Son dövrlər sellofanla bükülüb arıqlamaq xanımlar arasında dəb halını alıb. Qarındakı piyi əritmək istəyən kişilər də bu üsuldan geniş istifadə edirlər. Bu üsulla arıqlamaq qısa bir zamanda yaxşı effekt verir, digər tərəfdən, ucuz başa gəlir.
Məşqçi Gülnar Bağırovanın sözlərinə görə, fəal hərəkət edərək bədənin müəyyən nahiyələrini sellofana büküb piy qatının əriməsinə, nəticədə də çəkinin azalmasına nail olmaq olar. Həm salonda, həm də evdə sellofana bükülərək arıqlamaq mümkündür. Bu, arıqlamağın, sellülitdən qurtulmağın ən ucuz üsuludur.
"Bu üsulla arıqlamaqdan öncə bədənin piy qatının daha çox yığıldığı nahiyələri müəyyən etmək lazımdır. Məsələn, bu, qarın, bel və ya budlar ola bilər. Bəzilərinin qollarının yuxarı hissəsində də piy qatı çox yığıla və pis forma ala bilər. Elə insanlar var ki, onlar istər idman, istərsə də pəhrizlə həmin nahiyələri arıqlada bilmirlər. Bədənin digər hissələri arıqlayır, piy qatının toplandığı həmin nahiyələr isə qalır. Hər kəsdə bu nahiyələr fəqli ola bilər. Kimin qarnında, kiminsə də budunda piy qatı sürətlə yığılır və bununla mübarizə etmək çətinləşir", - deyən həmsöhbətimizə görə, uzun-uzadı pəhrizlər insanı tamam üzür, orqanizmdə vitamin çatışmazlığı başlayır. Xarici görünüş bütünlükdə pozulsa da, piy qatı ərimir. Məhz belə hallarda sellofanla bükülüb arıqlama kömək edir. Bu üsulu tətbiq etmək üçün problemli nahiyələri müəyyən edəndən sonra təmizləyici maskanı həmin hissələrə sürtmək lazımdır. Maskadan əvvəl bütün bədəni və ya problemli nahiyələri təmizləyici maskalarla təmizləmək lazımdır. Bu maskanın tərkibində dəniz duzu, üyüdülmüş qəhvə, meyvələrin xırdalanmış tumları, yosunlar olur. Təmizləyici maskalardan sonra sellülit əleyhinə maska və kremlər dəri altına rahat daxil olur. Təmizləyici maskanın masaj edərək yeridilməsi daha yaxşı effekt verir.
G.Bağırova hər hansı bir maskanı tətbiq etməzdən əvvəl tərkibinə daxil olan məhsullara allergiyanın olub-olmadığını müəyyən etməsi məsləhət görür. "Maskanı özünüz düzəltmək istəyirsizsə, nəzərə alın ki, maska üçün nəzərdə tutulan məhsullar yaxşı qarışdırılmalıdır. Maskanı dəriyə qənaət etmədən qalın layla çəkmək lazımdır. Maskanı çəkəndən sonra həmin nahiyəyə sellofanı 2-3 qat dolayın. Sellofan mütləq keyfiyyətli olmalıdır, bədənə kip yapışmalıdır. Lakin sellofanı çox möhkəm sıxmayın. Sellofana bükülən nahiyədə və kənarlarında heç bir narahatlıq hiss olunmamalıdır. Sellofanı doladıqdan sonra üstündən isti və yun geyim geyinmək və ya bağlamaq lazımdır".
Müsahibimiz deyir ki, piyi əritmək və sellülitdən azad olmaq üçün maskaları həm hazır şəkildə almaq, həm də ev şəraitində düzəltmək olar. Bu tip maskalar faydalı və təbii məhsullardan hazırlanmalıdır. Maskaların tərkibində bal, darçın, yosun, gil olarsa, daha yaxşı nəticə verər. Maska əvəzinə sellülitə qarşı kremlər də istifadə olunur.
Bağırova bildirib ki, sellofana bükülmə arıqlama üsulunun nəticələri ilk prosedurlardan sonra özünü göstərir: "Lakin nəticə uzun sürmür. Arıqladıqdan sonra rejim saxlanılmalı, idman etmək və düzgün qidalanmaq lazımdır".
Onun sözlərinə görə, hətta arıq qadınlar da sellülitdən əziyyət çəkirlər: "Sellülitlə mübarizənin ən yaxşı yolu isə sellofanla bükməkdir. Bədəni sellofanla bükdükdə tərləməyə başlayırıq. Tərləmə prosesində tər vəziləri açılır, qan dövranı yaxşılaşır, bükülmüş nahiyələrdən artıq su dərinin üstünə xaric olunur. Nəticədə bədənin çəkisi azalır".
