Bakıda hava
USD AZN
EUR AZN

Televiziyalara bu reklamlarla bağlı xəbərdarlıq edildi

Televiziyalara bu reklamlarla bağlı xəbərdarlıq edildi


Milli Televiziya və Radio Şurası (MTRŞ) süni mayalanma üzrə tibbi xidmət reklamının yayımlanmasının qanunla qadağan olunması ilə bağlı ümumrespublika və regional televiziya yayımçılarına məktub göndərib.

Qadin.Net xəbər verir ki, MTRŞ-ın Aparat rəhbəri Asəf Hacıyev “Report”a açıqlamasında məlumatı təsdiqləyib.

O bildirib ki, eyni məzmunlu məktub “Azərbaycan Televiziya və Radio verilişləri” QSC-yə, “İctimai Televiziya ve Radio Yayımları Şirkəti”nə, “Xəzər TV” MMC-yə, “Azad Azərbaycan Müstəqil Teleradio Kompaniyası”na, “Real Təhlil İnformasiya Mərkəzi” MMC-yə, “Lider TV və Radio Azərbaycan” MMC-yə, “Space Müstəqil Teleradio Şirkəti”nə, ARB Televiziyasına, “Dünya” Televiziyasına və “Qafqaz” Televiziyasına ünvanlanıb.

Məktubda qeyd olunub ki, son zamanlarda bəzi teleradio yayımçıları tərəfindən süni mayalanma üzrə tibbi xidmətin reklamının yayımlanması hallarına rast gəlinib:

“Nəzərinizə çatdırırıq ki, “Reklam haqqında” Azərbaycan Respublikası Qanununun 29.5-ci maddəsinin tələbinə əsasən, hamiləliyin süni yolla pozulması və süni mayalanma üzrə tibbi xidmətin reklamı qadağandır.

Eyni zamanda bildiririk ki, İnzibati Xətalar Məcəlləsində reklam haqqında qanunvericiliyin pozulmasına görə inzibati məsuliyyət nəzərdə tutulub. Qeyd olunanlara əsasən, sözügedən məsələni nəzərə almağınız və gələcək fəaliyyətinizdə də daim diqqət mərkəzində saxlamağınız üçün tövsiyə olunur”.

Səslərin sayı: 0
1
302
loading...
Şərhlər
Offline
Iceberg
Televiziyalara bu reklamlarla bağlı xəbərdarlıq edildi
15 oktyabr 2019 14:59
imza: shafaabdulla.blogspot.com
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )