
Biz o yerlərə yenidən qayıdacayıq, əziz ata, bu ümidi itirməyin xahiş edirəm sizdən...
GulenaY GulenaY 15 June 2013 16:04 Cavab yaz

Seadet kurdsunuz?Beh beh sheir super,yazan eller derd gormesin,gozler kovrelmesin...Veten yangisidir ureyi dindiren dile getiren...Sheirinizle yashadim...Teshekkurler Qarabagdan bele istedadlar chixir,bele talantlar chixir,bele ezabli gunler gormushler var..Qarabagda xari bulbul bitirdi,narkotik goyertisi bitmirdi,Qarbagda Xan Chinar var idi,qeqesh chayxanalari yox idi,Qarbag Uzeyir,Xan Shushuniski yetishdirdi,amma meyxanachi,qush uchurdan yetishdirmedi...Qarabagda hami Melik bulagindan,Turshsudan ichirdi,esas odur krant suyu,kanal suyu ichmirdi...Qarbagda o vaxtlar hami volqa surende,esas odur 4 tekere hesretle baxmirdilar,Qarbagda 2-3 mertebelei evlerde yashayanda esas odur dami qirli evlerde yagish bashlarina dama dama qalmirdilar...Var olsun Qarbaglilar,Zengezurlular,Dereleyezliler,Goycheliler..
DЖЏNД°Z DЖЏNД°Z 15 June 2013 13:12 Cavab yaz

çox mənalı şerdi teşekkürler
lovely_9991 lovely_9991 15 June 2013 11:48 Cavab yaz

GOzel ve menali serlerdir tesekkurler
Əvvəlki səhifə Növbəti səhifə

Add comment

  • reload, if the code cannot be seen


Qadin.Net

Яндекс.Метрика