Məşqçi qeyd edib ki, bəzi maskaları dəriyə sürtdükdə fəal hərəkət etmək lazımdır. İdman, aerobika etmək, qaçmaq və ya ev işləri ilə məşğul olmaq hərəkətli olmağımızı təmin edir. Elə də maskalar var ki, onu bədənə sürtdükdən sonra isti geyinib və 40-60 dəqiqə yorğan altında uzanmaq lazımdır. Adətən maskaların üzərində bu göstərici qeyd olunur.
Sellofanla arıqlama bitdikdən sonra geyimi və bağladığınız şalları, sonra isə sellofanı çıxarın: "Görəcəksiz ki, sellofanın altı sudur. Maskanı yuyub qurulanın. Quru dərinin üstünə sellülitə qarşı və ya qidalandırıcı kremi masaj edərək çəkin. Yaxşı olar ki, sellofanla bükülmə üsulunu bir gündən bir olmaqla 10 dəfə edəsiz. İl ərzində bir neçə 10 günlük arıqlama poseduru keçirə bilərsiz. Sellofana bükülmək yalnız arıqlamağa kömək etmir, həm də maskaların təsirini gücləndirir".
Qeyd edək ki, sellofanla bükülməni hipertoniya, varikoz, ürək-damar xəstəlikləri, ginekoloji xəstəliklər, mədəaltı vəzi xəstəliyi olduqda tətbiq etmək olmaz. Hamilələrə də bu üsul məsləhət deyil.
XƏBƏR LENTİ
Gəlin saç modelləri
Leyla Əliyeva poeziya gecəsində - FOTO
Zəncəfilli şirniyyat (foto resept)
Mayonezli maska ilə gözəl saçlara qovuşun!
Gənclər üçün pəhriz
Heç görmədiyiniz qəribə meyvələr
Varlı olmağın qorxulu tərəfləri
2012-ci ilin gəlinlikləri
Əsəbləşmək kökəlməyə səbəb olur
Kəlbəcər rayonunun işğalından 21 il ötür
Rubl Rusiyanı hərəkətə keçirdi
Acıbibərli acika (foto resept)
Dövlət Komitəsi: Ramazan təqvimi ilə bağlı pozuntular araşdırılacaq
"Zəmzəm" suyunun sirləri açıqlanıb
Sara Sampaionun gözəllik sirləri
Payızda sağlam qala bilmək üçün nə etməliyik?
Avropanın dondurucu soyuqları Azərbaycana GƏLİR? - AÇIQLAMA
Qar uçqunları 250 nəfəri çıxılmaz vəziyyətdə qoydu
Həyatı olduğu kimi qəbul edin
Bu gecə Ay qan rənginə boyanacaq
Ən qapalı ölkə İnstagram-da
Bəhram Bağırzadə Mehriban Əliyevaya təşəkkür etdi
Vanqadan şok öncəgörmə: Martın 31-də...
Ətli, makaronlu yemək (foto resept)
Putindən növbəti qadağa
Kişilər nəyə görə qadınlardan hündürdülər?
"Qız xəstəliyi" - bu nədir?
“Instagram”a çoxdan gözlənilən funksiya gəlir
Bu gün Ümümdünya Kosmonavtika günüdür
Elektrik enerjisinin qiyməti və metroda gedişhaqqı bahalaşacaq?
"Avtomobil idmanının inkişaf etdirilməsinə önəm veriləcək"
Lazanyalı rollı (foto resept)
Danimarkada koronavirus səbəbindən su samurlarının kütləvi məhvinə başlanıldı
Gürcüstan-Tbilisi (2)
Xarı bülbül Qaxa gəlib çıxdı
Xəttiniz xarakterinizdən xəbər verir
Onlar da ayrıldılar
Tuşdan istifadə qaydaları
Pensiyalar artacaq
Sentyabr ayının qalibləri!
Boksçularımız 17 medal qazandılar
Ermənistan ordusu cəbhənin müxtəlif istiqamətlərində atəşkəsi pozub
Azərbaycanda istirahət günü hava yağıntılı olacaq
Nişan geyimləri və gəlinliklər
Ütüləməyi bacarmır, nə etsin?
Qocalmağa qoymayan NADİR MADDƏ: alfa lipoikin İNANILMAZ FAYDALARI
Bakıda yardıma ehtiyacı olan uşaqların əl işlərindən ibarət sərgi keçirildi
Sinoptiklərdən Azərbaycan üçün xoş hava müjdəsi
Sevimli uşaq şerləri
Azərbaycanda çörək bahalaşır?
- ŞƏRHLƏR